Արփեն Մովսեսյան

Արփեն Մովսեսյան;
Ծնվել է	հուլիսի 2, 1950 (73 տարեկան)
Ծննդավայր	Այգեստան, Մարտակերտի շրջան, ԼՂԻՄ, Ադրբեջանական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան (1972)
Մասնագիտություն	հեռուստամեկնաբան և արևելագետ
Աշխատավայր	Հայաստանի Հանրային Հեռուստաընկերություն
Պարգևներ և ; մրցանակներ	Հայաստանի մշակույթի նախարարության ոսկե մեդալ և Հայաստանի Հանրապետության մշակույթի վաստակավոր գործիչ
	Arpen Movsesyan Վիքիպահեստում

Վիքիպեդիայում կան հոդվածներ Մովսեսյան ազգանունով այլ մարդկանց մասին։

Արփեն Բախշիի Մովսեսյան (ծննդյան անունը՝ Սվետիկ, հուլիսի 2, 1950(1950-07-02), Այգեստան, Մարտակերտի շրջան, ԼՂԻՄ, Ադրբեջանական ԽՍՀ, ԽՍՀՄ), հայ հեռուստամեկնաբան, արևելագետ։ ՀՀ մշակույթի վաստակավոր գործիչ (2011)^[1]։

Կենսագրություն[խմբագրել | խմբագրել կոդը]

Արփեն Մովսեսյանը ծնվել է 1950 թվականին, ԼՂԻՄ Մարտակերտի շրջանի Չայլու գյուղում։ 1972 թվականին ավարտել է Երևանի պետական համալսարանը։ 1980 թվականից աշխատել է Հայաստանի պետական հեռուստատեսության «Լրաբեր» վերլուծական ծրագրում, եղել է մշակութային նորությունների (ուղիղ եթեր) մեկնաբան, սեփական թղթակից։ 1998 թվականից վարել է «Շրջադարձ» պատմամշակութային հեղինակային ծրագիրը։ 2007 թվականից վարում է «Հայից հայ» հաղորդաշարը, որի 25֊35 րոպե տևողությամբ հեռուստահաղորդումներորի շրջանակներում անդրադարձել է բազում մեծանուն հայերի՝ Գուրգեն Դալիբալթայան, Գարեգին Նժդեհ, Հմայակ Ավետիսյան, Հովհաննես Թումանյան, Եղիշե Չարենց, Ավետիք Իսահակյան, Դերենիկ Դեմիրճյան, Նար-Դոս, Վահան Տերյան, Արշիլ Գորկի^[2], Ջիվանի, Պերճ Պռոշյան, Հովհաննես Այվազովսկի և այլն։

Արցախյան ազատամարտ[խմբագրել | խմբագրել կոդը]

Ղարաբաղյան պատերազմի տարիներին աչքի է ընկել թեժ կետերից տարբեր ազատագրական և ինքնապաշտպանական մարտերի (մասնավորապես՝ Քելբաջարի և Մարտակերտի) ընթացքը լուսաբանող ռեպորտաժներով, հարցազրույցներով։ Առանձին հաղորդումներ է նվիրել զոհված ազատամարտիկների հիշատակին, հիշատակելի են Սամվել Շահմուրադյանին նվիրված «Մարդու ժամանակը» հեռուստաֆիլմը, «Զինվորները» (Գարիկ Գրիգորյանի հետ համատեղ) հեռուստահաղորդումը։ Հաղորդումներ ունի նվիրված Մոնթե Մելքոնյանին, Մովսես Գորգիսյանին, Վլադիմիր Բալայանին, Սամվել Կարապետյանին, Ժաննա Գալստյանին, Կամո Դանիելյանին և ուրիշների։ Մամուլում տպագրվել են Մովսեսյանի Ղարաբաղյան պատերազմին վերաբերող հոդվածները։ 2011 թվականին «Հայրենի երկրի հանրային, գրական-մշակութային կյանքի, արցախահայության ազգային ազատագրական պայքարի և Լեռնային Ղարաբաղի Հանրապետության կայացման գործընթացի լուսաբանման ասպարեզում ունեցած հրապարակախոսական մեծ վաստակի համար» Արփեն Մովսեսյանը պարգևատրվել է ԼՂՀ Ազգային ժողովի պատվոգրով և ոսկե մեդալով, իսկ Արցախի Անկախության 20-ամյակի առիթով՝ Արցախի նախագահ Բակո Սահակյանը նրան է հանձնել «Երախտագիտություն» մեդալը^[3]։

