Բարսելոնայի մոմե արձանների թանգարան

Վիքիպեդիայից՝ ազատ հանրագիտարանից
Jump to navigation Jump to search
Բարսելոնայի մոմե արձանների թանգարան
Entradaalmuseu.jpg
Տեսակթանգարան
ԵրկիրFlag of Spain.svg Իսպանիա
ՏեղագրությունԲարսելոնա
ՎայրEdifici del Museu de Cera de Barcelona?
Ղեկավարության նստավայրԲարսելոնա, Իսպանիա
Հիմնադրված է1973
Կայքmuseocerabcn.com/ca/index.html

Բարսելոնայի մոմե արձանների թանգարան, Կատալոնական Բարսելոնայում գտնվող մոմե արձանների մի քանի թանգարաններից մեկը։ Թանգարանում ներկայացված են շուրջ 300 քանդակներ, որոնք պատրաստված են մոմերից և արտաքնապես նման են պատմության հայտնի մարդկանց։

Թանգարանը գտնվում է Բարսելոնայի կենտրոնում՝ Լա Ռամբլա փողոցում[1]:

Պատմություն[խմբագրել | խմբագրել կոդը]

Թանգարանի մասին տեղեկատվական խցիկ Լա Ռամբլա փողեցում

Թանգարանի շենքը կառուցվել է XIX դարում՝ 1867 թվականին՝ ընդհանուր վարկային կազմակերպությունում: Շինության ճարտարապետը եղել է Էլիաս Ռոհենտը: Ավելի ուշ շենքը նաև ծառայել է որպես Բարսելոնայի Բանկի գլխամասային գրասենյակ: Շենքի ճարտարապետությունը համարվում է նեոկլասիկական: 1970-ականներին Բարսելոնայի բուրժուազիայի հարստությունը պահվում էր հենց այս շենքում:

Բարսելոնայում մոմե արձանների թանգարանը գործում է 1973 թվականից և բացվել է հայտնի իսպանացի կինոռեժիսոր Էնրիկե Ալարկոնի նախաձեռնությամբ[2]:

Նկարագրություն[խմբագրել | խմբագրել կոդը]

Թանգարանում ներկայացված են ոչ միայն հայտնի պատմական գործիչների մոմե արձաններ, այլև կինոնկարների և գրքերի տեսարաններ: Թանգարանում կարելի է տեսնել այնպիսի գործիչների, ինչպիսիք են Հիտլերը, Մուսոլինին, Ֆիդել Կաստրոն, Մաո Ցզե Դունը, երաժիշտներ `Ռիխարդ Վագները, Լյուդվիգ վան Բեթհովենը, Շոպենը, Պլասիդո Դոմինգոն, Մարիա Կալասը, հայտնի նկարիչներ և գրողներ` Սալվադոր Դալի, Ջոան Միրո, Պաբլո Պիկասո, Ուիլյամ Շեքսպիր, Միգել Սերվանտես և շատ ուրիշներ։

Համերգասրահ[խմբագրել | խմբագրել կոդը]

Համերգասրահը (իսպ.՝ Salón del recital) հանդիսանում է մի սենյակ, որտեղ ներկայացված են հայտնի երաժիշտների և գրականության գործիչների արձաններ, բացի այդ ներկայացված են նաև քաղաքական գործիչների մոմե արձաններ (Խուան Կառլոս I, Դոնա Սոֆիա, Արքայազն Չարլզ և այլն): Այստեղ է պահվում Վիլարո կահույքը, որը համարվում է 1906 թվականի[3]:

Մահապատժի սենյակ[խմբագրել | խմբագրել կոդը]

Վախի սենյակում (իսպ.՝ Pasaje del terror) ներկայացված են պատմության հայտնի մարդկանց մահապատժի և մահվան տեսարաններ։ Օրինակ կարելի է տեսնել Ժաննա դ'Արկի ինքնասպանությունն ու այրումը և այլն։

Անտառի փերին[խմբագրել | խմբագրել կոդը]

Անտառի փերին (իսպ.՝ Bosc de les fades) թանգարանի մանկական հատվածն է, որտեղ կարելի է տեսնել ամենատարբեր և տարօրինակ ծառեր, ջրահարսեր, թզուկներ և մոմից պատրաստված ուրիշ արարածներ[4]:

Ժամանակի պողոտա[խմբագրել | խմբագրել կոդը]

Այս սենյակում (իսպ.՝ Pasaje del tiempo) մոմե արձանների հետ կապված ոչինչ չկա: Այստեղ կարելի է հանդիպել մեծ, վազող միջատների (պատրաստված մետաղից), տարբեր հանելուկների և օրիգամիների և այլն[5]:

Նավակ[խմբագրել | խմբագրել կոդը]

Այստեղ կարող եք հասնել կապիտան Նեմոյի սուզանավին՝ Ժյուլ Վեռնի ստեղծագործությունից, տիեզերանավի, ինչպես նաև տեսնել «Աստղային պատերազմների» հերոսներին[6]:

Ծանոթագրություններ[խմբագրել | խմբագրել կոդը]

  1. «Музей восковых фигур в Барселоне»։ barcelonaru.com։ Վերցված է 2018-01-09 
  2. «Музей Восковых Фигур в г. Barcelona - Музеи в Испании»։ espanarusa.com։ Վերցված է 2018-01-09 
  3. «El museo de la cera en Barcelona»։ VADEMMÊDIUM'S (es-ES)։ 2015-08-07։ Վերցված է 2018-01-09 
  4. «Las figuras de cera llegaron a Barcelona hace 40 años»։ La Vanguardia։ Վերցված է 2018-01-09 
  5. «Музей восковых фигур Барселоны (Museu de Cera)» (ru-RU)։ Каталония без посредников Catalunya.ru։ Վերցված է 2018-01-09 
  6. travelfrog (2014-06-11)։ «Музей восковых фигур "Museu de Cera" в Барселоне»։ Галопом по Европе։ Վերցված է 2018-01-09