Jump to content

Նեմանյա Վիդիչ

Վիքիպեդիայից՝ ազատ հանրագիտարանից
Նեմանյա Վիդիչ
սերբական կիրիլիցա՝ Немања Видић
Անձնական տվյալներ
Ազգությունը Սերբիա սերբ
Քաղաքացիությունը  Սերբիա
Մականուն Վիդա
Ծննդյան ամսաթիվ հոկտեմբերի 21, 1981(1981-10-21)[2][3] (43 տարեկան)
Ծննդավայր Ուժիցե, Հարավսլավիա
Հասակ 189 սմ[1]
Քաշ 84 կգ[1]
Դիրք Պաշտպան
Համար 15
Պատանեկան կարիերա
1989-1993
1994–1996
1996-2000		 Հարավսլավիա Եդինստվո (Ուժիցե)
Հարավսլավիա Սլոբոդա (Ուժիցե)
Հարավսլավիա Ցրվենա Զվեզդա
Մասնագիտական կարիերա*
Տարի Ակումբ Խաղ (Գոլ)
2000-2004
2000-2001
2004-2006
2006-2014
2014-2016		 Հարավսլավիա Ցրվենա Զվեզդա
→  Հարավսլավիա Սպարտակ (Սուբոտնիցա)
Ռուսաստան Սպարտակ (Մոսկվա)
Անգլիա Մանչեսթեր Յունայթեդ
Իտալիա Ինտեր		 67 (12)
27 (6)
39 (4)
211 (15)
10 (1)
Ազգային հավաքական
2002
2002-2006
2006-2011		 Հարավսլավիա Հարավսլավիա
Սերբիա և Չեռնոգորիա Սերբիա և Չեռնոգորիա
Սերբիա Սերբիա		 3 (0)
17 (1)
36 (1)
* Մասնագիտական կարիերայում ընդգրկված են միայն առաջնության խաղերը և գոլերը:

Նեմա՛նյա Վի՛դիչ (սերբ.՝ Немања Видић, սերբական արտասանությամբ՝ ně̞maɲa v̞ǐːditɕ, հոկտեմբերի 21, 1981(1981-10-21)[2][3], Ուժիցե, Սերբիայի Սոցիալիստական Հանրապետություն, ՀՍՖՀ), սերբ նախկին ֆուտբոլիստ, կենտրոնական պաշտպան, եղել է անգլիական Մանչեսթեր Յունայթեդ թիմի ավագ, Սերբիայի ֆուտբոլի ազգային հավաքականի խաղացող։

Ակումբային կարիերա

[խմբագրել | խմբագրել կոդը]

Վաղ տարիներ

[խմբագրել | խմբագրել կոդը]

Նեմանյա Վիդիչը ծնվել է պղնձաձուլական գործարանի նախկին աշխատող Դրագոլյուբի և բանկի ծառայող Զորայի ընտանիքում։ Սկսել է զբաղվել ֆուտբոլով 7 տարեկանից։ Ավագ եղբայր Դուշանի հետ Նեմանյան մարզվում էր տեղական «Եդինստվո Ուժիցե» ակումբում։ Վիդիչն արագ առաջադիմում էր և արդեն 12 տարեկանում տեղափոխվեց մեկ այլ՝ «Սլոբոդա» (Ուժիցե) ակումբ[4][5]։ Նրա վաղ պատանեկության տարիներին բռնկվեց Հարավսլավական պատերազմը, որի ընթացքում նրա ընտանիքը մշտական ռմբակոծությունների պայմաններում ապրում էր վախի մթնոլորտում[6]։

«Ցրվենա Զվեզդա» և «Սպարտակ» Մոսկվա

[խմբագրել | խմբագրել կոդը]

