Թիավարների նախաճաշը (նկար)

Վիքիպեդիայից՝ ազատ հանրագիտարանից
Թիավարների նախաճաշը
ֆր.՝ Le Déjeuner des canotiers
տեսակգեղանկար
նկարիչՊիեռ-Օգյուստ Ռենուար
տարի1880-1881
բարձրություն130
լայնություն173
ուղղությունիմպրեսիոնիզմ
ժանրկենցաղային ժանր
նյություղաներկ, կտավ
գտնվում էՖիլիպսի ժողովածու[1]
հավաքածուՖիլիպսի ժողովածու
մակագրությունRenoir, 1881
կայք
Ծանոթագրություններ
 Luncheon of the Boating Party Վիքիպահեստում

Թիավարների նախաճաշը (ֆր.՝ Le Déjeuner des canotiers, անգլ.՝ Luncheon of the Boating Party), ֆրանսիացի նկարիչ Պիեռ-Օգյուստ Ռենուարի (ֆր.՝ Pierre-Auguste Renoir, 1841-1919) կտավը[2], որ նկարվել է 1880-1881 թվականներին։

Պատմություն և նկարագրություն[խմբագրել | խմբագրել կոդը]

1881 թվականի փետրվարին նկարը Ռենուարից գնել է ֆրանսիացի հայտնի հավաքորդ Պոլ Դյուրան-Ռյուելը (ֆր.՝ Paul Durand-Ruel)՝ վճարելով 15000 ֆրանկ, ինչը բավականին մեծ գումար էր այն ժամանակվա համար[3]։ Դյուրան-Ռյուելի մահից հետո՝ 1923 թվականին, նրա որդիները նկարը 125 000 դոլարով վաճառել են ամերիկացի հայտնի հավաքորդ Դունկան Ֆիլիպսին (անգլ.՝ Duncan Phillips), ինչից հետո այն մնացել է նրա հավաքածուում[3][4]։ 1930 թվականին Դունկան Ֆիլիպսի հավաքածուն տեղափոխվել է Վաշինգտոնի Dupont Circle շրջանում գտնվող շենքը, որն այդ ժամանակից ի վեր օգտագործվում է որպես նկարչության թանգարան՝ Ֆիլիպսի հավաքածու (անգլ.՝ The Phillips Collection)[5]:

Կտավը նկարվել է Ֆուրնեզ տանը, որ տեղակայված է Սենա գետի կղզիներից մեկում՝ Շատուում, որ գտնվում է Փարիզից արևմուտք։ Ռենուարը սիրել է այդ վայրն ու այդտեղ է նկարել իր մի քանի կտավները։ Նկարում փաստացիորեն պատկերված է ընկերների հավաքույթ։ Տիրում է ուրախ, անկաշկանդ տրամադրություն, չկա ցուցամոլության ոչ մի դրսևորում, բոլորը գտնվում են բնական վիճակներում, պատահական կեցվածքով[6][7]։ Բազրիքից այն կողմ երևում է խիտ բուսականություն, որի հետևում կարելի է տեսնել Սենան։

Կտավում Ռենուարը նկարել է իր բազմաթիվ ընկերների ու ծանոթների[6][7][8][9][10][11]։

