Վարուժան Մարգարյան
Վարուժան Մարգարյան | |
---|---|
![]() | |
Ծնվել է | մայիսի 17, 1962 (62 տարեկան) Երևան, Հայկական ԽՍՀ, ԽՍՀՄ |
Երկիր | ![]() ![]() |
Մասնագիտություն | երգիչ և խմբավար |
Գործիքներ | վոկալ |
Կրթություն | Հայկական պետական մանկավարժական համալսարան (1986) և Երևանի Կոմիտասի անվան պետական կոնսերվատորիա (1993) |
Վարուժան Եղիշի Մարգարյան (մայիսի 17, 1962, Երևան, Հայկական ԽՍՀ, ԽՍՀՄ), հայ երգիչ, խմբավար, հայ հոգևոր երաժշտության և կոմիտասյան երգերի կատարող։
Կրթություն[խմբագրել | խմբագրել կոդը]
Վարուժան Մարգարյանը ծնվել է 1962 թվականի մայիսի 17-ին Երևանում։ Սովորել է Երևանի Մուրացանի անվան թ. 18 միջնակարգ դպրոցում։ Նախնական երաժշտական կրթությունը ստացել է Արմեն Տիգրանյանի անվան երաժշտական դպրոցի ջութակի դասարանում (ուսուցիչներ՝ Յուրի Ավետիսյան, Էդուարդ Շահվերդյան)։ 1982-1986 թթ. ուսանել է Երևանի Խ. Աբովյանի անվան մանկավարժական ինստիտուտի երաժշտա-մանկավարժական ֆակուլտետի երգ-երաժշտության բաժնում (խմբավարության ուսուցիչ՝ պրոֆեսոր Խորեն Մեյխանեջյան, ջութակի ուսուցիչ՝ Վազգեն Արտաշեսի Ավետիսյան)։ 1986-1988 թթ. նշանակվել է Արմավիրի մարզի Մրգաշատ գյուղի թ. 1 միջնակարգ դպրոցի երգ-երաժշտության ուսուցիչ։ 1988-1993 թթ. սովորել է Երևանի Կոմիտասի անվան պետական կոնսերվատորիայի վոկալ բաժնում (ուսուցիչ՝ պրոֆեսոր Մարիաննա Հարությունյան)։
Ստեղծագործական գործունեություն[խմբագրել | խմբագրել կոդը]
Որպես մեներգիչ և երգչախմբի անդամ՝ երկար տարիներ հանդես է եկել Հայաստանի տարբեր երգչախմբերի կազմում՝
- «Հայրեն» երգչախումբ (գեղ. ղեկավար և խմբավար՝ Սեդրակ Տեր-Ղազարյան),
- «Նարեկ» արական երգչախումբ (գեղ. ղեկավար և խմբավար՝ Մկրտիչ Մկրտչյան),
- ԵՊՀ «Կոմիտաս» երգչախումբ (գեղ. ղեկավար և խմբավար՝ Հարություն Թոփիկյան),
- «Հայսմավուրք» երգչախումբ (գեղ. ղեկավար և խմբավար՝ Միհրան Ղազեյան),
- Երևանի Կոմիտասի անվան պետական կոսներվատորիայի օպերային դասարանի երգչախումբ (գեղ. ղեկավար և խմբավար՝ Հովհաննես Միրզոյան),
- Ս. Գայանե եկեղեցու արական երգչախումբ (գեղ. ղեկավար և խմբավար՝ Գեորգի Շաբանով, Գևորգ Մուրադյան),
- «Հովեր» կամերային երգչախումբ (գեղ. ղեկավար և խմբավար՝ Սոնա Հովհաննիսյան)։
- 1984-1992 թթ. երգել է Մայր աթոռ Ս. Էջմիածնի Մայր տաճարի երգչախմբում։