Երկուս ու կես տարի անց, 15-ամյակից քիչ առաջ Վիդիչը պայմանագիր կնքեց «Ցրվենա Զվեզդա» ակումբի հետ պատանեկան կարգավիճակով[6]։ 2000 թվականից սկսեց հանդես գալ պրոֆեսիոնալ մակարդակով՝ վարձավճարով անցկացնելով 2000/2001 մրցաշրջանը «Սպարտակ Սուբոտնիցա» ակումբում։ Արդեն հաջորդ մրցաշրջանում նա վերադարձավ «Ցրվենա Զվեզդա», ուր արագ տեղ գրավեց հիմնական կազմում և սկսեց հաճախակի հանդես գալ Հարավսլավիայի առաջնությունում։ 2001/02 թվականներին «Ցրվենա Զվեզդայի» հետ Վիդիչը նվաճեց Հարավսլավիայի գավաթը[7][8]։ Շատ չանցած Վիդիչը նշանակվեց թիմի ավագ։ «Ցրվենա Զվեզդայում» իր ավագության 3 տարիների ընթացքում Վիդիչը 67 խաղում խփեց 12 գոլ և հանդիսավոր ավարտեց իր կարիերան սերբական ակումբում՝ առաջնորդելով թիմին կրկնակի հաղթանակի (հաղթանակներ առաջնությունում և Սերբիայի ու Չեռնոգորիայի գավաթում 2004 թվական)։

2004 թվականի հուլիսին Վիդիչը տեղափոխեց ռուսական Պրեմիեր լիգայի «Սպարտակ» ակումբ[4][9]։ Տեղափոխության արժեքը չհրապարակվեց, սակայն ըստ որոշ աղբյուրների Վիդիչը դարձավ ամենաթանկ պաշտպանը Ռուսական Պրեմիեր լիգայի պատմության մեջ[10]։

«Մանչեսթեր Յունայթեդ»

[խմբագրել | խմբագրել կոդը]

Մոսկովյան «Սպարտակում» 2 մրցաշրջան անցկացնելուց հետո Վիդիչը տեղափոխվեց անգլիական Պրեմիեր լիգայի «Մանչեսթեր Յունայթեդ» ակումբ։ «Յունայթեդը» տաղանդավոր սերբ պաշտպանի հանդեպ հետաքրքրություն ցուցաբերել էր դեռևս 2003 թվականի ամռանը[11], բայց տեղափոխությունը կայացավ միայն երկուս ու կես տարի անց՝ 2006 թվականի հունվարի 5-ին։ Գործարքի արժեքը կազմում էր 7 միլիոն ֆունտ[12]։ Նոր ակումբում ստանալով «15» համարի մարզաշապիկը՝ Վիդիչն առաջին անգամ խաղաց «Յունայթեդի» կազմում 2006 թվականի հունվարի 25-ին Լիգայի գավաթի պատասխան կիսաեզրափակիչ հանդիպմանը՝ ընդդեմ «Բլեքբեռն Ռովերսի»՝ փոխարինելով Ռուդ վան Նիստելռոյին խաղի վերջին րոպեներին։ Յունայթեդը հաղթանակ տարավ 2-1 հաշվով[13][14]։

2006/07 մրցաշրջանում Վիդիչը հաստատուն կերպով տեղ նվաճեց հիմնական կազմում, կենտրոնում ամուր հանգույց կազմելով Ռիո Ֆերդինանդի հետ, ով հետագայում դարձավ անգլիական ֆուտբոլի ուժեղագույններից մեկը[9][15][16]։ 2006/07 մրցաշրջանում «Մանչեսթեր Յունայթեդի» կազմում Պրեմիեր լիգայում անցկացրեց 25 հանդիպում և ակումբի հետ նվաճեց չեմպիոնական մեդալներ[17][18]։

«Յունայթեդի» կազմում առաջին գոլը Վիդիչը խփեց 2006 թվականի հոկտեմբերի 14-ին «Ուիգանի» դեմ խաղում, որը «կարմիր սատանաները» հաղթեցին 3-1 հաշվով[19]։ Նոյեմբերի 4-ին Վիդիչը կրկին աչքի ընկավ գոլով, այս անգամ արդեն «Պորտսմուտի» դարպասին։ Դա Վիդիչի առաջին գոլն էր «Օլդ Թրաֆորդում»։ Հանդիպումն ավարտվեց 3-0 հաշվով[20]։ Չեմպիոնների լիգայում «Մանչեսթեր Յունայթեդի» կազմում առաջին գոլը Նեմանյան խփեց դեկտեմբերի 6-ին «Բենֆիկայի» դեմ խմբային խաղում, այդ հանդիպումը լոնդոնյան ակումբը հաղթեց 3-1 հաշվով[21]։

