Սուլեյկա Ռիվերա
| Սուլեյկա Ռիվերա | |
|---|---|
.jpg) | |
| Ծնվել է | հոկտեմբերի 3, 1987[1] (37 տարեկան) |
| Ծննդավայր | Cayey, Պուերտո Ռիկո, ԱՄՆ |
| Քաղաքացիություն |  ԱՄՆ |
| Մասնագիտություն | մոդել, դերասանուհի, գեղեցկության մրցույթի մասնակից և հեռուստահաղորդավարուհի |
| Պարգևներ և մրցանակներ | |
| Կայք | zuleykarivera.com |
 Zuleyka Rivera Վիքիպահեստում | |
Սուլեյկա Հերիս Ռիվերա Մենդոսա (իսպ.՝ Zuleyka Jerrís Rivera Mendoza, (հոկտեմբերի 3, 1987[1], Cayey, Պուերտո Ռիկո, ԱՄՆ), պուերտո ռիկացի դերասանուհի, գեղեցկության մրցույթի մասնակից, «Միսս Պուերտո Ռիկո», «Միսս Տիեզերք 2006» մրցույթների հաղթող։
Երիտասարդություն
[խմբագրել | խմբագրել կոդը]Ծնվել է Կայեյ քաղաքում, մանկությունն անցել է Սալինասում ծնողների՝ Ջերի Ռիվերայի և Կարմեն Մենդոսայի, և եղբայրների՝ Ջերի կրտսերի և Խոսե Ռիվերա Մենդոսայի հետ։ Մինչ «Միսս Պուերտո Ռիկո» տիտղոսին արժանանալը նա իր հայրենի քաղաք Սալինասում մասնակցել է տեղական թատերացված ներկայացման։ Նա նաև զբաղեցրել է առաջին հորիզոնականը «Միսս Տին Պուերտո Ռիկո» մրցույթում։ 18 տարեկանում ճանաչվել է «Միսս Տիեզերք»՝ այդ կերպ դառնալով այդ կոչմանն արժանացած ամենաերիտասարդ կանանցից մեկը։
Ռիվերան Պուերտո Ռիկայի առաջին հաղթողն է, որն ունի խառը առանձնահատկություններ (աֆրիկյան և բնիկ), որոնց շնորհիվ նա տարբերվում է նախորդներից (Մարիսոլ Մալարետ, Դեբո Կարտի-Դեու, Դայանարա Թորես և Դենիս Կինոնես), որոնք ունեն արտահայտիչ եվրոպական դիմագծեր։
Անձնական կյանք
[խմբագրել | խմբագրել կոդը]2010 թվականից հանդիպել է NBA-ի խաղացող Խոսե Խուան Բարեայի հետ։ 2012 թվականի փետրվարի 18-ին ծնվել է նրանց որդին՝ Սեբաստիան Խոսե Բարեա Ռիվերա (իսպ.՝ Sebastián José Barea Rivera)։ 2013 թվականին զույգը բաժանվել է։
Մրցույթ
[խմբագրել | խմբագրել կոդը]2005 թվականի նոյեմբերի 10-ին կայացած «Միսս Պուերտո Ռիկո Տիեզերք 2006» մրցույթում Ռիվերան ներկայացրել է իր հայրենի Սալինաս քաղաքը։ Այստեղ նա թագադրվել էր իբրև նախորդ մրցույթի հաղթող և Միսս Տիեզերք 2005 մրցույթի առաջին վիցեմիսս։
Միսս Տիեզերք 2006
[խմբագրել | խմբագրել կոդը]2006 թվականի հուլիսի 23-ին Զուլեյկա Ռիվերան «Միսս Տիեզերք 2006» մրցույթում ներկայացրել է Պուերտո Ռիկոն, որը միջազգայնորեն ուղիղ եթերով հեռարձակվել է Լոս Անջելեսում։ Լողազգեստով, երեկոյան զգեստով ելույթներից և հարցազրույցից հետո Կանադայից նախկին տիտղոսակիր Նատալի Գլեբովան նրան թագադրել է «Միսս Տիեզերք»։ Այդ ժամանակ նա Ամելյա Վեգայից հետո (2003) «Միսս Տիեզերքի» ամենաերիտասարդ հաղթողն էր (մինչ 2009 թվականը՝ Ստեֆանի Ֆերնանդես)։ Նույն օրվա երեկոյան՝ մամլո հաղորդակցության ժամանակ, Ռիվերան կորցրել է գիտակցությունը։ Նշվում էր, որ այդ միջադեպը կապված է հուզական լարվածության և հագուստի ծանրության հետ[2]։
