Նորվեգիայի կենտրոնական վիճակագրության վարչություն

Վիքիպեդիայից՝ ազատ հանրագիտարանից
Նորվեգիայի կենտրոնական վիճակագրության վարչություն
Statistisk-sentralbyraa-building-akersveien26-oslo-norway.jpg
Տեսակ statistical service
Երկիր Flag of Norway.svg Նորվեգիա
Շտաբակայան Օսլո, Նորվեգիա[1]
Կայք ssb.no
ssb.no/en/

Նորվեգիայի կենտրոնական վիճակագրության վարչություն[2] (նորվ.՝ Statistisk sentralbyrå, сокращенно SSB), Նորվեգիայի վիճակագրության վարչությունն է: Այն ստեղծվել է 1876 թվականին:

Հենվելով իր աշխատակիցների գործունեության վրա (շուրջ հազար աշխատակիցներ), Նորվեգիայի վիճակագրության վարչությունը ամենօրյա պարբերականությամբ իր պաշտոնական կայքում հրապարակում է վիճակագրական տվյալներ: Բոլոր այդ տվյալները հրապարակվում են ինչպես մայրենի՝ նորվեգերենով, այնպես էլ անգլերենով: Ի դեպ, բոլոր վիճակագրական տվյալները հասարակությանը հասանելի են անվճար:

Նորվեգիայի կենտրոնական վիճակագրության վարչությունը իր գործունեության ընթացքում ապահովում է հանրությանն ու իշխանություններին ընդարձակ հետազոտություններ և վերլուծություններ տրամադրելով: Վիճակագրական վարչությունը գտնվում է ֆինանսների նախարարության ենթակայության ներքո՝ սակայն իր գործունեությունը ծավալում է անկախ բոլոր պետական հաստատություններից: Վարչության խորհուրդը նշանակվում է կառավարության կողմից: Այն լայնորեն օգտագործում է գրանցամատյանների տվյալները, համադրում ու վերլուծում հարցաթերթիկներն ու հարցումների պատասխանները, ինչպես նաև տվյալներ քաղում քաղաքներից և կոմունաներից:

Կազմակերպում և կառավարում[խմբագրել | խմբագրել կոդը]

Նորվեգիայի կենտրոնական վիճակագրության վարչությունն աշխատում է Նովեգիայի ֆինանսների նախարարության ենթակայության ներքո, սակայն լիովին անկախ է նրանից և ունի իր սեփական խորհուրդը, որը նշանակվում է կառավարության կողմից: Վարչությունն ունի շուրջ հազար աշխատակիցներ, որոնք իրենց գործունեությունը ծավալում են հիմնականում մայրաքաղաք Օսլոյում և Քոնգսվինգերում: 2005 թվականից սկսած վարչության տնօրենը Էյսթեն Օլսենն էր, որն իր պարտականությունները ավարտեց 2011 թվականի հունվարի 1-ից:

Նորվեգիայի վիճակագրության վարչության տնօրենն այսօր Հանս Հենրիկ Սքելն է[3]:

Զեկույցների կազմում[խմբագրել | խմբագրել կոդը]

Նորվեգիայի կենտրոնական վիճակագրության վարչությունը հավաքում է վիճակագրական տվյալներ ամբողջ երկրի տարածով: Նրա հետաքրքրության օբյեկտներից են համարվում տնտեսությունը, բնակչությունը, կենսապայմանները, աշխատանքն ու շրջակա միջավայրը: Վիճակագրության վարչության ամենակարևոր և նշանակալից զեկույցները վերաբերում են սպառողական գների ինդեքսին, աշխատունակ բնակչության մակարդակին, ժողովրդագրական վիճակագրության ու ազգային կազմին:

Հետազոտություններ[խմբագրել | խմբագրել կոդը]

Նորվեգիայի կենտրոնական վիճակագրության վարչությունը ի տարբերություն աշխարհի շատ նմանատիպ կառույցների, ունի իր սեփական գիտահետազոտական բաժանմնունքը: Հետազոտության ոլորտները բազմազան են, սակայն Նորվեգիայի վիճակագրության վարչության խոշորացույցի տակ են հիմնականում հետևյալ ոլորտները՝ ժողովրդագրություն և կյանքի որակ, էներգետիկա և էկոլոգիապես մաքուր ընտեսություն, միկրոտնտեսություն, մակրոտնտեսություն և վիճակագրական մեթոդներն ու չափանիշները:

