Աշխարհազորայիններ (հուշահամալիր)

«Աշխարհազորայիններ» հուշահամալիր;
	«Աշխարհազորայիններ» հուշահամալիրը
Տեսակ	պատերազմի հուշահամալիր
Երկիր	Ռուսաստան
Բնակավայր	Պուշկին
Շինության ձև	Հուշահամալիր
Ներկա վիճակ	Կանգուն
	Monument to the Heroic Defenders of Leningrad in Pushkin town Վիքիպահեստում

«Աշխարհազորայիններ» հուշահամալիր (ռուս.՝ Мемориал «Ополченцы»), հուշահամալիր «Փառքի կանաչ գոտի» համալիրի կազմի մեջ։ Գտնվում է Ռուսաստանի Դաշնության Լենինգրադի մարզում։ 1966 թվականին կառուցել են Լենինգրադի Հոկտեմբերյան շրջանի բնակիչները Պուշկին քաղաքի արևմտյան ծայրամասում, Կուզմինկա գետի ափին։

Հուշահամալիրը Ռուսաստանի դաշնային նշանակության պատմության հուշարձան է (գրանցման համար` 781510211820006) համաձայն Ռուսաստանի Դաշնության կառավարության 2001 թվականի հուլիսի 10-ի թիվ 527 որոշման^[1]։

Նկարագրություն[խմբագրել | խմբագրել կոդը]

Մուտքի մոտ կանգնեցված է քառանկյուն հորիզոնական բետոնե ստելա, որի վրա փակցված գրանիտե ողորկված տախտակի վրա գրված է. «Բանակի, նավատորմի մարտիկներին` Լենինգրադի աշխատավորներից, նոյեմբեր, 1965» և «Հուշարձանը ստեղծվել է Հոկտեմբերյան շրջանի աշխատավորների միջոցներով»։ Հուշահամալիրի արևմտյան մասում գլխավոր հուշարձանն է` բետոնե ստելան, որի վրա պատկերված են Լենինգրադի պաշտպանները, հնգաթև աստղով դրոշ և «1941-1944» գրություն դիմերեսին։ Հետնամասում արված է նաև հիշատակային գրություն^[1]։ Ստելայի կողքին տեղադրված են երկու հրանոթ և բետոնե հակատանկային կոճղապատնեշներ։ Վերջիններիս վրա փակցված են հուշատախտակներ այս սահմանագիծը 1941 թվականին պաշտպանած զորամասերի անվանումներով։