«Ջանեթ Էչելման»–ի խմբագրումների տարբերություն
No edit summary |
ավելացվեց Կատեգորիա:Գուգենհայմի կրթաթոշակառուներ ՀոթՔաթ գործիքով |
||
Տող 41. | Տող 41. | ||
[[Կատեգորիա:Հարվարդի համալսարանի շրջանավարտներ]] |
[[Կատեգորիա:Հարվարդի համալսարանի շրջանավարտներ]] |
||
[[Կատեգորիա:Ամերիկացի կին քանդակագործներ]] |
[[Կատեգորիա:Ամերիկացի կին քանդակագործներ]] |
||
[[Կատեգորիա:Գուգենհայմի կրթաթոշակառուներ]] |
12:53, 23 Մայիսի 2020-ի տարբերակ
Ջանեթ Էչելման | |
---|---|
Ծնվել է | փետրվարի 19, 1966 (58 տարեկան) |
Ծննդավայր | Տամպա, Ֆլորիդա, ԱՄՆ |
Քաղաքացիություն | ԱՄՆ |
Կրթություն | Հարվարդի համալսարան |
Ստեղծագործություն(ներ) | Every Beating Second?, Her Secret Is Patience?, She Changes? և As If It Were Already Here? |
Մասնագիտություն | քանդակագործ |
Պարգևներ և մրցանակներ | |
Կայք | echelman.com |
Janet Echelman Վիքիպահեստում |
Ջանեթ Էչելման (անգլ.՝ Janet Echelman, փետրվարի 19, 1966, Տամպա, Ֆլորիդա, ԱՄՆ), ամերիկացի քանդակագործ՝ մասնագիտացած հանրային արվեստի և ինստալյացիայի բնագավառում: Նկարչի աշխատանքները գտնվում են Եվրոպայի և Հյուսիսային Ամերիկայի տարբեր վայրերում, բաց տարածքներում[1]: Իր ստեղծագործությունների համար Ջանեթն օգտագործում է գերթեթև նյութեր և նորարարական տեխնոլոգիաներ նախագծման ծրագրային ապահովման բնագավառում:
Կենսագրություն
Ջանեթ Էչելմանը ծնվել է 1966 թվականի փետրվարի 19-ին ԱՄՆ Ֆլորիդա նահանգի Տամպա քաղաքում[2]: Հայրը էնդոկրինոլոգ է, մայրը՝ ոսկերչական դիզայներ[3]:
1983 թվականից սկսել է սովորել քոլեջում. ուսման տարիներին` 1985-1986 թվականներին, մասնակցել է Ամերիկայի միջազգային դպրոցի ծրագրերին, համեմատական ուսումնասիրություններ է անցկացրել Բալիում, Ճապոնիայում, Ավստրալիայում, Հնդկաստանում, Հունգարիայում, Հարավսլավիայում, Ավստրիայում, Անգլիայում և Ֆրանսիայում: 1987 թվականին գերազանցությամբ ավարտել է Հարվարդի համալսարանը տեսողական և բնապահպանական ուսումնասիրությունների բնագավառում[4][5]:
1987 թվականին տեղափոխվել է Հոնկոնգ` տեղի համալսարանում չինական գեղագրություն և բնանկարչական գեղանկարչություն ուսումնասիրելու նպատակով, որն ավարտել է 1988 թվականին: 1988-1993 թվականներին Էչելմանն ապրել և աշխատել է Բալիում, Ինդոնեզիա, որտեղ համագործակցել է արհեստավորների հետ` համատեղելով ավանդական տեքստիլային մեթոդները ժամանակակից գեղանկարչության հետ:
Բալիում գտնվող բամբուկե տան հրդեհից հետո վերադարձել է Միացյալ Նահանգներ և դասավանդել Հարվարդի համալսարանում: 2011 թվականի մարտի 3-ին ելույթ է ունեցել TED համաժողովի հերթական նստաշրջանում «Երևակայության նկատմամբ լուրջ վերաբերմունքի մասին» ելույթով, որը հետագայում թարգմանվել է աշխարհի 33 լեզուներով: Նկարչուհին բնակվում է Բրուքլինում (Մասաչուսեթս նահանգ) ամուսնու՝ Դեյվիդ Ֆելդմանի և երկու երեխաների հետ:
Կարիերա
Յոթ տարի հետո, որպես նկարիչ ռեզիդենտ, Ջանեթը վերադարձել է Ասիա և սկսել դասախոսություններ կարդալ Հնդկաստանում Ֆուլբրայթի ծրագրով: Խոստանալով ցուցահանդես կազմակերպել՝ Ջանեթն իր նկարներն ուղարկել և ինքն էլ մեկնել է Մահաբալիպուրամ: Ժամանելով Հնդկաստան՝ պարզվել է, որ նկարչուհու նկարները ձկնորսական քաղաք չեն հասել, ինչի պատճառով էլ ցուցահանդեսը չի կայացել: Էչելմանը, ներշնչված տեղական նյութերով և մշակույթով, սկսել է աշխատել բրոնզե ձուլվածքներով իր հայտնի քանդակագործական գյուղում:
