Ավարտել է Երևանի պետական համալսարանը (1928)։ Որպես կոլտնտկենտրոնի հրահանգիչ (1928-1930) մասնակցել է կոլտնտեսային շարժմանը։ Աշխատել է ԽՍՀՄ ԳԱ հայկական մասնաճյուղում որպես կենսաբանության ինստիտուտի տնօրեն (1938-1942), ապա՝ մասնաճյուղի նախագահի տեղակալ (1942-1943)։ 1943 թվականին, ՀԽՍՀ ԳԱ կազմակերպվելուց հետո, ընտրվել է փոխնախագահ (1943-1950)։ 1959- 1971 թվականներին եղել է կենսաբանական բաժանմունքի ակադեմիկոս քարտուղար։ ԽՄԿԿ անդամ 1930 թվականից։
Աշխատությունները նվիրված են բույսերի (մասնավորապես ցորենի) գենետիկայի և սելեկցիայի հարցերին, բամբակենու ֆիտոտեխնիկայի խնդիրներին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 247)։