Ստամբուլի հնագիտական թանգարան

Ստամբուլի հնագիտական թանգարան
Տեսակ	հնագիտական թանգարան և ազգային թանգարան
Երկիր	Թուրքիա Ստամբուլ
Տեղագրություն	Ֆաթիհ և Ստամբուլի մարզ
Վայր	Main Building of the Istanbul Archaeological Museums?, Tiled Kiosk? և College of Fine Arts Building?
Կազմված է	Museum of the Ancient Orient? և Tiled Kiosk Museum?
Ղեկավարության նստավայր	Ստամբուլ, Թուրքիա
Հասցե	Osman Hamdi Bey Yokuşu Sokak, Gülhane
Հիմնադրվել է	1869
Այցելուներ	530 065 մարդ (2022)
	41°0′42.01″N 28°58′53.00″E / 41.0116694°N 28.9813889°E
Կայք	muze.gov.tr/muze-detay?SectionId=IAR01&DistId=IAR

Ստամբուլի հնագիտական թանգարան (թուրքերեն՝ İstanbul Arkeoloji Müzesi), թանգարան, որը գտնվում է Ստամբուլում։ Թանգարանը գտնվում է Սարայբուրնուում` Գյուլհանե այգու և Թոփքափը ամրոցի հարևանությամբ։ Բաղկացած է երեք թանգարաններից` հիմնական թանգարան, Հին Արևելքի թանգարան և իսլամական արվեստի թանգարան։ Թանգարանի հավաքածուն ունի ավելի քան 3 միլիոն ցուցադրանմուշ։

Նկարագրություն

Թանգարանը հիմնվել է 19-րդ դարում` թուրք անվանի նկարիչ և հնագետ Օսման Համդի բեյի նախաձեռնությամբ։ Ցուցադրանմուշների մի մասը նախկինում պահվել է Սուրբ Իրինայի տաճարում։ Հիմնական մասնաշենքի կառուցումը սկսվել է 1881 թվականին՝ ֆրանսիական ծագմամբ օսմանյան ճարտարապետ Ալեքսանդր Վոլարիի նախաձեռնությամբ։ Կառուցումն ավարտվել է 1902 թվականին։ Թանգարանը բացվել է 1891 թվականի հունիսի 13-ին։ 1903 և 1907 թվականներին ավելացվել են աջ և ձախ մասնաշենքերը, ինչից հետո կառույցը ստացավ իր ներկայիս տեսքը։

Այն կառույցը, որտեղ տեղակայված է Հին Արևելքի թանգարանը, սկզբնական շրջանում եղել է կերպարվեստի դպրոց։ Հետագայում այն վերածվել է թանգարանի, որի բացումը տեղի է ունեցել 1935 թվականին։ 1963 թվականին թանգարանի շենքը փակվել է վերանորոգման և շահագործման հանձնվել միայն 1974 թվականին։

Ցուցադրանմուշներ

Թանգարանը ունի ցուցադրանմուշների հարուստ հավաքածու։ Ամենահայտնիներից են`

Սիդոնի սարկոֆագ` Ալեքսանդր Մակեդոնացու կյանքից դրվագներով
Լացող կնոջ սարկոֆագը Սիդոնից
Թաբնիթ III-ի և Սատրապի սարկոֆագները
Լիկիական գերեզմանաքար
Էֆեբոսի արձանը
Պերգամոնի Զևսի տաճարի արձանների մնացորդներ
Առյուծի արձանը։ Միակ բանը ինչը մնացել է Թուրքիայում Հալիկառնասոսի դամբարանից
Սուլթանահմեդ հրապարակի սյունի օձաձև գլուխ
Կիբելա աստվածուհու արձանը
Զևսի և Ալեքսանդր Մակեդոնացու դիմաքանդակները
Ասսոսի Աթենասի տաճարի մնացորդներ
Տրոյայի պեղումներից գտածոներ
800 հազար օսմանյան մետաղադրամ, կնիք, շքանշան և մեդալ
Քադեշի ճակատամարտի հաշտության պայմանագրի եռալեզու տախտակներից մեկը, որը կնքվել է Եգիպտոս փարավոն Ռամզես II-ի և Խեթերի թագավոր Խաթուսիլիս II-ի միջև։
Ասորեստանի արքա Ադադ Նիրարի III-ի կոթող
Հեզարի օրացույց