Երկար ժամանակ Վիդիչը համարվում էր անգլիական Պրեմիեր լիգայի և Եվրոպայի լավագույն պաշտպաններից մեկը[15][22]։ Վիդան, ինչպես անվանում էին նրան թիմակիցները[23][24], առանձնանում էր բացառիկ ֆիզիկական տվյալներով՝ կարողանալով խաղալ գլխով պաշտպանությունում, նաև հարձակման գծում ստանդարտ իրադրություններում, ինչպես և իր անվեհերությամբ[23][25][26][27][28][29]։ Այդ կարողությունների շնորհիվ Նեմանյան մեծ սեր և պաշտամունք ձեռք բերեց «Յունայթեդի» երկրպագուների շրջանում[25][30][31][32] և խաղային որակների նմանության համար հաճախ էր համեմատվում «Մանչեսթեր Յունայթեդի» նախկին պաշտպան Սթիվ Բրյուսի հետ[23][33]։

2007 թվականին Նեմանյան նոր պայմանագիր կնքեց ակումբի հետ՝ երկարաձգելով այն մինչև 2012 թվականը[34]։ 2007/08 մրցաշրջանում Վիդիչը կրկին դարձավ Անգլիայի չեմպիոն[35]։ Սերբ պաշտպանը թիմի կազմում էր 2008 թվականին Չեմպիոնների լիգայի եզրափակչում հաղթելով լոնդոնյան «Չելսիին»[36]։ Եվրոպական չեմպիոնների գավաթը դարձավ Վիդիչի առաջին եվրոպական գավաթը։ 2007/08 մրցաշրջանում Վիդիչն անցկացրեց 32 խաղ առաջնության ընթացքում և խփեց մեկ գոլ[37]։ 2010 թվականի օգոստոսին Նեմանյան նոր պայմանագիր կնքեց մանչեսթերյան ակումբի հետ՝ ժամկետը երկարաձգելով մինչև 2014 թվականի հունիս[38]։

2010 թվականի սեպտեմբերին Վիդիչը նշանակվեց ժամանակավոր, իսկ 2011 թվականի փետրվարին (Գարի Նևիլի կարիերայի ավարտից հետո) «Մանչեսթեր Յունայթեդի» մշտական ավագ[39][40]։ 2010/11 մրցաշրջանում ճանաչվեց Պրեմիեր լիգայի լավագույն ֆուտբոլիստ[41]։ 2011 թվականի դեկտեմբերին «Բազելի» դեմ խաղում Վիդիչն ստացավ ծնկի ջլի վնասվածք և շարքից դուրս եկավ կես տարով[42]։ Ֆուտբոլիստը վերադարձավ դաշտ 2012 թվականի օգոստոսին, սակայն 2 ամիս կրկին չխաղաց աջ ոտքի ծնկի մակակորության վիրահատության պատճառով[43]։ Կրկին վերադարձավ դաշտ 2011-ի դեկտեմբերին և անցկացրեց իր 250-րդ խաղը «կարմիր սատանաների» մարզաշապիկով[44]։ 2014 թվականի փետրվարին հայտնի դարձավ, որ ակումբն ու ֆուտբոլիստը որոշել են չերկարաձգել պայմանագիրը[45]։

«Ինտեր» (Միլան)

[խմբագրել | խմբագրել կոդը]

2014 թվականի մարտի 5-ին Նեմանյան Վիդիչը պայմանագիր կնքեց իտալական «Ինտեր» ակումբի հետ[46]։ Մրցաշրջանի սկզբին Վիդիչն «Ինտերի» մեկնարկային կազմի խաղացող էր, սակայն Ռոբերտո Մանչինիի՝ մարզիչ նշանակվելուց հետո կորցրեց տեղը հիմնական կազմում։ Չնայած դրան՝ 2015 թվականի հունվարի 11-ին Նեմանյան խփեց իր առաջին գոլը «սև-երկնագույնների» կազմում՝ նվաճելով «Ջենոայի» դարպասը։ 2015/16 մրցաշրջանում Վիդիչը ոչ մի խաղի չմասնակցեց և 2016 թվականի հունվարի 19-ին լուծարեց պայմանագիրն ակումբի հետ[47]։

2016 թվականի հունվարի 29-ին Վիդիչը հայտարարեց գործունեության ավարտի մասին[48]։

Հավաքականի կազմում

[խմբագրել | խմբագրել կոդը]