Ռիվերան այս տիտղոսը նվաճած հինգերորդ պուերտո ռիկացին էր։ Այդ արդյունքներով կղզին երրորդ ամենահաջող երկիրն է (ԱՄՆ-ից և Վենեսուելայից հետո)։ Ռիվերան երրորդ անընդմեջ մասնակիցն էր Պուերտո Ռիկոյից, որն ընդգրկվել է «Միսս Տիեզերք»-ի առաջին հնգյակում, այն բանից հետո, երբ 2004 թվականին Ալբա Ռեյեսը զբաղեցրել էր 3-րդ հորիզոնականը, իսկ 2005 թվականին՝ Սինթիա Օլավարիան՝ 2-րդ հորիզոնականը։
Որպես Միսս Տիեզերք՝ Ռիվերան ներկայացրել է «Միսս Տիեզերք» կազմակերպությունը ինչպես ԱՄՆ-ում, այնպես էլ արտերկրում։ Նա ապրել է Նյու Յորքում, որտեղ բնակվում էր «Միսս ԱՄՆ» Թարա Քոների և «Միսս Թին ԱՄՆ 2006» Քեթի Բլերի հետ։
«Միսս Տիեզերք 2007» մրցույթի ժամանակ նա իր թագը փոխանցել է Ճապոնիայի ներկայացուցիչ Ռիե Մորիին։ Մրցույթն անցկացվել է 2007 թվականի մայիսի 28-ին Մեխիկո քաղաքում[3]։
Տիտղոսը կրելու շրջան
[խմբագրել | խմբագրել կոդը]2006 թվականի հուլիսի 23-ին Լոս Անջելեսում թագադրվելուց հետո Սուլեյկան հարցազրույց է տվել Լոս Անջելեսի լրատվամիջոցներին։
Հուլիսի վերջից մինչև օգոստոսի սկիզբը Սուլեյկան բնակվել է Ճապոնիայում, որտեղ շնորհել է «Հինգ աստղանի ադամանդ» մրցանակը Տոկիոյի «Mandarin Oriental» հյուրանոցում։ Նա նաև մասնակցել է Սան Խուանում, Պուերտո Ռիկոյում և Տոկիոյում Կուրարա Չիբանայի հետ ընթացող ֆոտոսեսիաներին։ «Միսս Տիեզերք Ճապոնիա» Կուկարա Կիբանան և Սուլեյկան այցելել են նաև Միկիմոտոյին՝ իր թագի պատրաստողին։ Օգոստոսի վերջին Սուլեյկան ուղևորվել է Ինդոնեզիա, որտեղ ներկա է գտնվել նոր սպա-սալոնի բացմանը, հանդիպել մշակույթի նախարարին և մասնակցել «Միսս Տիեզերք Ինդոնեզիա» մրցույթին, որտեղ թագադրել է Ագնի Պրատիշտխային։ Ինդոնեզիայում գտնվելու ժամանակ նա այցելել է նաև Բալի։ 2006 թվականի սեպտեմբերի 4-ին Զուլեյկան վերադարձել է Պուերտո Ռիկո, ապա հայրենի քաղաք՝ Սալինաս։
2007 թվականի ապրիլի դրությամբ Զուլեյկան այցելել է Չեխիա, Ֆրանսիա, Իտալիա, Ռուսաստան, Իսպանիա, Թուրքիա, Հունաստան, Ղազախստան, Հնդկաստան, Մեքսիկա, Թաիլանդ, Բրազիլիա, Պուերտո Ռիկո, Ճապոնիա և Ինդոնեզիա, շրջագայություններով եղել է նաև Ամերիկայի Միացյալ Նահանգներում։
2007 թվականի ապրիլի 1-ին Ռիվերան «Միսս ԱՄՆ 2007» Ռեյչել Սմիթի և «Միսս Թին ԱՄՆ 2006» Քեթի Բլերի հետ ներկա է գտնվել WrestleManiaյ-ին՝ աջակցելով Դոնալդ Թրամփին «Միլիարդատերերի ճակատամարտում»։ 2007 թվականի մայիսի 28-ին Մեխիկոյում անցկացված «Միսս Տիեզերք 2007» մրցույթում Ռիվերան իր թագը փոխանցել է Ռիո Մորիին։
Դերասանական գործունեություն
[խմբագրել | խմբագրել կոդը]Ավարտելով իր կառավարումը որպես «Միսս Տիեզերք»՝ Ռիվերան հետաքրքրություն է դրսևորել դերասանական գործունեության նկատմամբ։ Նա առաջին անգամ հանդես է եկել 2007 թվականին «Dame Chocolate» հեռուստանովելում՝ Կարլոս Պոնսի և Կարլա Մոնրոյգի հետ[4]։ 2010 թվականին նրան առաջարկվել է անտագոնիստ Ռոսիո Լինչի դերը «Alguien Te Mira» հեռուստանովելում[5][6]։ Նույն տարի նկարահանվել է «Ավրորա»-յում մեկ այլ անտագոնիստի՝ Դիանա դել Վալիեի դերում[7]։
