Մոլյոյ

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
Մոլյոյ
Måløy3.JPG
ԵրկիրՆորվեգիա Նորվեգիա
Մակերես1,93 կմ², 2,16 կմ²
ԲԾՄ3±1 մետր
Բնակչություն3313 մարդ (նոյեմբերի 4, 2019)[1]
Փոստային ինդեքսներ6700
Պաշտոնական կայքvagsoy.kommune.no
##Մոլյոյ (Նորվեգիա)
Red pog.png

Մոլյոյ (նորվ.՝ Måløy), քաղաք Նորվեգիայի Սոգն օգ Ֆյուրանե ֆյուլքեի Վոգսյոյ կոմունայում։ 2007 թվականի հունվարի 1-ին ուներ 3003 բնակիչ, բնակչության խտությունը 1444 կմ² է[2]։ Մոլյոյը գտնվում է Վոգսյոյի հարավարևելյան մասում` մայրցամաքի հետ կապվելով կամրջով։ Քաղաքը ձկնորսական կարևոր նավահանգիստ է։ 1997 թվականին Մոլյոյը ստացել է քաղաքի կարգավիճակ[3]։

Պատմություն[խմբագրել | խմբագրել կոդը]

Մոլյոյը հիմնադրվել է Վոգսյոյ կղզու և մայրցամաքի մեջ գտնվող փոքր կղզում որպես առևտրական կենտրոն։ Քանի որ առևտուրը ծաղկել է, քաղաքն աստիճանաբար ընդարձակվել է` ընդգրկելով Վոգսյոյ կղզին ևս։ Այն, սակայն, պահպանել է իր նախկին անվանումը։ Այդ հանգամանքը երբեմն շփոթության տեղիք է տալիս. կղզին հաճախ անվանում են «փոքր Մոլյոյ» (Lisje-Måløyna) կամ «կղզի» (Øyna):

Երկրորդ աշխարհամարտի տարիներին քաղաքն օգտագործվել է որպես գերմանական ամրություն։

1941 թվականի դեկտեմբերին քաղաքի գրավումը և վերահսկումը բրիտանական դեսանտային ջոկատների կողմից «Նետահարում աղեղից» ռազմական գործողության գլխավոր նպատակներից է եղել։

Տեսարժան վայրեր[խմբագրել | խմբագրել կոդը]

Մոլյոյի քաղաքային հրապարակում կանգնեցված է հուշարձան տեղացիների հիշատակին, ովքեր զոհվել են Երկրորդ համաշխարհային պատերազմի ժամանակ։ Եվս մեկ հուշարձան կանգնեցված է Մարտին Լինգեի պատվին. այն նվիրված է այն բոլոր նորվեգացիներին, ովքեր զոհվել են «Նետահարում աղեղից» ռազմական գործողության ընթացքում։ Մոլյոյի մի քանի փողոցներ ունեն անվանումներ, սակայն փողոցների մեծամասնությունը, որ գտնվում է լեռան թեք լանջերին, ուղղակի համարակալված է։

Քաղաքում ամեն տարի կազմակերպվում է փառատոն։ 2004 թվականին այստեղ կազմակերպվել է «The Tall Ships' Races» անվանումով ռեգատա, որի համար ծախսվել է 18 միլիոն կրոն, իսկ հովանավորը եղել է նահանգի կառավարությունը, որը ներդրել է 2.5 միլիոն նորվեգական կրոն[4][5]։

Քաղաքում գործում են գիմնազիա, միջնակարգ ու տարրական դպրոցի մի քանի դասարաններ։ Մոտակա բարձրագույն ուսումնական հաստատությունները նահանգային համալսարանական քոլեջներն են, որոնք գտնվում են Սոգնդալում և Ֆյորդեում, Օլեսունի համալսարանական քոլեջն է Օլեսունում և Բերգենի համալսարանը։

Սպորտ[խմբագրել | խմբագրել կոդը]

Տեղի ֆուտբոլային թիմը 2002 թվականին «Տորնադո» և «Մոլյոյ» թիմերի միավորման արդյունքում է առաջացել։ Թիմն ունի երկու մարզադաշտ, որոնցից մեկը գտնվում է քաղաքում։ Թիմից երկու ֆուտբոլիստներ 2008 թվականից հանդես են եկել Նորվեգիայի հավաքականում։

Քույր քաղաքներ[խմբագրել | խմբագրել կոդը]

Մոլյոյը բարեկամական հարաբերություններ ունի Շետլանդյան կղզիների Լերուիկ քաղաքի հետ։

Քաղաքի համայնապատկեր

Ծանոթագրություններ[խմբագրել | խմբագրել կոդը]

  1. Tettsteders befolkning og arealStatistics Norway.
  2. «Urban settlements. Population and area, by municipality. 1 January 2007» (Норвежский)։ Статистическое управление Норвегии։ 2007։ Արխիվացված օրիգինալից 2007-07-05-ին 
  3. «Kommunehistoria i Vågsøy»։ Fylkesleksikon (Норвежский)։ NRK։ 2007։ Արխիվացված օրիգինալից 2003-06-22-ին 
  4. Eldgrim Fossheim (2008)։ «Ikkje meir til Tall Ships Race - NRK Sogn og Fjordane - NRK Nyhende» (Норвежский)։ NRK։ Արխիվացված օրիգինալից 2012-04-25-ին 
  5. Reksnes, Asgeir; Fagna, Heidi (2008)։ «Vågsøy tek stor skipsrisiko - NRK Sogn og Fjordane - NRK Nyhende» (Норвежский)։ NRK։ Արխիվացված օրիգինալից 2012-04-25-ին 

Արտաքին հղումներ[խմբագրել | խմբագրել կոդը]