Վիդիչը Հարավսլավիայի երիտասարդական հավաքականի կազմում առաջին անգամ խաղացել է 2002 թվականի հոկտեմբերի 12-ին Անգլիայի երիտասարդական հավաքականի դեմ խաղում (մինչև 21 տարեկան)[4][49]։ Նեմանյան Սերբիայի և Չեռնոգորիայի հավաքականի «հայտնի քառյակի» անդամներից մեկն էր[50] Մլադեն Կրստաիչի, Իվիցա Դրագուտինովիչի և Գորան Գավրանչիչի հետ միասին, որոնք 2006 թվականի աշխարհի առաջնության ընտրական փուլի 10 խաղում ընդամենը 1 գոլ էին բաց թողել՝ ռեկորդ սահմանելով ընդունած գոլերի նվազագույն քանակով։ Վիդիչը մեծ դեր է խաղացել ընտրական փուլի Բոսնիայի և Հերցեգովինայի դեմ հանդիպման ժամանակ։ Սերբիա և Չեռնոգորիան հաղթեց 1-0 հաշվով և ապահովեց իր մասնակցությունն աշխարհի առաջնությանը՝ չնայած հանդիպման ավարտից 5 րոպե առաջ Վիդիչն ստացավ կարմիր քարտ[4]։ Նեմանյան բաց թողեց Սերբիա և Չեռնոգորիայի առաջին խաղն առաջնության ժամանակ ընդդեմ Նիդերլանդների հավաքականի ընտրական փուլում կարմիր քարտի պատճառով[51], իսկ 2006 թվականի հունիսի 12-ին սերբը մարզումների ժամանակ ձախ ծնկի վնասվածք ստացավ, որի արդյունքում բաց թողեց 2006 թվականի աշխարհի առաջնության մնացած բոլոր հանդիպումները[52]։

Առաջնության ավարտից հետո Վիդիչը շարունակեց խաղալ ազգային հավաքականի կազմում, այդ ժամանակ արդեն՝ Սերբիայի անկախ հանրապետության։ Հոկտեմբերի 11-ին, այն բանից հետո, երբ նրա հավաքականը ոչ-ոքի խաղաց Սլովենիայի հետ, դուրս մնաց Եվրոպայի առաջնության մրցաշարից, իսկ Վիդիչը, որն այդ խաղում չիրացրեց 11 մետրանոցը, որոշեց ավարտել կարիերան ազգային հավաքականի կազմում[53]։

Գոլեր հավաքականի կազմում

[խմբագրել | խմբագրել կոդը]
# Ամսաթիվ Մարզադաշտ Մրցակից Հաշիվ Խաղի արդյունք Մրցաշար
1 2005 օգոստոսի 15 Դինամո, Կիև, Ուկրաինա  Լեհաստան 3:2 3:2 Վալերի Լոբանովսկու հուշամրցաշար
2 2006 նոյեմբերի 15 Ցրվենա Զվեզդա, Բելգրադ, Սերբիա {{{2}}} Նորվեգիա 1:0 1:1 Ընկերական խաղ

Անձնական կյանք

[խմբագրել | խմբագրել կոդը]

2006 թվականի հուլիսի 17-ին Վիդիչն ամուսնացավ Բելգրադի համալսարանի տնտեսագիտության ֆակուլտետի ուսանող Անա Իվանովիչի հետ (չշփոթել համանուն սերբ թենիսիստուհու հետ)։ Զույգն ունի երեք որդի՝ Լուկան, Ստեֆանը և Պետարը[54][55]։

Նվաճումներ

[խմբագրել | խմբագրել կոդը]

Հավաքականի կազմում

[խմբագրել | խմբագրել կոդը]

Սերբիա և Չեռնոգորիա Ցրվենա Զվեզդա

  • Սերբիա և Չեռնոգորիայի առաջին լիգայի չեմպիոն, 2004
  • Ֆուտբոլի Հարավսլավիայի գավաթակիր, 2002
  • Ֆուտբոլի Սերբիա և Չեռնոգորիայի գավաթակիր, 2004
  • Ընդհանուր՝ 3 տիտղոս

