Վիկտոր Իսրայելյան

Վիկտոր Իսրայելյան;
Ծնվել է	նոյեմբերի 1, 1919
Ծննդավայր	Թիֆլիս, Վրաստանի Դեմոկրատական Հանրապետություն
Մահացել է	սեպտեմբերի 27, 2005 (85 տարեկան)
Քաղաքացիություն	Ռուսաստան
Կրթություն	Մոսկվայի Ի. Սեչենովի անվան առաջին պետական բժշկական համալսարան (1941) և Ռուսաստանի ԱԳՆ դիվանագիտական ակադեմիա (1946)
Կոչում	պրոֆեսոր
Գիտական աստիճան	պատմական գիտությունների դոկտոր
Մասնագիտություն	դիվանագետ, պատմաբան և համալսարանի դասախոս
Աշխատավայր	Երևանի պետական համալսարան և Ռուսաստանի ԱԳՆ դիվանագիտական ակադեմիա
Կուսակցություն	ԽՄԿԿ
Պարգևներ և ; մրցանակներ	; և

Վիքիպեդիայում կան հոդվածներ Իսրայելյան ազգանունով այլ մարդկանց մասին։

Վիկտոր Լևոնի Իսրայելյան (նոյեմբերի 1, 1919(1919-11-01)^[1]^[2], Թիֆլիս, Վրաստանի Դեմոկրատական Հանրապետություն^[2] - սեպտեմբերի 27, 2005(2005-09-27)^[1]), խորհրդային դիվանագետ, ԽՍՀՄ արտակարգ և լիազոր դեսպան (1971)։ Պատմական գիտությունների դոկտոր, պրոֆեսոր (1962)։

1941 թվականին ավարտել է Մոսկվայի 1-ին բժշկական ինստիտուտը, 1946 թվականին՝ ԽՍՀՄ Արտգործմինիստրության բարձրագույն դիվանագիտական դպրոցը։ 1949-1951 թվականներին դասախոսել է Երևանի համալսարանում, 1951 թվականից՝ բարձրագույն դիվանագիտական դպրոցում (1961-1968 թվականներին՝ պատմադիվանագիտական գիտությունների ամբիոնի վարիչ)։ 1968 թվականից աշխատում է ՄԱԿ-ին առընթեր ԽՍՀՄ ներկայացուցչությունում (Նյու Յորք)՝ որպես մշտական ներկայացուցչի տեղակալ, ապա՝ առաջին տեղակալ։ 1973 թվականից ԽՍՀՄ Արտգործմինիստրության կոլեգիայի անդամ, միջազգային կազմակերպությունների բաժնի վարիչ։ Միջազգային զանազան (նաև գիտական) կոնֆերանսներում (մասնավորապես ՄԱԿ-ի Գլխավոր ասամբլեայի սեսիաներում) եղել է խորհրդային պատվիրակության ղեկավար կամ անդամ։ Իսրայելյանի աշխատությունները հրատարակվել են արտասահմանյան շատ երկրներում (Անգլիա, Ֆրանսիա, ԱՄՆ, Լեհաստան, Չեխոսլովակիա, Հունգարիա, ԳԴՀ և այլն)։ Պարգևատրվել է Աշխատանքային կարմիր դրոշի 2 և ժողովուրդների բարեկամության շքանշաններով։

Կենսագրություն

Ծնվել է Թիֆլիսում ՝ բժշկի ընտանիքում, վաղ մանկությունն և պատանեկությունը անց է կացրել Գերմանիայում։

1941 թ. հուլիսին գերազանց ավարտել է Առաջին մոսկովյան բժշկական համալսարանը։ Երկրորդ համաշխարհային պատերազմի տարիներին ծառայել է Անդրկովկասի զինվորական օկրուգում։ Զորացրվել է 1943 թ.։

1945 թ. որոշ ժամանակ դասավանդել է ԵՊՀ-ում։ Մոսկվա վերադառնալուց հետո ընդունվել է ԽՍՀՄ-ի ԱԳՆ-ը Դիվանագիտական ակադեմիա և 1946 թ. այն հաջողությամբ ավարտելուց հետո նա որպես խորհրդատու ուղարկվել Վաշինգտոնում գտնվող ԽՍՀՄ-ի ԱԳՆ դեսպանատուն։ 1951 թվականից դասավանդել է ԽՍՀՄ-ի ԱԳՆ Դիվանագիտական ակադեմիայում, իսկ 1961-1968 թվականներին աշխատել ամբիոնի վարիչ դիվանագիտական պատմության բաժնում։

1968 թվականից դիվանագիտական հանձնարարությամբ եղել է Նյու-Յորքում։

1960-80-ական թթ. մասնակցել է գրեթե բոլոր բանակցություններին, խորհրդատվություններին, հանդիպումներին՝ նվիրված ՄԱԿ-ի գլխավոր քարտուղարի ընտրություններին։

1970-ական թթ. ԽՍՀՄ ԱԳՆ-ում զբաղվել է ՄԱԿ-ի հարցերով՝ որպես միջազգային կազմակերպության նախարարության դեպարտամենտի տնօրեն, գլխավոր ասամբլեայի նիստերին ուղարկված ԽՍՀՄ-ի պատվիրակության անդամ և ԽՍՀՄ-ի ներկայացուցիչ տարբեր համակարգերում։ ՄԱԿ-ում զբաղեցնում էր ԽՍՀՄ-ի առաջին փոխներկայացուցչի պաշտոնը։ ԽՍՀՄ-ի ԱԳՆ-ն թողեց 1990 թ. և այդ ժամանակից սկսեց ապրել ԱՄՆ-ում ՝ ուսանողական քաղաք Սթեյթ-Քոլեջում՝ Պենսիլվանիա նահանգում։ ԽՄԿԿ անդամ 1946 թվականից։

Գրքեր

Վ. Իսրայելյանի գիտական աշխատանքները հրատարակվել են աշխարհի շատ երկրներում (ԱՄՆ, Անգլիա, Ֆրանսիա, Լեհաստան, Չեխոսլովակիա, Հունգարիա)։

Վ. Լ. Իսրայելյան, Հայրենական մեծ պատերազմի դիվանագիտության պատմություն 1941-1945, Մ., 1959.
Վ. Լ. Իսրայելյան, Հակահիտլերյան կոալիցիա, Մ., 1964.
Վ. Լ. Իսրայելյան, Հակահիտլերյան կոալիցիա [1941-1945], Մ., 1965.
Վ. Լ. Իսրայելյան, Լ. Ն. Կուտակով, Ագրեսորների դիվանագիտությունը. գերմանա-իտալա-ճապոնական ֆարշիստական բլոկ։ Նրա ծագումն ու անկումը, Մ., 1967.
Վ. Լ. Իսրայելյան, Դիվանագետները դեմ առ դեմ։ (Մոնոգրաֆիա) Մ. Միջազգային հարաբերություններ- 1990 թ.
Վ. Լ. Իսրայելյան, «Դիվանագիտությունը իմ կյանքն է»

Հարցազրույցներ

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Արտաքին հղումներ

Կենսագրություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 420)։

[_08c7f45d2a736ac3-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_5e5775e65518eefb-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 ^2,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]

[2]