1992-2000 թթ. Երուսաղեմի Հայոց պատրիարք Թորգոմ արք. Մանուկյանի հրավերով նշանակվել է Երուսաղեմի Սրբոց Հակոբյանց միաբանության Ս. Հակոբ եկեղեցու դպրապետ և Ժառանգավորաց դպրոցի եկեղեցական երաժշտության ուսուցիչ։ Ավանդական և Չիլինկիրյան պատարագներից հետո՝ 1993 թվականից սկսած, Թորգոմ պատրիարքի անմիջական հովանավորությամբ և Ժառանգավորաց դպրոցի սաների մասնակցությամբ առաջին անգամ իրականացրել է Կոմիտաս վարդապետի եռաձայն պատարագի կատարումը, որ երկար տարիներ հնչում է Երուսաղեմի Սրբոց միաբանության եկեղեցական արարողակարգում։
2000 թ. Երուսաղեմի հայոց պատրիարք Թորգոմ արք. Մանուկյանի հովանավորությամբ և ուրարակիր Արտավազդ Ասլանյանի մասնակցությամբ հիմնել է «Վեմ միություն» հրատարակչությունը։
2000-2003 թթ. Գերմանիայի Հայոց թեմի առաջնորդ Գերշ. Տ. Գարեգին Բեկչյանի հրավերով պաշտոնավարել է Քյոլնում՝ որպես Ս. Սահակ-Մեսրոպ առաջնորդանիստ եկեղեցու դպրապետ և «Արմաշ» մանուկների երգչախմբի խմբավար և երաժշտության ուսուցիչ[1]։
2003-2013 թթ. Կանադահայոց թեմի առաջնորդ Գերշ. Տ. Բագրատ Գալստանյանի հրավերով մեկնել է Մոնրեալ՝ ստանձնելով Մոնրեալի Ս. Գրիգոր Լուսավորիչ առաջնորդանիստ մայր եկեղեցու դպրապետի և խմբավարի պաշտոնը՝
- «Կոմիտաս Դպրաց Դաս» երգչախումբ,
- «Կոմիտաս» արական երգչախումբ,
- «Կոմիտաս» երկսեռ երգչախումբ,
- Մոնրեալի հայ մանուկների երգչախումբ[2][3]։
- 2010-2011 թթ. ղեկավարել է նաև Համազգային մշակութային միության «Քնար» երգչախումբը։
2013-2017 թթ. Երուսաղեմի Հայոց պատրիարք Նուրհան արք. Մանուկյանի հրավերով ծառայել է որպես Երուսաղեմի Սրբոց Հակոբյանց միաբանության Ս. Հակոբ եկեղեցու դպրապետ և Ժառանգավորաց դպրոցի եկեղեցական երաժշտության ուսուցիչ։
2018 թվականից առ այսօր Կանադայի Հայոց թեմի առաջնորդ Գերշ. Տ. Բաբգեն Չարյանի հրավերով պաշտոնավարում է Լավալ քաղաքի Ս. Գևորգ եկեղեցում որպես դպրապետ։
Նույն թվականին հիմնադրել է «Արիակ» երկսեռ երգչախումբը, որը ելույթներ է ունեցել Լավալ քաղաքի «Centre Arménie»-ում, Դուգլասթոն քաղաքի (Նյու Յորք) Ս. Սարգիս առաքելական եկեղեցում։ 2020 թվականի սկզբին համավարակի պատճառով երգչախմբի գործունեությունն ընդհատվել է։
2018 թվականին Լավալի Ս. Գևորգ եկեղեցում հիմնել է «Մանուկների դպրաց դաս» երգչախումբը, որը գործում է մինչ այսօր։
2019-2020 թվականներին Մոնրեալի «Արարատ բնակարաններ» (Habitations Ararat) հաստատությունում բնակվող տարեցներին ուսուցանել է հոգևոր ու աշխարհիկ երգեր։
Որպես մեներգիչ և երգչախմբի անդամ բազմիցս ելույթներով հանդես է եկել Եվրոպայում և ԱՄՆ-ում։