Միջազգային համագործակցություն[խմբագրել | խմբագրել կոդը]

Նորվեգիայի կենտրոնական վիճակագրության վարչությունը հաշվետվություններ է ներկայացնում Նորվեգիայի մասին Եվրախորհրդարանում և այլ միջազգային կառույցներում: Այս կերպով վարչությունը նորվեգական վիճակագրությունը տարածում է նաև միջազգային տվյալների բազաներում:

Բացի այդ, Նորվեգիայի վիճակագրական վարչությունը համագործակցում է նաև մի շարք երկրների հետ: Դրա նպատակը կայանում է նրանում, որպեսզի օգնեն նմանատիպ կառույցների ընդլայնմանը այդ երկրներում և անցումային տնտեսություն ունեցող երկրներում կատարելագործվեն վիճակագրական տվյալնեի վերլուծությունները:

Կապ[խմբագրել | խմբագրել կոդը]

Վիճակագրական տվյալների տարածման գլխավոր միջոցը այսօր Նորվեգիայում համարվում է համացանցը: Տեղեկատվապրոպագանդիստական բնույթի նորություններ Նորվեգիայի կենտրոնական վիճակագրության վարչությունն իրականացնում է օրական գրեթե հազար հատ պաշտոնական կայքի միջոցով: Բացի այդ, վարչությունը կազմել է մոտ 200 հրապարակումների, որոնք հասանելի են համացանցում:

Պատմություն[խմբագրել | խմբագրել կոդը]

Նորվեգիայի կենտրոնական վիճակագրության վարչությունը որպես անկախ ինստիտուտ ստեղծվել է 1876 թվականին: Այդ ժամանակ վարչությունում աշխատում էին թվով տասնհինգ անձինք: Առաջին տնօրենը՝ Անդերս Նիկոլայ Քիերն (1838-1919 թվականեր) էր, որը նշանակվել է 1877 թվականին և աշխատել է մինչև 1913 թվականը:

1907 թվականին Նորվեգիայի պառլամենտը առաջին օրենքն է ընդունում վիճակագրության վերաբերյալ: Այդ օրենքը լիազորություններ տվեց, որպեսզի ազատ կերպով տեղեկություններ հավաքագրվեն անհատների և գործարարների մասին: Իրավաբանական առումով որոշված է նաև, որ հավաքագրված տվյալները չեն կարող օգտագործվել այլ բնագավառներում և միայն վիճակագրական տվյալներ կազմելու համար են անհրաժեշտ: 1989 թվականին նորվեգիայի պառլամենտը որոշում կայացրեց և ընդունեց նոր օրենք, ըստ որի անձնական հարաբերություններին վերաբերող տվյալները 100 տարի սահմանափակ գաղտնիության պայմաններում կպահպանվեն:

Երկրորդ համաշխարհային պատերազմի ժամանակ չեն կատարվել որևէ վիճակագրական հետազոտություններ: Նորվեգիայի կենտրոնական վիճակագրության վարչության այդ ժամանակների գլխավոր տնօրեն Գուննար Յանը ձերբակալվում է:

Բնակչության հաշվառման մասին օրինագիծն ընդունվել է 1946 թվականին: Նորվեգիայի կենտրոնական վիճակագրության վարչության կողմից իրականացված մարդահամարի տվյալների հիման վրա՝ 1960 թվականին և 1964 թվականին, ստեղծվում է բնակչության կենտրոնական ռեգիստրը[4]:

Ծանոթագրություններ[խմբագրել | խմբագրել կոդը]

  1. https://www.ssb.no/omssb/om-oss/historie
  2. Норвегия в цифрах и фактах 2015, 2016
  3. regjeringen.no Ханс Хенрик Скель директор Статистики Норвегии 17.12.2010
  4. Эспен Сёбюе, Темные главы в истории статистики, социальный дневник № 4/98

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]