Ռուսաստան Սպարտակ

  • Ռուսաստանի առաջնության արծաթե մեդալակիր, 2005

Անգլիա Մանչեսթեր Յունայթեդ

  • Անգլիայի Պրեմիեր լիգայի չեմպիոն (5), 2006/07, 2007/08, 2008/09, 2010/11, 2012/13
  • Ֆուտբոլային լիգայի գավաթակիր (3), 2006, 2009, 2010
  • ՈւԵՖԱ Չեմպիոնների լիգայի գավաթակիր, 2008
  • Անգլիայի սուպերգավաթի մրցանակակիր (5), 2007, 2008, 2010, 2011, 2013
  • Աշխարհի ակումբային մրցաշարի չեմպիոն, 2008
  • Ընդհանուր՝ 15 տիտղոս

Անձնական

[խմբագրել | խմբագրել կոդը]
  • Սերբիայի տարվա ֆուտբոլիստ(2), 2005, 2008
  • Պրեմիեր լիգայի մրցաշրջանի խաղացող (2), 2008/09, 2010/11
  • Պրեմիեր լիգայի ամսվա խաղացող, 2009 հունվար
  • Ներառվել է ՊՖԱ վարկածով «տարվա հավաքականի» կազմում (4), 2006/07, 2007/08, 2008/09, 2010/11
  • Ներառվել է FIFPro վարկածով «տարվա հավաքականի» կազմում (2), 2009, 2011
  • Սըր Մեթ Բասբիի անվան տարվա լավագույն խաղացող, 2009

Կարիերայի վիճակագրություն

[խմբագրել | խմբագրել կոդը]
Ակումբային կարիերա
Ակումբ Մրցաշրջան Լիգա Գավաթներ[56] Եվրագավաթներ[57] Այլ[58] Ընդհանուր
Խաղ Գոլեր Խաղ Գոլեր Խաղ Գոլեր Խաղ Գոլեր Խաղ Գոլեր
Հարավսլավիա Սպարտակ (Սուբոտնիցա)
(վարձավճար) 		2000/01 27 6 0 0 - - 0 0 27 6
Ընդհանուր 27 6 0 0 0 0 0 0 27 6
Հարավսլավիա Ցրվենա Զվեզդա 2001/02 22 2 5 0 2 0 0 0 29 2
2002/03 25 5 4 1 6 0 0 0 35 6
2003/04 20 5 5 0 6 3 0 0 31 8
Ընդհանուր 67 12 14 1 14 3 0 0 95 16
Ռուսաստան Սպարտակ (Մոսկվա) 2004 12 2 1 0 0 0 0 0 13 2
2005 27 2 1 0 0 0 0 0 28 2
Ընդհանուր 39 4 2 0 0 0 0 0 41 4
Անգլիա Մանչեսթեր Յունայթեդ 2005/06 11 0 4 0 0 0 0 0 15 0
2006/07 25 3 5 0 8 1 0 0 38 4
2007/08 32 1 3 0 9 0 1 0 45 1
2008/09 34 4 8 0 9 1 4 2 55 7
2009/10 24 1 2 0 7 0 0 0 33 1
2010/11 35 5 2 0 9 0 1 0 47 5
2011/12 6 0 1 0 2 0 1 0 10 0
2012/13 19 1 2 0 2 0 0 0 23 1
2013/14 25 0 2 1 6 1 1 0 34 2
Ընդհանուր 211 15 29 1 52 3 8 2 300 21
Իտալիա Ինտեր Միլան 2014/15 23 1 0 0 5 0 0 0 28 1
2015/16 0 0 0 0 0 0 0 0 0 0
Ընդհանուր 23 1 0 0 5 0 0 0 0 28 1
Ամբողջ կարիերայում 367 38 45 2 71 6 8 2 491 48

Հավաքականի կազմում

[խմբագրել | խմբագրել կոդը]
Հավաքականի կազմում
Սերբիայի ազգային հավաքական
Տարի Փոխանցումներ Գոլեր
2002 3 0
2003 3 0
2004 3 0
2005 9 1
2006 4 1
2007 5 0
2008 9 0
2009 8 0
2010 9 0
2011 3 0
Ընդամենը 56 2