Կատարել է կոմիտասյան և հոգևոր երգերի բազմաթիվ ձայնագրություններ Վաչե Շարաֆյանի նվագակցությամբ (Հայաստան, Երուսաղեմ, ԱՄՆ)։
Մեջբերումներ Վարուժան Մարգարյանի մասին[խմբագրել | խմբագրել կոդը]
![]() |
Ես կոմիտասյան երգեր լսել եմ Շարա Տալյանի, Արմենակ Տեր-Աբրահամյանի և այլ անվանի երգիչների կատարմամբ, սակայն Վարուժան Մարգարյանի մեկնաբանությունը բնականության և խորը ընկալման առումով միանգամայն նոր մոտեցում է կոմիտասյան մեներգեցողության մեջ։ - Թավջութակահարուհի, ՀԽՍՀ ժողովրդական արտիստ, պրոֆեսոր Մեդեա Աբրահամյան
|
![]() |
![]() |
Ինձ թվաց՝ Կոմիտասն այդ պահին երկնքից նայում էր և մեզ ասում, որ այսպես պետք է երգել։ - Օպերային երգիչ, ջութակահար, պրոֆեսոր Ռաֆիկ Հակոբյանց
|
![]() |
Հրատարակություններ[խմբագրել | խմբագրել կոդը]
- 1998 թ. Երուսաղեմի հայոց պատրիարք Թորգոմ արք. Մանուկյանի աջակցությամբ վերահրատարակել է Սբ. Ներսես Շնորհալու «Երգ Արեւագալի» թեթև տարբերակը (ձայնագրեց՝ պոլսահայ երաժիշտ, երգահան, խմբավար, դպրապէտ Լեւոն Մ. Չիլինկիրեան, աշխատութեամբ՝ Տէր Դանիէլ Քահանայի, դպրապետ Վարուժան Մարգարեանի և Վաչէ Շարաֆեանի)։
- 2000 թ. Երուսաղեմի Սրբոց Հակոբյանց միաբանության լուսարարապետ Նուրհան արք. Մանուկյանի աջակցությամբ վերահրատարակել է Սբ. Ներսես Շնորհալու «Երգ Արեւագալի» ծանր տարբերակը (ձայնագրեց՝ Լեւոն Մ. Չիլինկիրեան, հրատարակութեամբ՝ դպրապետ Վարուժան Մարգարեանի և ուրարակիր Արտավազդ Ասլանեանի)[4]։
- 2000 թ. Երուսաղեմի հայոց պատրիարք Թորգոմ արք. Մանուկյանի հրամանով վերահրատարակել է Ս. Ներսես Շնորհալու «Շարական Սրբոցն Վարդանանց Զորավարացն Մերոց՝ Հազար Երեսուն Եւ Վեց Վկայիցն՝ Որք Կատարեցան Ի Մեծի Պատերազմին» (հրատարակութեամբ՝ դպրապետ Վարուժան Մարգարեանի- ՎԷՄ միութիւն)։
- 2004 թ. Երևանում Արարատյան Հայրապետական թեմի «Այրարատ» մատենաշարով լույս է տեսել «Շարականների ընտրանի» ժողովածուն / աշխատասիրեց՝ Վ. Մարգարեան, Վ. Շարաֆեան, Խ. Պալեան և ուրիշներ/:
- 2007 թ. Երևանում Մոնրեալի Ս. Գրիգոր Լուսավորիչ եկեղեցու «Կոմիտաս» երկսեռ երգչախմբի անդամների հանգանակությամբ վերահրատարակվել է «Կոմիտաս. նամակներ» երկրորդ լրացված տպագրությունը /տեքստը կազմեց՝ Ց. Բեքարյանը, ԳԱԹ հրատ./:
- 2018 թ. Արարատյան Հայրապետական թեմի հրատարակությամբ Ս. Էջմիածնի տպարանում լույս է տեսել «Երգեցողութիւնք Սրբոյ Պատարագի եւ այլ երգք պիտանիք» (բազմաձայն), աշխատասիրությամբ՝ Երևանի Նոր Նորք համայնքի Ս. Աստվածածին եկեղեցու խմբավար Լիլիթ Սաֆարյանի, նախաձեռնող և գլխավոր խմբագիր՝ Տեր Նշան քհն. Ալավերդյան, խորհրդատու՝ Վարուժան սրկ. Մարգարյան և ուրիշներ։
