Ռոբոտներ (մուլտֆիլմ)

Ռոբոտներ; անգլ.՝ Robots
Տեսակ	մուլտֆիլմ
Ժանր	կինոկատակերգություն, ֆենթեզի ֆիլմ, արկածային ֆիլմ, ֆանտաստիկ ֆիլմ, Բուֆոնադ և ընտանեկան ֆիլմ
Թեմա	Ռոբոտ և գյուտ
Հորինված երկիր	Robots universe?
Ռեժիսոր	Քրիս Ուեջ և Կարլոս Սալդանա
Սցենարիստ	Դևիդ Լինդսի-Էբեր, Լաուել Գանց և Babaloo Mandel?
Հնչյունավորում	Էվան ՄաքԳրեգոր, Դրյու Քերի, Գրեգ Քիննիր, Ամանդա Բայնս, Հոլի Բերի, Ռոբին Ուիլյամս, Մել Բրուքս, Ջիմ Բրոուդբենթ, Ջենիֆեր Քուլիջ, Փոլ Ջամատի, Սթենլի Տուչի, Դայան Ուիսթ, Ջեյ Լենո, Քրիս Ուեջ, Դեն Հեդայա, Ջեյմս Էրլ Ջոնս, Քեթրին Օ’Հարա և Ուիլյամ Հիքի
Պրոդյուսեր	Ուիլյամ Ջոյս (գրող)
Գործադիր պրոդյուսեր	Քրիս Մելեդանդրի
Երաժշտություն	Ջոն Փաուել
Խմբագիր	Ջոն Կարնոշան
Երկիր	ԱՄՆ
Լեզու	անգլերեն
Ընկերություն	Blue Sky Studios և 20th Century Animation
Դիստրիբյուտոր	20th Century Studios և Դիսնեյ+
Տևողություն	91 րոպե
Սիկվել	Aunt Fanny's Tour of Booty?
Թվական	մարտի 10, 2005, մարտի 17, 2005 և 2005
MPAA վարկանիշ	PG
Շահույթ	260 700 000 $
robotsmovie.com/intl_splash.php?country=IT

«Ռոբոտներ» (անգլ.՝ Robots), 2005 թվականի անիմացիոն ֆիլմ^[7]։

Սյուժե

Սա պատմություն է՝ միայն ռոբոտներով բնակեցված ֆանտաստիկ աշխարհում (31-րդ դարում) ապրող, երիտասարդ ռոբոտ Ռոդնի Պողպատիչի արկածների մասին։ Այդ աշխարհում՝ հայտնի գյուտարարի անվան տակ թաքնվող ագահ ընկերությունը որոշում է դադարեցնել պահեստամասերի թողարկումը ռոբոտների «հնացած» մոդելների համար, դրա փոխարեն առաջարկելով կմախքի թանկ մոդելներ։ Արդյունքում աղքատները մտան աղետալի վիճակի մեջ՝ նրանց գոյությունը վտանգի տակ է։ Գլխավոր հերոսը՝ աղքատ, բայց տաղանդավոր սկսնակ գյուտարար Ռոդնին ապրում է Գամ (անգլ.՝ Rivet Town) գավառական քաղաքում։ Այնտղից նա գնում է մայրաքաղաք, որ աշխատանք գտնի ընկերությունում և օգտագործի իր տաղանդը։ Սակայն, մերժում ստանալով, Ռոդնին որոշում է ամեն գնով օգնել աղքատներին...