Տեսաֆիլմեր[խմբագրել | խմբագրել կոդը]

«Մարդու ժամանակը»
«Աթենքյան հանդիպումներ»
«Ստամբուլյան նոթեր»

DVD գրքույկներ 2012-2018 թթ.[խմբագրել | խմբագրել կոդը]

Արփեն Մովսեսյանը հեղինակել է DVD գրքույկներ խտասալիկով, շուրջ 43 (քառասուներեք) անուն, յուրաքանչյուրը 15-20 էջ բովանդակությամբ և կից, մոտ 30 (երեսուն) րոպե տևողությամբ, համապատասխան տեսաֆիլմ։ Անունները ընտրված են Սփյուռքի Նախարարության հայ մեծերի մասին հոբելանական ցանկից։ Տես մի մասի լուսանկաները։

2012

Գառզու (Գառնիկ Զուլումյան)-105
Սայաթ Նովա-300
Հովհաննես Բաղրամյան-115
Գարեգին Հովսեփյանց-145
Հովսեփ Օրբելի-125

2013

Գևորգ Չորեքչյան-145
Վիլյամ Սարոյան-105
Արշակ Չոպանյան-140
Շախմատի հայ հերոսները
Նիկոլ Աղբալյան

2014

Արշիլ Գորկի-110
Գալուստ Գյուլբենկյան-145
Հովհաննես Թումանյան-145
Սիամանթո-135

2015

Համաստեղ-120
Զորավար Անդրանիկ-150
Դանիել Վարուժան-131
Փանոս Թերլեմեզյան-150
Միսիոներ կանայք-Կարեն Եպպե, Աննա Հեդվիգ Բյուլ, Բոդիլ Բյորն, Մարիա Յակոբսեն, Ալմա Յոհանսոն

2016

Սրբուհի Տյուսաբ
Վահե Հայկ-120
Գրիգոր Խանջյան-90
Ավետիս Ահարոնյան-150
Գրիգոր Զոհրապ-155

2017

Ալեքսանդր Մանթաշյանց-175
Տիգրան Չուխաջյան-180
Հովհաննես Այվազովսկի-200
Ռուբեն Մամուլյան-120
Սուրբ Ղազար կղզի, հայ կաթողիկե վանք-300
Վահան Թեքեյան-140

2018

Հակոբ Պարոնյան-175
Զապել Եսայան-140
Միքայել Արամյանց-175
Վահրամ Փափազյան-130
Արամ Մանուկյան
«Առաջին Հանրապետություն -100»

Մրցանակներ[խմբագրել | խմբագրել կոդը]