Ծանոթագրություններ

[խմբագրել | խմբագրել կոդը]
  1. ↑ 1,0 1,1 «Խաղացողի անձնագիր. Նեմանյա Վիդիչ» (անգլերեն). Premier League. Արխիվացված է օրիգինալից 2012 թ․ ապրիլի 19-ին. Վերցված է 2013 թ․ հուլիսի 4-ին. {{cite news}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
  2. ↑ 2,0 2,1 Transfermarkt.com(բազմ․) — 2000.
  3. ↑ 3,0 3,1 Արգենտինական ֆուտբոլի տվյալների շտեմարան (իսպ.)
  4. ↑ 4,0 4,1 4,2 4,3 «Նեմանյա Վիդիչի էջ». UEFA.com. Union of European Football Associations. Վերցված է 2008 թվական դեկտեմբերի 29-ին.
  5. ↑ «Rođen za Mančester». Glas javnosti (Serbian). Արխիվացված է օրիգինալից 2013-09-30-ին. Վերցված է 2008 թվական դեկտեմբերի 29-ին.{{cite web}}: CS1 սպաս․ չճանաչված լեզու (link)
  6. ↑ 6,0 6,1 Moreton, Cole (2011 թ․ հուլիսի 30). «'Fergie? Mellowed? I've seen the hairdryer myself a few times': Nemanja Vidic on facing Alex Ferguson in full fury». Daily Mail. Վերցված է 2011 թվական հուլիսի 30-ին.
  7. ↑ VIDIĆ (Nemanja Vidić). Footballdatabase.com.
  8. ↑ Yugoslavia Cup 2001/02. Rec.Sport.Soccer Statistics Foundation.
  9. ↑ 9,0 9,1 Նեմանյա Վիդիչի կենսագրությունը ManUtd.com.
  10. ↑ «Spartak swoop for Vidic». UEFA.com. Union of European Football Associations. 2004 թ․ հուլիսի 5. Արխիվացված է օրիգինալից 2008 թ․ սեպտեմբերի 17-ին. Վերցված է 2008 թվական դեկտեմբերի 29-ին.
  11. ↑ Nada Grkinic. Vidic boosts Man Utd hope. BBC Sport. 04.06.2003.
  12. ↑ «Oliver Kay. United clear to sign Vidic but mystery surrounds fee. Times Online. 28.12.2005». Արխիվացված է օրիգինալից 2005-12-30-ին. Վերցված է 2015-04-18-ին.
  13. ↑ Vidic makes reserves appearance. BBC Sport. 27.01.2006.
  14. ↑ Man Utd 2-1 Blackburn (3-2 agg). BBC Sport. 25.01.2006.(չաշխատող հղում)
  15. ↑ 15,0 15,1 Paul Fletcher. How Man Utd ousted Chelsea. BBC Sport. 06.05.2007.
  16. ↑ Alan Hansen’s column. BBC Sport. 05.06.2007.
  17. ↑ Man Utd season’s appearances and scorers summary. StretfordEnd.co.uk.
  18. ↑ Man Utd secure Premiership title. BBC Sport. 06.05.2007.
  19. ↑ Jonathan Stevenson. Wigan 1-3 Man Utd. BBC Sport. 14.10.2006.
  20. ↑ Paul Fletcher. Man Utd 3-0 Portsmouth. BBC Sport. 14.11.2006.
  21. ↑ Sam Lyon. Man Utd 3-1 Benfica. BBC Sport. 06.12.2006.
  22. ↑ Fergie hails stalwart Vidic. Sky Sports.
  23. ↑ 23,0 23,1 23,2 Vida delight at killer blow. Manutd.com. 15.09.2007.
  24. ↑ Vida wants Pompey fillip. Manutd.com. 12.08.2007.
  25. ↑ 25,0 25,1 Report: Everton 0 United 1. Manutd.com. 15.09.2007.
  26. ↑ «Half-time report - Top of the class. ESPN». Արխիվացված է օրիգինալից 2012-05-26-ին. Վերցված է 2015-04-18-ին.
  27. ↑ «Eurosport.com's 2006 top 10 prospects. Eurosport». Արխիվացված է օրիգինալից 2007 թ․ դեկտեմբերի 15-ին. Վերցված է 2015 թ․ ապրիլի 18-ին.
  28. ↑ Champions League - Champions League team of the year. Eurosport.
  29. ↑ Review: Nemanja Vidic. Manutd.com.
