Հոմանիշ

Հոմանիշներ, ձևով տարբեր, իմաստով մոտ բառեր և բառաձևեր։ Զանազանում են ոճականորեն չեզոք և ոճականորեն տարբերակված հոմանիշներ, որոնք մեծ մասամբ արտահայտում են միևնույն առարկան, երևույթը, հատկանիշը և այլն։ Հոմանիշները կարող են օգտագործվել ոճական նկատառումներով, հատկանիշի կամ երևույթի դրսևորման չափերը նշելու, սուբյեկտի հուզական երանգները արտահայտելու համար։

Տարբերում են հոմանիշների երկու տարատեսակներ՝ նույնանիշներ և համանիշներ։ Հոմանիշների օրինակներ են՝

• Բառային՝
  • քաջ - արի - խիզախ,
  • մազ - հեր - վարս - ծամ,
• Բառադարձվածքայինն՝
  • հաջողվել - գլուխ գալ,
  • խռովել - երես դարձնել,
• Քերականական՝
  • հոմանիշ ձևույթներ՝
    • եր -ներ - ք - ենք,
    • ի - վա - ոջ,
  • Բառաձևեր՝
    • կանգնած եմ - կանգնել եմ,
    • գրելու եմ - պիտի գրեմ,
  • Բառակապակցություններ՝
    • գիրքը դնել սեղանին - գիրքը դնել սեղանի վրա,
  • Նախադասություններ՝
    • Հեռվից նկատելի է; - Հեռվից նկատվում է։

Արտաքին հղումներ

• ՀԱՅՈՑ ԼԵԶՎԻ ՀՈՄԱՆԻՇՆԵՐԻ ԲԱՌԱՐԱՆ, Աշոտ Մուրադի Սուքիասյան, Երևան, 1967 (մոտ 83,000 բառ և դարձվածաբանական միավոր)։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 538)։