Կիրիակոս Միցոտակիս

	Կիրիակոս Միցոտակիս; Κυριάκος Μητσοτάκης
	Կիրիակոս Միցոտակիսը 2018 թվականին
Դրոշ	(187-րդ-րդ) Հունաստանի վարչապետ
հուլիսի 8, 2019 - մինչ օրս
Նախորդող	Ալեքսիս Ցիպրաս («Սիրիզա» կուսակցությունից)
Հաջորդող	հաջորդող չկա
Կուսակցություն՝	«Նոր ժողովրդավարություն» կուսակցություն
Կրթություն՝	Հարվարդի համալսարան (1990), Սթենֆորդի համալսարան (1993), Աթենքի քոլեջ (1986) և Հարվարդի բիզնես դպրոց (1996)
Մասնագիտություն՝	քաղաքական գործիչ
Ազգություն	հույն
Ծննդյան օր	մարտի 4, 1968 (57 տարեկան)
Ծննդավայր	Աթենք, Հունաստան
Քաղաքացիություն	Հունաստան
Հայր	Կոնստանտինոս Միցոտակիս
Մայր	Մարիկա Միցոտակի
Ամուսին	Մարևա Գրաբովսկի
Զավակներ	Սոֆիա Միցոտակի, Konstantinos Mitsotakis? և Dafne Mitsotakis?
Կայք՝	nd.gr/mitsotakis-kyriakos
Ինքնագիր
Պարգևներ	և Thomas T. Hoopes Prize?
Kyriakos Mitsotakis

Կիրիակոս Միցոտակիս (հուն․՝ Κυριάκος Μητσοτάκης, մարտի 4, 1968(1968-03-04)^[1]^[2]^[3], Աթենք, Հունաստան), հույն պետական և քաղաքական գործիչ, ով զբաղեցնում է Հունաստանի վարչապետի պաշտոնը՝ միևնույն ժամանակ նաև նախագահելով իշխող «Նոր ժողովրդավարություն» կուսակցությունը։ «Սիրիզայի» թեկնածու Ալեքսիս Ցիպրասի վարչապետության տարիներին եղել է Հունաստանի քաղաքական ընդդիմության ղեկավարը։

Միցոտակիսը 2004 թվականին ընտրվել է Հունաստանի Հանրապետության խորհրդարանի պատգամավոր՝ «Աթենք Բ» սահմանադրական ընտրատարածքից։ 2016 թվականի հունվարին ընտրվել է «Նոր ժողովրդավարություն» ընդդիմադիր կուսակցության նախագահ։ Երեք տարի անց՝ 2019 թվականի հուլիսի 8-ին, այդ կուսակցությունը հաղթում է Հունաստանի խորհրդարանական ընտրություններում՝ տապալելով Ցիպրասի կառավարությունը։ Կիրիակոսը նախկին վարչապետ Կոնստանտինոս Միցոտակիսի որդին է^[4]։

Վաղ տարիների կյանք և կրթություն

Կիրիակոսը ծնվել է 1968 թվականի մարտի 4-ին Աթենքում։ Նրա հայրը՝ Կոնստանտինոս Միցոտակիսը, եղել է Հունաստանի նախկին վարչապետ և «Նոր ժողովրդավարություն» կուսակցության պատվավոր նախագահ, մայրը՝ Մարիկա Միցոտակիսը, աչքի է ընկել իր քաղաքական ակտիվ վերլուծություններով և ներգրավվածությամբ։ Կիրիակոսի ծնունդից անմիջապես հետո Հունաստանի իշխանությունը բռնազավթած ռազմական խունտան նրա ընտանիքին դատապարտվում է տնային կալանքի^[5], իսկ հորը՝ Կոնստանտինոսին, ճանաչում «պերսոնա նոն գրատա», այսինքն՝ անցանկալի անձ Հունաստանի համար։ Տնային կալանքի նախապայմանը խախտած Կոնստանտինոսը դատապարտվում է Հունաստանի քրեական օրենսգրքի տրամաբանությամբ, սակայն նույն տարում Թուրքիայի արտաքին գործերի նախարար Իհսան Սաբրի Չաղլայանգիլի ջանքերով վերջինս՝ իր ընտանիքի հետ միասին, ապաստան է գտել Ստամբուլում։ Այդ ժամանակ Կիրիակոսն ընդամենը մեկ տարեկան էր։