Դերակատարներ

Էվան ՄաքԳրեգոր (ռուսերեն ձայն - Սերգեյ Ստիլավին)՝ Ռոդնի Պողպատիչ, ֆիլմի գլխավոր կերպարը։ Սկսնակ գյուտարար է։ Լավ է գլուխ հանում տեխնիկայում և վերանորոգում է աղքատ ռոբոտներին։
Մել Բրուքս (ռուսերեն ձայն - Օլեգ Կուցենկո)՝ պարոն Բիգվելդ, ընկերության ղեկավար (նախկինում՝ տաղանդավոր գյուտարար)։ Գեր է։ Ռոդնիի հետ ծանոթանալուց առաջ նա՝ տիկին Կերոգազի գործողությունների պատճառով անընդհատ ընկնում էր սթրեսի մեջ։ Նրա կարգախոսը. «Կա խնդիր՝ լուծիր այն»։
Ռոբին Ուիլյամս (ռուսերեն ձայն` Ալեքսանդր Կոտով)՝ Արգելակ։ Ֆիլմում նրա կենսագրությունը չի շահարկվում, միայն հայտնի է, որ նրան նախկինում անվանել են Բամպեր։ Ներկա պահին նա «անօթևան» է, իսկ նրա տարբերվող առանձնահատկությունն այն է, որ նա հաճախ մասերի է բաժանվում։ Ռոդնիի լավագույն ընկերն է դարձել Ռոդնիի` նրա պարանոցը վերանորոգելուց հետո։
Գրեգ Կիննիր (ռուսերեն ձայն` Գենադի Բաչինսկի)՝ Ֆինեաս Մխոց, շատ հավակնոտ, ամբարտավան, ագահ և եսասեր անձնավորություն։ Տիկին Կերոգազի որդին, նրա գործընկեր և կողմնակից։ Ռոդնի Պողպատիչի գլխավոր հակառակորդը։ Գրավել է Բիգվելդի կողմից հիմնադրված ընկերության կառավարման ղեկը, իսկ նույն Բիգվելդին հեռացրել է գործերից և ցանկանում է սպանել։ Վերջնամասում հաղթվում է Ռոդնիի և իր ընկերների կողմից, որի արդյունքում կիսում է հոր ունեցվածքը` կորցնում է իր նոր կորպուսը և շղթաներով կախվում է այն խողովակից, որից կախված եր նրա հայրը։
Հոլի Բերի (ռուսերեն ձայն` Մարգարիտա Միտրոֆոնովա)` Ճարմանդ, Բիգվելդի ընկերությունում աշխատող հմայիչ օրիորդ։ Մեծ դժգոհությամբ է վերաբերվում Մխոցի ընկերներին և օգնում է Ռոդնիին գտնել և վերադարձնել Բիգվելդին։ Ֆիլմի վերջնամասում սիրահարվում է Ռոդնիին։
Ամանդա Բայնս (ռուսերեն ձայն՝ Ելենա Սոլովյովա)` Փայփեր, Արգելակի քույրը, շատ աշխույժ և ծիծաղկոտ։ Նա ունի հյուսքեր-զսպանակներ, որոնք նա կարող է օգտագործել կռվի ժամանակ որպես զենք։
Ջենիֆեր Կուլիջ (ռուսերեն ձայն՝ Լյուդմիլա Գնիլովա)՝ Ֆենյա մորաքույրը, բարեհոգի գիրուկ։ Ունի գիշերակացի պայմաններ հոգնած ռոբոտների համար։
Ջիմ Բրոդբենտ (ռուսերեն ձայն` Վիկտոր Պետրով)՝ տիկին Կերոգազ, Մխոցի մայրը, նրա գործընկերը և ղեկավարը։ Ֆաբրիկայի` աղբի վերամշակման հարցերով տանտիրուհին, չար, բռնակալ և խելառ մի կին։ Բիգվելդի գլխավոր հակառակորդն է։ Ֆիլմի գլխավոր անտագոնստը։ Փաստացի հենց նա է կանգնած իր փառասեր, բայց ոչ այնքան խելացի որդյակի հետևում, նրան խորհուրդներ է տալիս և հրահրում է վճռական գործողությունների։ Վերջնամասում ոչնչացվում է Ռոդնի Պողպատիչի Վոնդերբոտի կողմից, ով նրան նետում է աղբայրիչ օջախ։
Փոլ Ջամատի (ռուսերեն ձայն` Դմիտրի Ֆիլիմոնով)` Թիմ, դռնապան Բիգվելդի ընկերությունում։ Փոքրիկ, սակայն շատ նենգ։ Ֆիլմի վերջնամասում եղավ նրանց շարքերում, ովքեր դիմավորում էին Բիգվելդին, սակայն հեռացվեց Վոնդերբոտի կողմից։
Սթենլի Տուչչի (ռուսերեն ձայն` Վլադիմիր Անտոնիկ)` Հյորբ Պողպատիչ, Ռոդնիի հայրը։ Ապրուստի գումար է վաստակում աման լվալով, սակայն հոգու խորքում միշտ երազել է դառնալ երաժիշտ։ Ֆիլմի վերջնամասում նրա երազանքը կատարվում է։
Դեն Հեդայա (ռուսերեն ձայն` Ալեքսեյ Բորզունով)՝ պարոն Գանկ, ռոբոտների ճաշարանի սեփականատեր, որում աշխատում է Պողպատիչ-ավագը։ Շատ բոցավառվող է։
Դայան Ուիսթ` Լիդյա Պողպատիչ, Ռոդնիի մայրը։ Շատ սիրում է որդուն և հպարտանում է նրանով։
Նատաշա Լիոն (ռուսերեն ձայն՝ Լյուդմիլա Իլինա)՝ Լորետա Ատամնանվակ, Մխոցի քարտուղարուհին։ Սիրահարվում է Արգելակին, պատահաբար ծանոթանալով նրա հետ «Բիգվելդ Ինդասթրիսում» իրականացվող ամենամյա բարեգործական պարահանդեսին^[8]։