Նկարչուհուն թվում էր, որ ցանցերը կարող են դառնալ նոր մոտեցման ձև քանդակագործության մեջ: Հետևելով ավազի վրա իրենց ցանցերը հավաքող ձկնորսներին, նրա մոտ գաղափար առաջացավ ստեղծելու ծավալային ձևեր, առանց ծանր և կոշտ նյութեր օգտագործելու, որոնք անհիմն թանկ էին նստում Ֆուլբրայթի բյուջեի վրա: Առաջին քանդակ-ինքնանկարը՝ «Գեր ազդրեր», ստեղծվել է Հնդկաստանի ծովափի ձկնորսների հետ համատեղ: Ջանեթը սկսեց ավելի խորը ուսումնասիրել արհեստը՝ հանդիպումներ կազմակերպելով Լիտվայի ժանյակ արտադրողների հետ:
Վերադառնալով Հնդկաստան՝ նա վերսկսեց աշխատանքները ձկնորսների հետ: Մեկ ու կես միլիոն ձեռագործ հանգուցիկներից համատեղ ջանքերով հյուսվեց կտավ, որը ցուցադրվեց Մադրիդում: Քաղաքաշինարար Սոլա-Մորալեսը, որը զբաղվում էր Պորտուի ծովափնյա գծի վերակառուցման աշխատանքներով, հետաքրքրվեց, կարող է նկարչուհին ինչ որ բան պատրաստել մշտական քաղաքային տեղադրության համար: Ծակոտկեն շարժական քանդակի նախագծման ընթացքում ավիացիոն ինժեներ Պիտեր Հեպելը մշակեց հատուկ ծրագրային ապահովում, որը 20 մետրանոց օղակը բարձրացրեց գետնից բարձր: Առաջին մշտական փողոցային քանդակը՝ «Նա փոխվում է» (անգլ.՝ She Changes), 2005 թվականին տեղադրվել է Պորտուգալիայի Պորտու քաղաքում: «Քանդակագործություն» ամսագրի տվյալներով Ջանեթ «Նոր, համարձակ ուղղության» աշխատանքը համարվում է «վերջին տարիների իրապես նշանակալի հասարակական աշխատանքներից մեկն է»:
Ջանեթը մշակում է աշխարհի տարբեր մասերում էկոլոգիապես մաքուր նյութերից քանդակների պատրաստման ծրագիր: Նրա խոսքերով ինքը ժողովրդական արվեստը դիտարկում է որպես թիմային սպորտի տեսակ, որտեղ համագործակցում են մի շարք մասնագետներ, այդ թվում՝ ինժեներ-մեխանիկներ, ճարտարապետներ, լանդշաֆտային դիզայներներ, լուսավորության գծով մասնագետներ և ավիացիոն ինժեներներ: Ջանեթը ստեղծել է համանուն ստուդիա, որը մասնագիտացած է հանրային արվեստի ոճով բարդ շենքային համալիրների կառուցման ոլորտում:
Պատկերասրահ
-
Every Beating Second
-
«Ջուր, երկինք, այգի»
-
«Նրա գաղտնիքը համբերությունն է»
-
«Այն փոխվում է»
-
«1.26»
Ծանոթագրություններ
- ↑ «Department of Art Lecture Series- Janet Echelman: "Reshaping Public Space" - University of Oregon». Calendar.uoregon.edu. October 21, 2014. Վերցված է June 23, 2016-ին.
- ↑ «Janet Echelman | Smithsonian American Art Museum». Americanart.si.edu. Վերցված է July 23, 2017-ին.
- ↑ «How One Artist Learned to Sculpt the Wind». Smithsonianmag.com. November 20, 2015. Վերցված է July 23, 2017-ին.
- ↑ «Net Effects». Harvard Magazine (անգլերեն). April 15, 2015. Վերցված է July 25, 2017-ին.
- ↑ «Commencement 2016: Biographies - Janet Echelman». Tufts Now (անգլերեն). May 13, 2016. Վերցված է July 25, 2017-ին.
Վիքիպահեստն ունի նյութեր, որոնք վերաբերում են «Ջանեթ Էչելման» հոդվածին։ |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ջանեթ Էչելման կատեգորիայում։ |