Հղիության պատճառով կաճատև ընդմիջումից հետո Ռիվերան 2012 թվականին վերադարձել է դերասանական գործունեությանը՝ «Ռոսարիո» ֆիլմում մարմնավորելով գլխավոր հերոսուհուն[8]։ Հարցազրույցներից մեկում Ռիվերան ասել է, որ ինքն ունի «հմտություններ այսպիսի անտագոնիստական դերերի համար… իր մոտ դա ստացվում է»։
Ֆիլմագրություն
[խմբագրել | խմբագրել կոդը]Ֆիլմեր
[խմբագրել | խմբագրել կոդը]| Տարի | Անվանում | Դեր | Նույնպես |
|---|---|---|---|
| 2010 | «Qué despelote! la película» | Ինքնադեր | Ինքնադեր |
Հեռուստատեսություն
[խմբագրել | խմբագրել կոդը]| Տարի | Անվանում | Դեր | Նշումներ |
|---|---|---|---|
| 2007 | «Dame chocolate» | Բեթսի Մարվել | |
| 2007 | «Beyaz Show» | Ինքն իրեն | 1 դրվագ |
| 2010 | «Minute to Win It» | Ինքն իրեն | Դրվագ «Last Beauty Standing» |
| 2010 | «Aurora» | Դիանա դել Վալլե | |
| 2010 | «Alguien te mira» | Ռոսիո Լինչ | 20 դրվագ |
| 2013 | «Rosario» | Սանդրա Դիազ | |
| 2014 | «Cosita linda» | Վիվիանա Ռոբլես | |
| 2015 | «La revista de Zuleyka» | Ինքն իրեն | Host[9] |
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ Associated Press (2006 թ․ հուլիսի 23). «Miss Universe: 'Why I Fainted'». CBS News. Արխիվացված է օրիգինալից 2012 թ․ սեպտեմբերի 11-ին. Վերցված է 2009 թ․ մարտի 5-ին.
- ↑ Watson, Julie (2007 թ․ մայիսի 28). «Miss Japan crowned Miss Universe 2007». Seattle Post-Intelligencer. Associated Press. Արխիվացված է օրիգինալից 2007 թ․ հունիսի 10-ին. Վերցված է 2007 թ․ հունիսի 5-ին.
- ↑ «Zuleyka Rivera despreocupada con su peso». Primera Hora. 2007 թ․ մարտի 14.
- ↑ «Zuleyka Rivera cumple su sueño actoral». Primera Hora. 2010 թ․ օգոստոսի 13.
- ↑ Vargas, Patricia (2010 թ․ դեկտեմբերի 1). «Soy insaciable». El Nuevo Día. Արխիվացված է օրիգինալից 2013 թ․ հոկտեմբերի 2-ին. Վերցված է 2020 թ․ մարտի 2-ին.
- ↑ Vargas, Patricia (2011 թ․ հունիսի 10). «En su etapa más feliz». El Nuevo Día. Արխիվացված է օրիգինալից 2013 թ․ հոկտեմբերի 2-ին. Վերցված է 2020 թ․ մարտի 2-ին.
- ↑ «Zuleyka Rivera: plena como madre y actriz». Primera Hora (Puerto Rico). 2012 թ․ օգոստոսի 3.
- ↑ Castro, Nohelia. «Zuleyka Rivera "triste" por la cancelación de su programa en Unimás». peopleenespanol.com (Spanish). People en Español. Արխիվացված է օրիգինալից 2017 թ․ հունվարի 16-ին. Վերցված է 2017 թ․ հունվարի 13-ին.
{{cite web}}: CS1 սպաս․ չճանաչված լեզու (link)
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Սուլեյկա Ռիվերա» հոդվածին։ |
| ||||||||||