Ֆիլմի ռուսերեն կրկնօրինակումն իրականացվել է «Central Production International Group» գեղարվեստական խմբի կողմից «Գեմինի Կինոմիրի» պատվերով՝ 2005 թվականին։

Կրկնօրինակման ռեժիսոր. Յուլիա Բիրյուկովա
Թարգմանիչներ և համաժամանակյա տեքստի հեղինակներ. Գենադի Ռոմանով, Գալինա Կլիմովա
Ձայնային ռեժիսոր. Վլադիմիր Շուստեր
Ձայնային մոնտաժի հեղինակ. Կիրիլ Ալեքսեև
Նախագծի ղեկավար. Դեվիդ Շուֆուտինսկի
Տնօրեն․Ալեքսեյ Ռիժկով

Հետաքրքիր փաստեր

Երբ կայարանում Ռոդնին անցնում է պարող կապիկի կողքով, հետին պլանում կարելի է տեսնել` արտաքինից Սառցե դարաշրջան ֆիլմերի շարքի հերոսներից մեկին` Սիդին նմանվող ռոբոտի։
Կերպարների ցանկում կարելի է տեսնել Երկաթե Հյուսնին։

Խաղ

Մուլտֆիլմի հետ թողարկվել է համանուն խաղը։

Ծանոթագրություններ

↑ https://www.imdb.com/title/tt0358082/
↑ https://www.adorocinema.com/filmes/filme-53218/
↑ https://www.interfilmes.com/filme_14948_Robos-(Robots).html
↑ Freebase տվյալների վերբեռնում — Google.
↑ Internet Movie Database — 1990.
↑ Box Office Mojo — 1999.
↑ Jones, Malcolm (2005 թ․ մարտի 13). «Heavenly Metal». The Daily Beast. Արխիվացված է օրիգինալից 2012 թ․ հունվարի 15-ին. Վերցված է 2011 թ․ սեպտեմբերի 1-ին.
↑ «Robots (2005)». British Film Institute. Արխիվացված է օրիգինալից 2015 թ․ դեկտեմբերի 10-ին. Վերցված է 2015 թ․ դեկտեմբերի 8-ին.

Արտաքին հղումներ

Մուլտֆիլմի գրախոսականներ(անգլ.)

Վիքիպահեստն ունի նյութեր, որոնք վերաբերում են «Ռոբոտներ (մուլտֆիլմ)» հոդվածին։

[_3714f56f0a49df63-1] ttps://www.imdb.com/title/tt0358082/

[_d20a72d6170d8b77-2] ttps://www.adorocinema.com/filmes/filme-53218/

[_373baf8ce0c70267-3] ttps://www.interfilmes.com/filme_14948_Robos-(Robots).html

[_da618420ec8f5fcb-4] Freebase տվյալների վերբեռնում — Google.

[_e92425924a5662b9-5] Internet Movie Database — 1990.

[_d11cb240d0b03569-6] Box Office Mojo — 1999.

[7] Jones, Malcolm (2005 թ․ մարտի 13). «Heavenly Metal». The Daily Beast. Արխիվացված է օրիգինալից 2012 թ․ հունվարի 15-ին. Վերցված է 2011 թ․ սեպտեմբերի 1-ին.

[BFIRobots-8] «Robots (2005)». British Film Institute. Արխիվացված է օրիգինալից 2015 թ․ դեկտեմբերի 10-ին. Վերցված է 2015 թ․ դեկտեմբերի 8-ին.

[1]

[2]

[3]

[4]

[5]

[6]

[7]

[8]