Parmalat
Parmalat SpA | |
|---|---|
 | |
 | |
| Տեսակ | բիզնես ձեռնարկություն և ձեռնարկություն |
| Հիմնադրված է | 1961 |
| Հիմնադիր | Կալիստո Տանզի |
| Վայր | Կոլեքիո, Պարմա, Էմիլիա Ռոմանիա, Իտալիա |
| Երկիր |  Իտալիա |
| Արդյունաբերություն | սննդի արդյունաբերություն |
| Գործառնական շահույթ | €279,6 մլն (2015) |
| Զուտ շահույթ | €145,8 մլն (2015) |
| Աշխատողների թիվ | 27 596 (2015) |
| Մայր ընկերություն | Lactalis? |
| Դուստր ընկերություններ | Lactis? |
| Սեփականատեր | Lactalis? |
| Կայք | parmalat.com |
 Parmalat Վիքիպահեստում | |
Parmalat SpA (արտասանվում է «Պարմալատ»), կաթնամթերքի և այլ պարենային ապրանքների արտադրության իտալական կորպորացիա։ Ընկերության գլխամասային գրասենյակը գտնվում է Կոլեքիո քաղաքում (Էմիլիա-Ռոմանիա մարզ)[1]։ Ընկերությունն ունի մոտ 140 գործարան ամբողջ աշխարհում։
Պատմություն[խմբագրել | խմբագրել կոդը]
Ընկերությունը հիմնադրվել է 1961 թվականին, երբ 22-ամյա քոլեջի շրջանավարտ Կալիստո Տանզին (1938–2022[2]) Պարմայում բացեց կաթի պաստերիզացման փոքրիկ գործարան։
Սնանկություն[խմբագրել | խմբագրել կոդը]
Ընկերության շուրջ սկանդալը բռնկվել է 2003 թվականին, երբ խորհրդի նախագահի պաշտոնը զբաղեցրեց Էնրիկո Բոնդին, ով բարձրաձայնեց ֆինանսական հաշվետվությունները և պարզեց, որ ընկերությունը երկար ժամանակ թաքցրել է կորուստները և գերագնահատել շահույթը (ավելի քան 10 տարի)[3]։ Ընկերությունը բռնվել է բորսաներում ապօրինի մանիպուլյացիաների համար[4]։ Այդ ժամանակներից ի վեր ընկերությունն անցել է երկարատև վերակազմավորման գործընթաց։
Ավելի ուշ՝ 2010 թվականի դեկտեմբերին, Կալիստո Տանզին՝ նախկին գործադիր տնօրենը և Parmalat-ի հիմնադիրը, ով ընկերությունը կանխամտածված սնանկության է ենթարկել, դատապարտվել է 18 տարվա ազատազրկման, իսկ նախկին ֆինանսական տնօրենը՝ 14 տարվա[5]։ Մինչ այդ՝ 2008 թվականին, Տանզին արդեն 10 տարվա ազատազրկման էր դատապարտվել արժեթղթերի շուկայում խարդախության համար[6]։
2011 թվականի գարնանը և ամռանը ֆրանսիական Lactalis ընկերությունը, որը նախկինում ուներ Parmalat-ի 29% բաժնետոմսերը, գնեց Parmalat-ի վերահսկիչ փաթեթը՝ իր ձեռքում կենտրոնացնելով ընկերության բաժնետոմսերի 83,3%-ը։ Գործարքի գնահատված գումարը կազմել է 3,4 մլրդ եվրո[7]։
Անվանում[խմբագրել | խմբագրել կոդը]
Ընկերության անվանումը կազմված է երկու իտալական բառերից՝ Parma (քաղաք իտալական Էմիլիա-Ռոմանիա շրջանում, որտեղ էլ առաջացել է ընկերությունը) և latte, որը իտալերեն նշանակում է կաթ[8]։
Սեփականատերեր և կառավարում[խմբագրել | խմբագրել կոդը]
2011 թվականի հուլիսի դրությամբ ընկերության բաժնետոմսերի 83,3%-ը պատկանում էր ֆրանսիական Lactalis սննդամթերքի ընկերությանը։
Ընկերության տնօրենների խորհրդի նախագահն է՝ Ռաֆֆայել Պիչելլան, գլխավոր տնօրենը՝ Էնրիկո Բոնդի։
Գործունեություն[խմբագրել | խմբագրել կոդը]
Ընկերությանը պատկանում է շուրջ 140 արտադրական օբյեկտ ամբողջ աշխարհում։ Parmalat-ը պաշտոնական ներկայացուցչություններ ունի այնպիսի երկրներում, ինչպիսիք են Ավստրալիան, Հայաստանը, Բոտսվանան, Վենեսուելան, Զամբիան, Իտալիան, Կանադան, Կոլումբիան, Կուբան, Մոզամբիկը, Նիկարագուան, Պարագվայը, Պորտուգալիան, Ռուսաստանը, Ռումինիան, Էսվատինին, Էկվադորը, Հարավային Աֆրիկան։ Լիցենզավորված արտադրությունն իրականացվում է հետևյալ երկրներում՝ Բրազիլիա, Հունգարիա, Դոմինիկյան Հանրապետություն, Իսպանիա, Չինաստան, Մեքսիկա, ԱՄՆ, Ուրուգվայ, Չիլի։
Ընկերության անձնակազմի թիվը կազմում է 13,79 հազար մարդ։ 2009 թվականի շրջանառությունը կազմել է 3,99 միլիարդ եվրո, գործառնական եկամուտը՝ 666,8 միլիոն եվրո, իսկ մաքուր եկամուտը՝ 519,0 միլիոն եվրո[9]։
Ծանոթագրություններ[խմբագրել | խմբագրել կոդը]
- ↑ Parmalat — Contacts Archived 2010-12-09 at the Wayback Machine. // parmalat.com
- ↑ http://corriere.it/economia/aziende/22_gennaio_01/morto-calisto-tanzi-7ba7743e-6aef-11ec-a3c8-e3c830b3b1de_amp.html
- ↑ Вынесены первые приговоры по делу о банкротстве Parmalat www.lenta.ru;
- ↑ В Милане начинается судебное разбирательство по делу Parmalat Archived 2016-03-04 at the Wayback Machine. www.yarmarka.net
- ↑ Алексей Алексеев. Молочный срок // Ведомости, 14.12.2010, № 236 (2754)
- ↑ Основателю Parmalat добавили 18 лет тюрьмы // lenta.ru
- ↑ «Французской Lactalis разрешили приобрести Parmalat»։ // top.rbc.ru։ Արխիվացված է օրիգինալից 2011-05-16-ին։ Վերցված է 2011-09-02
- ↑ Пармалат. Миссия и история.(չաշխատող հղում)
- ↑ «Annual Report 2009»։ Parmalat։ Արխիվացված է օրիգինալից 2012-02-20-ին։ Վերցված է 2010-12-14
Արտաքին հղումներ[խմբագրել | խմբագրել կոդը]
| ||||||||||||||||