Եկեղեցական աստիճաններ[խմբագրել | խմբագրել կոդը]
- Երուսաղեմի պատրիարք Թորգոմ արք. Մանուկյանի ձեռամբ շնորհվել է դպիրի տվչության աստիճան, Երուսաղեմի Սրբոց Հակոբյանց միաբանության Ս. Հակոբ եկեղեցի, 1993։
- Գերմանիայի Հայոց թեմի առաջնորդ Գարեգին արք. Բեկչյանի ձեռամբ շնորհվել է ուրար կրելու իրավունք, Քյոլնի Ս. Սահակ-Մեսրոպ եկեղեցի, 2003։
- Կանադայի Հայոց թեմի առաջնորդ Բագրատ եպիսկոպոս Գալստանյանի կողմից ձեռնադրվել է սարկավագ, Մոնրեալի Ս. Գրիգոր Լուսավորիչ եկեղեցի, 2010 թ. նոյեմբերի 7։
Պարգևներ[խմբագրել | խմբագրել կոդը]
- 2-րդ մրցանակ, սիրողական երգչախմբերի ազգային մրցույթ, CBC - ռադիո Կանադա, Քվեբեկ, 2008 /Varuzhan Margaryan - Concours nationale des chorales d’amateurs 2008 de CBC/Radio-Canada, Québec/
Պատկերասրահ[խմբագրել | խմբագրել կոդը]
-
Երուսաղեմ
-
Կանադա
-
Երուսաղեմ
-
Երևանի Կամերային երաժշտության տուն, 2013 թ.: Նվագակցում է Աննա Խաչատրյանը
-
Ուսուցչի՝ պրոֆեսոր Մարիաննա Հարությունյանի հետ
-
Նարեկացի արվեստի միությունում «Կոմիտասի հետ» խորագրով համերգին, 2013 թ. սեպտեմբերի 5: Նվագակցում է Վաչե Շարաֆյանը
-
Երուսաղեմ
-
Վաչե Շարաֆյանի և Սվետլանա Նավասարդյանի հետ
-
Երուսաղեմ
-
«Նարեկ» արական երգչախումբ, Երևան
-
Կանադա
-
Երուսաղեմ
-
«Արիակ» երգչախմբի անդրանիկ համերգը 2019 թ. հունիսի 14-ին, Մոնրեալ
Կատարումներ[խմբագրել | խմբագրել կոդը]
- Խորհուրդ խորին
- Տէր ողորմեա
- Գոհանամք
- Անտունի
- Ես սարեն կուգայի
- Ախ մարալ ջան, Էրվում եմ
- Գարուն ա
- Քելեր ցոլեր
Արտաքին հղումներ[խմբագրել | խմբագրել կոդը]
- «Վերնատուն» հաղորդման հյուրերն են Կանադայի թեմի առաջնորդանիստ Ս. Գր. Լուսավորիչ Մայր Տաճարի երաժիշտ և խմբավար Վարուժան Մարգարյանը և նկարիչ Սևան Նագգաշյանը
- Պատկերներ՝ հիւսուած Պատարագի հնչիւններից(չաշխատող հղում)
Ծանոթագրություններ[խմբագրել | խմբագրել կոդը]
- ↑ ««Շինել փոքրիկ մշակությաին Հայաստան»».
- ↑ «Նկարչության և երգեցողության դասընթացներ` Նարեկացի արվեստի միությունում».
- ↑ https://issuu.com/dermyron/docs/3697_-_bishop_bagrat_montreal/58?ff.
{{cite web}}
: Missing or empty|title=
(օգնություն) - ↑ Լեւոն Չիլինկիրեան, Լեւոն (2000). Արեւագալի երգեր. Երուսաղեմ.
{{cite book}}
: CS1 սպաս․ location missing publisher (link)