Ալեքսիս Ցիպրաս

Վիքիպեդիայից՝ ազատ հանրագիտարանից
Ալեքսիս Ցիպրաս
Alexis Tsipras 2013.jpg
 
Քաղաքացիություն՝ Flag of Greece.svg Հունաստան
Կուսակցություն՝ Սինասպիզմոս և ՍԻՐԻԶԱ
Կրթություն՝ Աթենքի ճարտարագիտական համալսարան
Մասնագիտություն՝ քաղաքական գործիչ և քաղինժեներ
Ազգություն հույն
Դավանանք աթեիզմ
Ծննդյան օր հուլիսի 28, 1974({{padleft:1974|4|0}}-{{padleft:7|2|0}}-{{padleft:28|2|0}})[1] (43 տարեկան)
Ծննդավայր Աթենք, Հունաստան[1]
Ամուսին Բեթի Բատզիանա
 
Կայք՝ alexistsipras.eu
 
Ինքնագիր Alexis Tsipras Signature (Greece prime minister).png

Ալեքսիս Ցիպրաս (հուն.՝ Αλέξης Τσίπρας, հուլիսի 28, 1974({{padleft:1974|4|0}}-{{padleft:7|2|0}}-{{padleft:28|2|0}})[1], Աթենք, Հունաստան[1]), հույն ձախական քաղաքական գործիչ, Հունաստանի վարչապետ 2015 թվականի սեպտեմբերի 21-ից։ Ավելի շուտ նույն պաշտոնն զբաղեցրել էր նույն տարվա հունվարի 26-օգոստոսի 20-ը։

Ձախականների ՍԻՐԻԶԱ կուսակցության ղեկավար 2009 թվականից[2]։ Ընտրություններից հետո (2015 հունվար) ստանալով ձայների 32%-ը՝ իր կուսակցությունը զբաղեցրել է հունական խորհրդարանի 300 պատգամավորական աթոռներից 149-ը։

2015 թվականին Թայմ ամսագիրը նրան ճանաչել է որպես աշխարհի 100 ամենաազդեցիկ մարդկանցից մեկը[3]։

Վաղ տարիներ և կարիերա[խմբագրել | խմբագրել կոդը]

Ալեքսիս Ցիպրասը ծնվել է 1974 թվականի հուլիսի 28-ին Հունաստանի մայրաքաղաք Աթենքում։ Ընտանիքը սերում է Արևելյան Թրակիայի Բաբաեսկի քաղաքի մոտ գտնվող մի գյուղից, որը 1923 թվականի Հունաստանի և Թուրքիայի միջև բնակչության փոխանակման ժամանակ Թուրքիայից անցել է Հունաստանին[4]։ Հայրը ծնվել է Էպիրուսում[5][6], մայրը՝ Էլեֆթերուպոլիում[7]։

Ցիպրասը 1980-ական թվականների վերջին միացել է Հունաստանի երիտասարդ կոմունիստներին։ 1990-ական թվականների սկզբին, որպես Աբելոկիպիի բազմապրոֆիլ ավագ դպրոցի աշակերտ՝ ակտիվ մասնակցում էր աշակերտների բողոքին ընդդեմ կրթության նախարար Վասիլիս Կոնտոյանոպուլոսի կողմից ընդունած հակասական օրենքին։ Նա աչքի ընկավ որպես ուսանողական շարժման ներկայացուցիչ, երբ հյուրընկալվեց լրագրող Աննա Պանայոտարեայի հեռուստատեսային շոուին։ Հարցազրույցի ընթացքում Պանայոտարեան ակնարկեց, որ Ցիպրասը անկեղծ չէ միջնակարգ և ավագ դպրոցի աշակերտների՝ առանց ծնողներին տեղյակ պահելու դասերից բացակայելու իրավունքը բողոքի շրջանակներում պաշտպանելիս[8]։

Ցիպրասը սովորել է Աթենքի ազգային տեխնիկական համալսարանի քաղաքացիական ճարտարագիտություն բաժնում, որն ավարտել է 2000 թվականին, այնուհետև սովորել է ասպիրանտուրայում՝ «Քաղաքային և շրջանային նախագծում» մասնագիտացմամբ, որի արդյունքում ստանալով Աթենքի ազգային տեխնիկական համալսարանի Ճարտարագիտական դպրոցի միջգերատեսչական մագիստրոսի աստիճան։ Ասպիրանտուրայում սովորելուն զուգընթաց սկսում է որպես քաղաքացիական ճարտարագետ աշխատել շինարարական ոլորտում։ Մի քանի ուսումնասիրություններ և նախագծեր է գրել Աթենքի մասին[8][9][10]։

Համալսարանում սովորելու տարիներին Ցիպրասը միանում է վերածնվող ձախակողմյան շարժման՝ Էնկելադոսին (հուն.՝ Εγκέλαδος) և որպես դրա անդամ՝ ընտրվել է Աթենքի ազգային տեխնիկական համալսարանի Քաղաքացիական ճարտարագիտական դպրոցի ուսանողների միության նախագահ։ Ուսանողների ներկայացուցիչն էր նաև համալսարանի սենատում։ 1995-1997 թվականներին ընտրվում է Հունաստանի ուսանողների ազգային միության կենտրոնական խորհրդի անդամ[8]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 German National Library, Berlin State Library, Bavarian State Library et al. Record #138054738 // Gemeinsame Normdatei — 2012—2016.
  2. http://www.athina984.gr/node/69377
  3. «Time 100 - Alexis Tsipras, by Pablo Iglesias - time.com»։ Alexis Tsipras | TIME։ 16 April 2015 
  4. «Dünyanın konuştuğu Yunan lider Çipras, Babaeskili çıktı»։ Hürriyet։ Վերցված է 31 January 2015 
  5. Αλέξιος Παύλου Τσίπρας : ΠΡΟΕΔΡΟΣ ΤΗΣ Κ.Ο. ΤΟΥ ΣΥΝΑΣΠΙΣΜΟΥ ΡΙΖΟΣΠΑΣΤΙΚΗΣ ΑΡΙΣΤΕΡΑΣ ΒΟΥΛΕΥΤΗΣ Α' ΑΘΗΝΩΝ (Greek)։ Hellenic Parliament։ Վերցված է 16 October 2010 
  6. Andy Denwood (14 May 2012)։ «Profile: Alexis Tsipras, leader of Syriza»։ BBC News 
  7. Apostolidis Tasos (28 November 2007)։ Αλέξης Τσίπρας: "Καβαλιώτης" και μόλις 33 Μαΐων το φαβορί για την ηγεσία του ΣΥΝ։ KavalaNet (Greek) (kavalanet.gr)։ Վերցված է 22 May 2009 
  8. 8,0 8,1 8,2 «Alexis Tsipras»։ Synaspismos։ syn.gr։ Վերցված է 22 May 2009 
  9. Σχόλιο Γραφείου Τύπου του ΣΥΝ για τις προσωπικές επιθέσεις εναντίον του Προέδρου του ΣΥΝ – Επισύναψη επιστολών (Greek)։ syn.gr։ 21 November 2008։ Վերցված է 16 October 2010 
  10. Αλέξης Τσίπρας (Greek)։ enet.gr։ 9 October 2009։ Վերցված է 16 October 2010 

Արտաքին հղումներ[խմբագրել | խմբագրել կոդը]