Արև Բաղդասարյան

Արև Բաղդասարյան
	16-ամյա Արև Բաղդասարյանը` գեղարվեստական ինքնագործունեության մասնակից, 1929
Հիմնական տվյալներ
Նաև հայտնի է որպես	Նախշուն բաջի
Ծնվել է	ապրիլի 2, 1918; Շուշի, Ելիզավետպոլի նահանգ
Երկիր	Ռուսական կայսրություն, ԽՍՀՄ և Հայաստան
Մահացել է	փետրվարի 17, 1994 (75 տարեկան); Երևան, Հայաստան
Գերեզման	Թոխմախի կենտրոնական գերեզմանատուն
Մասնագիտություն	երգչուհի և պարուհի
Գործիքներ	վոկալ
Աշխատավայր	Հայֆիլհարմոնիա
Կրթություն	Ադրբեջանի պետական տնտեսագիտական համալսարան (1937)
Պարգևներ	; և
	Arev Baghdasaryan Վիքիպահեստում

Վիքիպեդիայում կան հոդվածներ Բաղդասարյան ազգանունով այլ մարդկանց մասին։

Արև Գրիգորի Բաղդասարյան (ապրիլի 2, 1918(1918-04-02)^[2], Շուշի, Ելիզավետպոլի նահանգ^[2]^[3] - փետրվարի 17, 1994(1994-02-17)^[3], Երևան, Հայաստան^[3]), հայ պարուհի, երգչուհի, ՀԽՍՀ ժողովրդական արտիստուհի (1961)։

Կենսագրություն

Ծնվել է Շուշիում (Արցախ)։ Ավարտել է Բաքվի տնտեսագիտական ինստիտուտը։ 1936 թ. Դոնի Ռոստովի երգի և պարի օլիմպիադայում գրավել է առաջին տեղը։

1940 թ. ավարտել է Բաքվի պարարվեստի ուսումնարանը և դարձել մենապարուհի։ 1937-1941 թթ. հանդես է եկել Ադրբեջանական ԽՍՀ երգի-պարի անսամբլում։

1938 թ. Մոսկվայում Ավետիք Իսահակյանն Արևին խորհուրդ է տվել տեղափոխվել Հայաստան։ 1941 թ. նա դարձել է Հայաստանի պետական ֆիլհարմոնիայի մենակատար։ Հայրենական մեծ պատերազմի տարիներին հանդես է եկել 89-րդ հայկական Թամանյան դիվիզիայի մարտիկների խրամատներում։

1946 թ.-ից աշխատել է Արտեմի Այվազյանի ղեկավարած ջազ նվագախմբում և ելույթներ ունեցել Խորհրդային Միության բազմաթիվ քաղաքներում և արտերկրում՝ Կանադա, Չինաստան, Վիետնամ, Ինդոնեզիա, Բիրմա (այժմ՝ Մյանմա), Ֆրանսիա, Բելգիա, Լյուքսեմբուրգ, Հնդկաստան, Նեպալ, Պակիստան, Եգիպտոս, Լիբանան (Բեյրութ) և այլուր։

1981 և 1991 թթ. հյուրախաղերով հանդես է եկել Վաշինգտոնում (ԱՄՆ)։

Արտիստուհու հեղինակած ամենասիրված երգերից էր «Նախշուն բաջին»^[4]։ 1955-1987 թթ. եղել է «Բարեկամություն» երգի և պարի համույթի գեղարվեստական ղեկավարը։ Բեմական գործունեության 50 տարիների ընթացքում կատարել է աշխարհի մոտ 70 ազգերի տասնյակ երգեր ու պարեր։

1961 թ. արժանացել է ՀԽՍՀ ժողովրդական արտիստի կոչմանը։

Մահացել է Երևանում, 1994 թ. փետրվարի 17-ին։ Թաղվել է «Նախշուն բաջու» տարազով^[5]։

Հիշատակ

«Բարեկամություն» երգի և պարի համույթին 1983 թ. շնորհվել է Արև Բաղդասարյանի անունը
Երևանի Աբովյան փողոցի 21-րդ շենքի պատին (այդ շենքում ապրել է երգչուհին) ամրացված է նրա հուշատախտակը
Երևանի Տերյան փողոցի և Սայաթ-Նովայի պողոտայի խաչմերուկում տեղադրված «Ղարաբաղցի կինը» քանդակը (հեղինակ՝ Դավիթ Երևանցի) ստեղծվել է Արև Բաղդասարյանի կերպարով

Ծանոթագրություններ

↑ https://gusanashot.com/song.php?song=8
1 2 3 4 5 6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.
1 2 3 4 5 6 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1. — էջ 202.
↑ Արև Բաղդասարյան
↑ Արև Բաղդասարյան.

Գրականություն

Արաքսմանյան Ա., Արև Բաղդասարյան, Երևան, 1973։
Авакян К., Так восходило солнце, Е., 2003.

Արտաքին հղումներ

Հայաստանի Մշակույթի նախարարություն, Արև Բաղդասարյան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 253)։

Վիքիդարանն ունի նյութեր, որոնք վերաբերում են «Արև Բաղդասարյան» հոդվածին։

Վիքիպահեստն ունի նյութեր, որոնք վերաբերում են «Արև Բաղդասարյան» հոդվածին։

[_5049aa1f1ca4c7cf-1] ttps://gusanashot.com/song.php?song=8

[_50b3f8072f120a04-2] 1 2 3 4 5 6 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.

[_93bb8f4fcd9f3d2c-3] 1 2 3 4 5 6 Ով ով է. հայեր (հայ.) / Հ. Այվազյան — Երևան: Հայկական հանրագիտարան հրատարակչություն, 2005. — հատոր 1. — էջ 202.

[4] Արև Բաղդասարյան

[5] Արև Բաղդասարյան.

[1]

[2]

[3]

[4]

[5]