Սերում է արիստոկրատական ընտանիքից։ Մասնակցել է 1821-1829 թթ. հունական ազգային ազատագրական հեղափոխությանը, գլխավորել պահպանողական թևը։ Եպիդավրոսում կայացած Ազգային ժողովում (1822 թվականի հունվար) ընտրվել է Հունաստանի նախագահ (մինչև 1823 թ. ապրիլ)։ Ունեցել է անգլիական կողմնորոշում։ Օթոն թագավորի ժամանակ (1831-1862) զբաղեցրել է կառավարական և դիվանագիտական պաշտոններ։ 1844 թվականին և 1854-1855 թվականներին եղել է վարչապետ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 281)։