Ֆուրնեզ տան ժամանակակից տեսքը
Բաժակից խմող կինը (Էլեն Անդրե) - կոմպոզիցիայի հետին պլանի դետալ
Գյուստավ Կայբոտ
(Gustave Caillebotte)
հայտնի նկարիչ և իմպրեսիոնիստների նկարների հավաքորդ
Ալինա Շարիգո
(Aline Charigot)
Ռենուարի բնորդուհին ու նրա ապագա կինը
Ալֆոնս Ֆուրնեզ
(Alphonse Fournaise)
Ֆուրնեզ ռեստորանի սեփականատիրոջ որդին, ով պատասխանատու էր նավակների վարձույթի համար, երբեմն օգտագործել է Ժյուլ-Ալֆոնս (Jules-Alphonse) անունը[11]
Պոլ Լոտ
(Paul Lhôte)
Ռենուարի մտերիմ ընկերը, արկածախնդիր, լրագրող և գրող
Ժաննա Սամարի
(Jeanne Samary)
դերասանուհի, Ռենուարի մի քանի նկարների բնորդուհին
Էլեն Անդրե
(Ellen Andrée)
դերասանուհի, Մանեի, Դեգայի ու Ռենուարի բնորդուհին
Անտոնիո Մաջիոլո
(Antonio Maggiolo)
իտալացի լրագրող
Ռաուլ Բարբյե
(Raoul Barbier)
բարոն, պատերազմի հերոս և Սայգոնի նախկին քաղաքապետ
Պիեռ Լաստրենգե
(Pierre Lestringuèz)
ներքին գործերի նախարարության աշխատակից, Ռենուարի մտերիմ ընկերը
Շառլ Էֆրուսի
(Charles Ephrussi)
հավաքորդ, հեղինակ և հրատարակիչ, ով հրատարակում էր "Gazette des Beaux-Arts" թերթը (ֆրանս.)
[Ժյուլ Լաֆորգ
(Jules Laforgue)
սիմվոլիստ բանաստեղծ և քննադատ
Ալֆոնսինա Ֆուրնեզ
(Alphonsine Fournaise)
Ֆուրնեզ ռեստորանի սեփականատիրոջ դուստրը, երբեմն օգտագործել է Լուիզա-Ալֆոնսինա (Louise-Alphonsine) անունը[11]
Անջել Լեգո
(Angèle Legault)
ծաղիկներ վաճառող, ով դարձել է բնորդուհի, երգչուհի և դերասանուհի

Նկարը որպես մոտիվ է ծառայել ֆրանսիական «Le vernis craque» սերիալի համար, որ նկարահանել է ռեժիսոր Դանիել Ժանոն 2011 թվականին[12]։

Ծանոթագրություններ[խմբագրել | խմբագրել կոդը]

  1. http://www.phillipscollection.org/collection/browse-the-collection?id=1637
  2. «Luncheon of the Boating Party». The Phillips Collection, www.phillipscollection.org. Արխիվացված է օրիգինալից (HTML) 2012 թ․ սեպտեմբերի 23-ին. Վերցված է 02.06.2012-ին.
  3. 3,0 3,1 Susan Vreeland. «Luncheon of the Boating Party — Chronology of Events» (HTML). www.svreeland.com. Արխիվացված օրիգինալից 2012 թ․ սեպտեմբերի 23-ին. Վերցված է 02.06.2012-ին.
  4. Nicolas Pioch. «Renoir, Pierre-Auguste — Le déjeuner des canotiers» (HTML). Webmuseum, Paris — www.ibiblio.org. Արխիվացված օրիգինալից 2012 թ․ սեպտեմբերի 23-ին. Վերցված է 01.06.2012-ին.
  5. «The Phillips Collection — History» (HTML). The Phillips Collection, www.phillipscollection.org. Արխիվացված օրիգինալից 2012 թ․ սեպտեմբերի 23-ին. Վերցված է 02.06.2012-ին.
  6. 6,0 6,1 «Завтрак гребцов (Пьер-Огюст Ренуар)» (HTML). www.rodon.org. Արխիվացված օրիգինալից 2012 թ․ սեպտեմբերի 23-ին. Վերցված է 01.06.2012-ին.
  7. 7,0 7,1 М. С. Лебедянский Портреты Ренуара. — Изобразительное искусство, 2002. — ISBN 5-85200-359-X
  8. Susan Vreeland. «Luncheon of the Boating Party — The Models» (HTML). www.svreeland.com. Արխիվացված օրիգինալից 2012 թ․ սեպտեմբերի 23-ին. Վերցված է 01.06.2012-ին.
  9. «Luncheon of the Boating Party Story — Theme» (HTML). www.artble.com. Արխիվացված օրիգինալից 2012 թ․ սեպտեմբերի 23-ին. Վերցված է 02.06.2012-ին.
  10. «Who's Who in the Boating Party». The Phillips Collection, www.phillipscollection.org. Արխիվացված է օրիգինալից (HTML) 2012 թ․ սեպտեմբերի 23-ին. Վերցված է 02.06.2012-ին.
  11. 11,0 11,1 11,2 «Luncheon of the Boating Party - About the Painting» (PDF). The Phillips Collection, www.phillipscollection.org. Արխիվացված է օրիգինալից (PDF) 2012 թ․ մարտի 17-ին. Վերցված է 03.06.2012-ին.
  12. Valérie Sasportas (19 января 2011). «Le vernis craque : la peinture en mouvement» (HTML) (ֆրանսերեն). Le Figaro — www.lefigaro.fr. Վերցված է 17.09.2015-ին.