Փոլ Ջամատի

Վիքիպեդիայից՝ ազատ հանրագիտարանից
Jump to navigation Jump to search
Picto infobox film.png
Փոլ Ջամատի
Paul Giamatti 2010 TIFF.jpg
Հասակը 174 սմ[1]
Ծնվել է հունիսի 6, 1967 (51 տարեկան)[1]
Ծննդավայր Կոնեկտիկուտ, ԱՄՆ-ի դրոշը ԱՄՆ[1]
Կրթություն Եյլի դրամայի դպրոց և Չոութ Ռոզմարի Հոլ
Քաղաքացիություն Flag of the United States.svg Ամերիկայի Միացյալ Նահանգներ
Ազգություն ԱՄՆ-ի դրոշը ԱՄՆ
Կրոն աթեիզմ
Մասնագիտություն կինոդերասան, բնավորության դերասան, թատրոնի դերասան, հեռուստատեսային դերասան և ձայնային դերասան
Ծնողներ հայր՝ A. Bartlett Giamatti
Ամուսին(ներ) Elizabeth Giamatti
Երեխա(ներ) 1 երեխա
Պարգևներ և մրցանակներ Indiana Film Journalists Association Award for Best Actor
IMDb ID 0316079
ԿինոՊոիսկ ID 12591

Փոլ Էդուարդ Վալենտայն Ջամատի (անգլ.՝ Paul Edward Valentine Giamatti, ծնվ. 1967 հունիսի 6, Կոնեկտիկուտ, ԱՄՆ) ամերիկացի դերասան, պրոդյուսեր։ Հանդիսատեսին հայտնի է «Մեծ մայրիկի տունը», «Իլյուզիանիստը» և «Ֆրեդ Կլաուս՝ Սանտայի եղբայրը» ֆիլմերից։

Վաղ տարիներ[խմբագրել | խմբագրել կոդը]

Ջամատին ծնվել է Ամերիկայի Միացյալ Նահանգների Կոնեկտիկուտ նահանգի Նյու-Հեյվեն քաղաքում: Նրա հայրը՝ Անժելո Բարտլեթ Ջամատին, Յեյլի համալսարանի պրոֆեսոր էր, այնուհետև դարձել է Բեյսբոլի բարձրագույն լիգայի նախագահ և անդամ: Մայրը` Թոնի Մերիլին (ծնվել է Սմիթում), եղել է տնային տնտեսուհի և անգլերենի ուսուցիչ Հոպկինսի համալսարանում[2]: Ջամատտիի մայրը Իռլանդիայի ներգաղթյալների ընտանիքից է, նրա հորական պապն ունի իտալական արմատներ, իսկ հորական տատի` Մարիա Քլեյբո Ուոլտոնի ընտանիքը եղել է Նոր Անգլիայից[3]:

Ջամատին իր ընտանիքի երեք երեխաներից ամենակրտսերն է: Նրա եղբայրը` Մարկուսը, նույնպես դերասան է, իսկ քույրը Ելենան՝ դիզայներ: Նա սովորել է «Ֆութ» դպրոցում և 1985 թվականին ավարտել է Շոեք Ռոզմարերի դպրոցը: Նա սովորել է Եյլի համալսարանում, որտեղ ընտրվել է «Գանգ և ոսկորներ» գաղտնի հասարակական կազմակերպության անդամ, բացի այդ՝ ակտիվ մասնակցություն է ունեցել համալսարանի թատրոնում՝ խաղալով Եյլի այլ ուսանողների՝ այժմ հայտնի դերասաններ Ռոն Լիվինգթոնի և Էդվարդ Նորտոնի հետ: Ավարտել է Եյլի համալսարանը՝ ստանալով անգլերենի բակալավրի աստիճան 1989 թվականին: Դրանից հետո Ջամատին ընդունվել է Եյլի թատերական դպրոց, որտեղ ստացել է մագիստրոսի աստիճան: Խաղացել է տարբեր թատերական ներկայացումներում (այդ թվում նաև Բրոդվեյում) նախքան սկսելը կատարել փոքր դերեր ֆիլմերում և թատրերական ներկայացումներում 1990-ական թվականներին:

Կարիերա[խմբագրել | խմբագրել կոդը]

Առաջին իսկապես մեծ դերը Ջամատին տացել է Հովարդ Սթերնի գրքի հիման վրա նկարահանված «Մարմնի մասերը» ֆիլմում, որտեղ նա հանդես է եկել Սթրենի գլխավոր հակառակորդ և WNBC-ի ծրագրերի ղեկավար Քեննի Ռաշտոնի դերում: Սթերնը բարձր է գնահատել իր խաղը՝ կոչ անելով Ջամատիին առաջադրել Օսկարի Լավագույն դերասան անվանակարգում: Նա հանդես է եկել երկրորդական դերերով այնպիսի ֆիլմերում, ինչպիսիք են՝ «Թրումանի շոուն», «Փրկել շարքային Ռայանին» և «Բանակցողը» (բոլորը՝ 1998): 1999 թվականին նա մարմնավորել է Բոբ Զմուդին և Թոնի Քլիթթոնին Անդե Կաուֆմանի մասին պատմող «Լուսնի մարդը» ֆիլմում: Ջամատին շարունակում է մասնակցել կինոստուդիայի հիմնական թողարկումներին, այդ թվում` «Մեծ մայրիկի տունը» (2000), «Կապիկների մոլորակը» (2001) և «Մեծ ճարպոտ ստախոսը» ֆիլմերը:

Առաջին անգամ կինոքննադատները նկատել են Ջամատին 2003 թվականի «Ամերիկյան շքեղություն» ֆիլմում գլխավոր դերը կատարելուց հետո, սակայն 2004 թվականին համընդհանուր ճանաչում է ստացել քննադատների, հանդիսատեսի և դերասանների շրջանում «Ճամփեզրին» ողբերգական ֆիլմից հետո: Կալիֆոռնիայի գինեգործական շրջաններով ճանապարհորդության մեկնած դեպրեսիայի մեջ ընկած գրողի դերի համար նա ստացել է «Ոսկե գլոբուս» և «Անկախ Հոգի» մրցանակ: «Ճամփեզրին» ֆիլմի հաջողությունից հետո Ջամատին նկարահանվել է «Մոխրոտիկ տղամարդ» սպորտային դրամայում, որի համար նա ստացել է «Օսկար» մրցանակ «Երկրորդ պլանի տղամարդու լավագույն դերակատարում» անվանակարգում: Այս դերի համար նա նույնպես առաջադրվել է «Ոսկե գլոբուսի» և արժանացել «Երկրորդ պլանի տղամարդու լավագույն դերակատարում» անվանակարգում Միացյալ Նահանգների կինոդերասանների գիլդիայի մրցանակին:

Ծանոթագրություններ[խմբագրել | խմբագրել կոդը]

  1. 1,0 1,1 1,2 «kinopoisk»։ Վերցված է 2015 Նոյեմբերի 26 
  2. Pringle Gill (2007-11-27)։ «Paul Giamatti: Mr Potato face»։ London: The Independent։ Արխիվացված օրիգինալից-ից 2007-11-28-ին։ Վերցված է 2007-11-27 
  3. Reston James (1997)։ Collision at Home Plate: The Lives of Pete Rose and Bart Giamatti։ Nebraska: U of Nebraska Press։ էջեր 15–16։ ISBN 0803289642