  30. ↑ Vidic on cult status. Manutd.com. 23.01.2007.
  31. ↑ Vidic Loving Life At United. Eurosport.
  32. ↑ Warrior Vidic set goals target. Manutd.com. 21.09.2007.
  33. ↑ Iron men. TimesOnline.co.uk.
  34. ↑ Vidic signs new Man Utd contract. BBC Sport. 08.11.2007.
  35. ↑ Phil McNulty. Phil Wigan 0-2 Man Utd. BBC Sport. 11.05.2008.
  36. ↑ Phil McNulty. Man Utd earn dramatic Euro glory. BBC Sport. 22.05.2008.
  37. ↑ Man Utd season’s appearances and scorers summary. StretfordEnd.co.uk.
  38. ↑ [1] Nemanja Vidic signs four-year contract extension with Manchester United
  39. ↑ Bostock, Adam (2010 թ․ սեպտեմբերի 13). «Neville replaced as Reds skipper» (անգլերեն). ManUtd.com. Արխիվացված օրիգինալից 2013 թ․ մայիսի 20-ին. Վերցված է 2015 թ․ ապրիլի 18-ին.
  40. ↑ «Neville retires» (անգլերեն). ManUtd.com. 2011 թ․ փետրվարի 2. Արխիվացված օրիգինալից 2013 թ․ մայիսի 20-ին. Վերցված է 2015 թ․ ապրիլի 18-ին.
  41. ↑ Видич и Фергюсон - лучшие в премьер-лиге по итогам сезона
  42. ↑ Фергюсон подтвердил, что Видич выбыл до конца сезона
  43. ↑ Капитан "Манчестер Юнайтед" Видич выбыл из строя на два месяца
  44. ↑ Видич записал в свой актив 250-й матч за "Манчестер Юнайтед"
  45. ↑ Видич покинет "Манчестер Юнайтед" по окончании сезона
  46. ↑ Վիդիչը պաշտոնական պայմանագիր է կնքել «Ինտերի» հետ
  47. ↑ Նեմանյա Վիդիչը հեռացավ «Ինտերից»
  48. ↑ Վիդիչն ավարտեց կարիերան
  49. ↑ Wright-Phillips saves England. BBC Sport. 06.09.2002.
  50. ↑ Vidic completes Man Utd transfer. BBC Sport. 05.01.2006.
  51. ↑ Banned Vidic vows to help Serbia. BBC Sport. 06.06.2006.
  52. ↑ Injured Vidic out of tournament. BBC Sport. 13.06.2006.
  53. ↑ «Видич завершил карьеру в сборной». Արխիվացված է օրիգինալից 2011 թ․ հոկտեմբերի 14-ին. Վերցված է 2016 թ․ հուլիսի 3-ին.
  54. ↑ Lawrence, Amy (2006 թ․ նոյեմբերի 26). «Profile: Nemanja Vidic». The Observer. London. Վերցված է 2008 թվական դեկտեմբերի 29-ին.
  55. ↑ «Nemanja Vidić – Biografija». nemanjavidic.com. 2005 թ․ նոյեմբերի 23. Արխիվացված է օրիգինալից 2007 թ․ հունվարի 3-ին. Վերցված է 2008 թվական դեկտեմբերի 29-ին. {{cite web}}: More than one of |archivedate= and |archive-date= specified (օգնություն); More than one of |archiveurl= and |archive-url= specified (օգնություն)
  56. ↑ Հարավսլավիայի գավաթ, Սերբիայի գավաթ, Ռուսաստանի գավաթ, Անգլիայի գավաթ, Անգլիայի ֆուտբոլային լիգայի գավաթ.
  57. ↑ ՈՒԵՖԱ Չեմպիոնների Լիգա, ՈՒԵՖԱ Եվրոպայի Լիգա
  58. ↑ Անգլիայի սուպերգավաթ, Եվրոպայի սուպերգավաթ, Աշխարհի ակումբային առաջնություն.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Նեմանյա Վիդիչ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
ISNI: 0000000115242924 · LCCN: nb2011003756 · VIAF: 168068813 · WorldCat VIAF: 168068813
✯
 Այս հոդվածն ընտրվել է Հայերեն Վիքիպեդիայի օրվա հոդված:
Ստացված է «https://hy.wikipedia.org/w/index.php?title=Նեմանյա_Վիդիչ&oldid=10122164» էջից