Միցոտակիսների ընտանիքը Թուրքիայում մնում է մի քանի օր, որից հետո մեկնում է Փարիզ։ Վերջիններս հայրենի երկիր կարողանում են վերադառնալ միայն 1974 թվականին՝ իշխանության ազատագրումից հետո^[6]։ Ավելի ուշ, Կիրիակոս Միցոտակիսը հայտարարել է այն մասին, որ իր կյանքի առաջին վեց ամիսներին նա եղել է քաղաքացիական բանտարկյալ։ 1986 թվականին Միցոտակիսն ավարտել է Աթենքի քոլեջը։ 1986-1990 թվականներին սովորել է Հարվարդի համալսարանում, ստացել հասարակագիտության բակալավրի աստիճան։ 1992-1993 թվականներին Սթենֆորդի համալսարանում ստացել է միջազգային հարաբերությունների գծով մագիստրոսի գիտական աստիճան։ Նույն տարում ընդունվել է Հարվարդի բիզնես դպրոց, որն ավարտել է 1995 թվականին՝ ստանալով բիզնես կառավարման մասնագիտացմամբ^[7]։

Մասնագիտական գործունեություն

1990-ից 1991 թվականներին Կիրիակոս Միցոտակիսը որպես ֆինանսական վերլուծաբան աշխատել է Լոնդոնի «Չեյս բանկ»-ում, իսկ 1991 թվականին՝ վերադարձել Հունաստան և պարտադիր զինվորական ծառայություն անցել ռազմաօդային ուժերում։ Հետագա գործունեությունը ծավալել է հունաստանյան և արտասահմանյան բանկերում և ձեռնարկատիրական ընկերություններում։

Ծանոթագրություններ

↑ ^1,0 ^1,1 http://www.hellenicparliament.gr/en/Vouleftes/Viografika-Stoicheia/?MPId=d0750741-dbb8-4bec-9466-526fe9c11773
↑ ^2,0 ^2,1 GeneaStar
↑ ^3,0 ^3,1 Munzinger Personen (գերմ.)
↑ «Kyriakos Mitsotakis sworn in as Greece's new prime minister». www.aljazeera.com. Վերցված է 2019 թ․ հուլիսի 8-ին.
↑ «Η εξήγηση Μητσοτάκη για το "έξι μηνών πολιτικός κρατούμενος": Η χούντα δεν άφηνε τη μητέρα μου να βγει από το σπίτι της». HuffPost Greece. 2016 թ․ հուլիսի 22. Վերցված է 2019 թ․ փետրվարի 1-ին.
↑ Akten, Sertaç; Alan, Gülsüm (2019 թ․ հուլիսի 4). «Yunanistan erken genel seçimleri ile ilgili bilmeniz gereken her şey». Euronews (Türkçe). Վերցված է 2019 թ․ հուլիսի 7-ին.
↑ «Τι απαντά ο Κυριάκος Μητσοτάκης από το Facebook ότι ήταν "πολιτικός κρατούμενος, 6 μηνών" - Δημοκρατική της Ρόδου». 2016 թ․ հուլիսի 22. Վերցված է 2019 թ․ փետրվարի 1-ին – via www.dimokratiki.gr.

Վիքիպահեստն ունի նյութեր, որոնք վերաբերում են «Կիրիակոս Միցոտակիս» հոդվածին։

[_bdc68cb77409d7a3-1] 1,0 ^1,1 http://www.hellenicparliament.gr/en/Vouleftes/Viografika-Stoicheia/?MPId=d0750741-dbb8-4bec-9466-526fe9c11773

[_f028db51cc4a03c3-2] 2,0 ^2,1 GeneaStar

[_80699b1901c1d055-3] 3,0 ^3,1 Munzinger Personen (գերմ.)

[aljazeerajuly8inaug-4] «Kyriakos Mitsotakis sworn in as Greece's new prime minister». www.aljazeera.com. Վերցված է 2019 թ․ հուլիսի 8-ին.

[5] «Η εξήγηση Μητσοτάκη για το "έξι μηνών πολιτικός κρατούμενος": Η χούντα δεν άφηνε τη μητέρα μου να βγει από το σπίτι της». HuffPost Greece. 2016 թ․ հուլիսի 22. Վերցված է 2019 թ․ փետրվարի 1-ին.

[6] Akten, Sertaç; Alan, Gülsüm (2019 թ․ հուլիսի 4). «Yunanistan erken genel seçimleri ile ilgili bilmeniz gereken her şey». Euronews (Türkçe). Վերցված է 2019 թ․ հուլիսի 7-ին.

[7] «Τι απαντά ο Κυριάκος Μητσοτάκης από το Facebook ότι ήταν "πολιτικός κρατούμενος, 6 μηνών" - Δημοκρατική της Ρόδου». 2016 թ․ հուլիսի 22. Վերցված է 2019 թ․ փետրվարի 1-ին – via www.dimokratiki.gr.

[1]

[2]

[3]

[4]

[5]

[6]

[7]