Հյուսիսային Ասիա

Վիքիպեդիայից՝ ազատ հանրագիտարանից
Հյուսիսային Ասիա
Ասիայի տարածաշրջանները ըստ ՄԱԿ-ի՝      Հյուսիսային Ասիա      Կենտրոնական Ասիա      Հարավարևմտյան Ասիա      Հարավային Ասիա      Արևմտյան Ասիա      Հարավարևելյան Ասիա

Հյուսիսային Ասիա (ռուս.՝ Северная Азия), Ասիա աշխարհամասի հյուսիսային մասն է, որը կազմված է Ռուսաստանի Դաշնության ասիական մասից։ Ժամանակակից Ռուսաստանում դա Ուրալյան, Սիբիրյան և Հեռավոր-արևելյան ֆեդերալ օկրուգներն են։ Անգլալեզու աշխարհագրական աղբյուրներում «Հյուսիսային Ասիա» տերմինը առաջին անգամ օգտագործվել է 1882 թվականին։

Աշխարհագրություն[խմբագրել]

Հյուսիսային Ասիան ձգվում է Ուրալյան լեռներից մինչ Խաղաղ Օվկիանոս ու Հյուսիսային Սառուցյալ օվկիանոսից մինչ Ռուսաստանի հարավային սահման: Գրեթե ողջ տարածքը ծածկված է տայգայով:

Խոշորագույն գետերն են՝ Օբ, Ենիսեյ, Լենա:

Խոշորագույն լճեր՝ Բայկալ, Թայմիր, Խանկա, Ուբսու-Նուր, Չանի:

Խոշորագույն քաղաքներ՝ Նովոսիբիրսկ, Եկատերինբուրգ, Օմսկ, Չելյաբինսկ, Կրասնոյարսկ, Բառնաուլ, Իրկուտսկ, Տյումեն, Խաբարովսկ, Նովոկուզնեցկ, Կեմերովո, Տոմսկ, Վլադիվոստոկ:

Բնակչությունը[խմբագրել]

Բնակչության մեծ մասը կազմում են ռուսները: Այնտեղ բնակվում են նաև ուկրաինացիներ, թաթարներ, յակուտներ, բուրյատներ, գերմանացիներ, բաշկիրներ, բելառուսցիներ, ղազախներ և այլ ազգությունների ներկայացուցիչներ: