Աղմուկ ականջներում

Վիքիպեդիայից՝ ազատ հանրագիտարանից
Աղմուկ ականջներում
Տեսակ առողջական խնդիր
Ենթադաս hearing disorder
Բժշկական մասնագիտություն ականջաքիքկոկորդաբանիություն
ՀՄԴ-9 388.3
ՀՄԴ-10 H93.1
Հիվանդությունների բազա 27662
MedlinePlus 003043
eMedicine 856916
MeSHID D014012
Tinnitus Վիքիպահեստում

Աղմուկ ականջներում, (լատ.՝ Tinnitus), (խշշոց ականջներում), աղմուկի կամ խշշոցի զգացում ականջներում։ Բացարձակ լռության պայմաններում աղմուկը կարող է առաջանալ կատարյալ առողջ մարդկանց ականջներում, ինչը պայմանավորված է ներքին ականջի մանր արյունատար անոթներով արյան շարժման ընկալմամբ (ֆիզիոլոգիական աղմուկ)։

Ախտաբանական աղմուկ[խմբագրել | խմբագրել կոդը]

Ախտաբանական ականջների աղմուկն առաջանում է դեպի լսողական նյարդ գնացող արյան անհավասարաչափ հոսքի պատճառով կամ միջին և ներքին ականջի հիվանդությունների, կապարով, արսենով, սնդիկով, ալկոհոլով, նիկոտինով քրոնիկ, թունավորումների, հիպերտոնիկ հիվանդության, թերճնշման դեպքերում, որը պայմանավորված է նյարդի գրգռմամբ։

Սովորաբար աղմուկի հետ միաժամանակ նկատվում է լսողության նվազում, և որքան մեծ է աղմուկի ուժը, այնքան ավելի է նվազում լսողությունը։ Խլության դեպքում աղմուկը, որպես կանոն, դադարում է։ Աղմուկի ուժեղացումը (կամ առաջացումը) կարող է դիտվել զարկերակային ճնշման տատանումների, հոգեկան զգալի գրգռված վիճակների, ֆիզիկական լարվածության, գերհոգնածության ժամանակ։ Այն հաճախ ականջի և սիրտանոթային համակարգի հիվանդությունների համեմատաբար վաղ ախտանշան է։

Հղիություն[խմբագրել | խմբագրել կոդը]

Ականջների աղմուկը երբեմն առաջանում է հղիության և կլիմաքսի շրջանում։ Հղի կանանց մոտ աղմուկի առաջացումը կարող է վկայել զարկերակային ճնշման անկայունության մասին և լինել հղիության տոքսիկոզների վաղ նախանշան։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png