Էմինյոնյու

Էմինյոնյու
Քաղաք
	Էմինյոնյու
	թուրք.՝ Eminönü
	Էմինյոնյուն և Բոսֆորի նեղուցի ջրերը
	Կոորդինատներ: 41°1′2.219″ հս․ լ. 28°58′16.428″ ավ. ե. / 41.01728306° հս․. լ. 28.97123000° ավ. ե.
Երկիր	Թուրքիա
Նահանգ	Ստամբուլի նահանգ
Քաղաք	Ստամբուլ
Շրջան	Ֆաթիհ
Խոսվող լեզուներ	թուրքերեն
Ազգային կազմ	թուրքեր, հայեր, հույներ
Կրոնական կազմ	մուսուլմաններ, քրիստոնյաներ
Ժամային գոտի	UTC+2
Հեռախոսային կոդ	(+90) 212
Փոստային ինդեքս	34
	Էմինյոնյու Վիքիպահեստում

Էմինյոնյու (թուրք.՝ Eminönü), Ստամբուլի պատմական թաղամասերից: Ներկա պահին այն մտնում է Ֆաթիհ շրջանի կազմի մեջ: Էմինյոնյուն թաղամասը գտնվում է նախկին Կոստանդնուպոլսի պարիսպների ներսում: Այս թաղամասում են գտնվում Ստամբուլի մի շարք ամենահայտնի տեսարաժան վայրերը, այդ թվում Գալաթայի կամուրջի հարավային վերջավորությունը, Կապույտ մզկիթը, Թոփքափը պալատը, Սուրբ Սոֆիայի տաճարը: Հյուսիսից Էմինյոնյուի ափերը ողողում են Ոսկեղջյուրի, արևելքից` Բոսֆորի նեղուցի ջրերով: Փաստացի, Էմինյոնյուն հանդիսանում է թերակղզի: Այն Ֆաթիհի մաս էր կազմում մինչև 1928 թվականը: Կրկին Ֆաթիհի տարածքի մեջ Էմինյոնյուն ներառվեց 2009 թվականից:

Էմինյոնյու անվանումն արտացոլում է իր դերն ու պատմությունը: Թուրքերենից թարգմանաբար այն նշանակում է «արդարադատություն առաջ» (անգլ.՝ in front of justice): Emin նշանակաում է արդարադատություն (justice), önü` առաջ, առջև (in front of): Անվանումն ըստ էության առաջացել է Օսմանյան տիրապետության ժամանակներից, քանի որ Էմինը հանդիսացել է նավահանգստի դատավարության վայրն ու մաքսատունը:

Պատմություն[խմբագրել | խմբագրել կոդը]

Էմինյոնյու թերակղզին խիստ բարենպաստ դիրքում է գտնվում. այն մեծ ռազմավարական նշանակություն ունի Ոսկեղջյուրի համար: Ամենակարևոր նավահանգիստներից է համարվում: Էմինյոնյուն յուրացրել են դեռևս անհիշելի ժամանակներից: Հենց այստեղ է հիմնադրվել պատմական Կոստանդնուպոլիս մայրաքաղաքը: Էմինյոնյուն կարևոր դեր խաղաց այն ժամանակ, երբ Կոստանդնուպոլսին տիրում էին վենետիկցիները: Վերջիններս սեփական կարիքների համար ամրացրին ափը և կառուցեցին նավահանգիստը: Օսմանյան տիրապետության ժամանակահատվածում Էմինյոնյուն կարևոր արդյունաբերական և առևտրական կենտրոնն էր հանդիսանում Թոփքափըի ամրոցով:

Քաղաքի քարտեզը Բյուզանդիայի տիրապետության ժամանակահատվածում

Արդյունաբերական դարաշրջանի սկզբնավորումով տեղանքը մեծ փոփոխություններ կրեց: Օսմանյան կայսրության ժամանակաշրջանի վերջում այստեղ կառուցվեց Գալաթայի կամուրջը: Էլեկտրականության և երկաթուղու հայտնվելուն պես Սիրքեջի կայարանը սկսեց կարևոր դեր խաղալ. այստեղ էր փաստացիորեն տեղաբաշխված Արևելյան ճեպընթացի Ստամբուլի տերմինալը: Կայարանի ընդարձակմանը զուգընթաց կառուցվեցին այլ շինություններ: 20-րդ դարի սկզբին այստեղ կառուցվեց Ստամբուլի փոստային գլխավոր բաժանմունքը, ինչպես նաև մեծ գրասենյակներ, օրինակ Istanbul 4th Vakıf Han որն այսօր հյուրանոցի է վերածվել: Թուրքիայի Հանրապետության վաղ տարիներին այստեղ ակտիվ փոփոխությունների նոր փուլ է սկսվում: Նոր մզկիթի դիմացի տարածքը մաքրեցին և բացեցին մեծ հրապարակ: Վերականգնվեց Եգիպտական շուկան: Ծոցի տարածքը մաքրվեց ձկան շուկայից և կառուցվեց ճանապարհ մինչև Աթաթուրքի կամուրջը: 1928 թվականին Էմինյոնյուի համար նոր տարածքներ տրամադրվեցին և հանեցին Ֆաթիհի տարածքից: 1950-ական թվականներին քաղաքի իշխանությունները ընդհուպ մինչև Մարմարայի ափերը կառուցեցին Քենեդու փողոցը, որը Էմինյոնյուն միացնում է Աթաթուրքի անվան միջազգային օդանավակայանի հետ:

Տեսարժան վայրեր[խմբագրել | խմբագրել կոդը]

Էմինյոնյուում տեղաբաշխված են Ստամբուլի մի շարք պատմական տեսարժան վայրերը: Փաստացի այստեղ գտնվող Սուլթանահմեդ հրապարակն իր շինություններով և հուշարձաններով 1985 թվականին մտավ UNESCO-ի համաշխարհային ժառանգության կազմի մեջ^[1]:

Թանգարաններ