ՀՀ վարչապետի շնորհակալագիր
ՀՀ մշակույթի նախարարության ոսկե մեդալ^[4]
ԼՂՀ Ազգային ժողովի պատվոգիր^[4]
ՄԱԿ-ի «Մշակութային արժեքների գերակայությունը հաստատողե մրցանակ՝ «Շրջադարձ» պատմամշակութային հեղինակային հաղորդաշարի համար, 2002
Հայաստանի ժուռնալիստների միության «Ոսկե գրիչ» մրցանակ, 2004
Համաշխարհային հայկական կոնգրեսի Ռուսաստանի հայերի և Հայաստանի ժուռնալիստների միության մրցանակ՝ «Հայից հայ» հեղինակային շարքի համար, 2009
«Զորավար Անդրանիկ» ոսկե մեդալ, 2010
Արցախի «Երախտագիտություն» մեդալ, 2011
ՀՀ մշակույթի վաստակավոր գործիչ՝ «Հայից հայ» հաղորդաշարի համարի, Հայկական ռադիոյի հիմնադրման 85-ամյակի և հեռուստատեսության հիմնադրման 55-ամյակի կապակցությամբ, երկարամյա աշխատանքի և ներդրած վաստակի համար, 2011^[1]
«ՀՀ զինված ուժերի 20-տարին» հոբելյանական մեդալ, 2012
«Նարցիս» հանդեսի հատուկ մրցանակ, 2012
«Մայրենիի դեսպան» մեդալ, 2013
2014 թվականի մայիսի 27-ին Հայաստանի ժուռնալիսների միությունը Արփեն Մովսեսյանին շնոհեց «Հավատարիմ մասնագիտությանը» մեդալը։
2016 թվականի ապրիլի 1-ին մայրության և գեղեցկության տոնի կապակցությամբ, արվեստի և մշակույթի բնագավառներում ներդրած նշանակալի ավանդի համար, Արփեն Մովսեսյանը պարգևատրվել է ՀՀ վարչապետի շնորհակալագրով։
2016 թվականի նոյեմբերի 16-ին ՀՀ սփյուռքի նախարարությունը պարգևատրում է Արփեն Մովսեսյանին ՀՀ սփյուռքի նախարարության Ոսկե մեդալով։

Հրապարակումներ մամուլում[խմբագրել | խմբագրել կոդը]

Մամուլի անդրադարձեր

Ազգ 14/09/2010 էջ 6։ Արփեն - Նորայր Ադալյան (գրող)։
Ազգ 31/ 08/2004 էջ 6։ «Յոթնամյա Շրջադարձը» - Վարսիկ Գրիգորյան (թատերագետ)։
Առավոտ 17/01/2004 էջ 6 Գրիչները իսկապես ոսկիացրին Լ. Օհանյան։
Զարուհի։ թիվ 21 հոկտեմբեր, 2004, էջ 3 և 6։ «Այդ բարևը դարձավ կյանքիս, ճակատագրիս շարունակությունը»։
Ազգ 16/16/2017 էջ 9 և 10։ «Փոքր էկրանի բացառիկ ու անբաժան զույգը», Վարսիկ Գրիգորյան։
Հրապարակ 25/12/2013 էջ 1։ «Ինչ հայ, ինչ բան»
Մարմարա (Ստամբուլ)
- 26/01/2009 էջ 1 և 4։
- 12/12/2008 էջ 1 և 2։
- 1/12/2008 էջ 1 և 4։
- 21/11/2008 էջ 1 և 2։
- 5/12/2008 էջ 1 և 2։
Ազդակ 1/11/2010: «Հայից հայ Այփեն Մովսեսյանի հետ», Էլօ Հերկելյան։
TV канал 24/02/2004 էջ 3։ Арпен Мовсесян. Телевидение - это образ жизни, Виктория Пошотян.
Աատ օր (Հունաստան) 7/07/2007 էջ 3 Յունահայ կեանք։
Ազատամարտ, Գրական Թերթ-Ազատ Եղիազարյան և այլ անդրադարձեր։
Ռադիո ԱՅԳ, Դուբայ - «Հայից հայ» հաղորդման բազմաթիվ թողարկումներ տարիներ շարունակ և նաև հիմա։

Ծանոթագրություններ[խմբագրել | խմբագրել կոդը]

↑ ^1,0 ^1,1 Ա. Բ. Մովսեսյանին ՀՀ մշակույթի վաստակավոր գործչի պատվավոր կոչում շնորհելու մասին
↑ Արփեն Մովսեսյան Հայից Հայ - Արշիլ Գորկի - 110
↑ «ԱՐԱՐՈՒՄ Է ՆՈՒՅՆ ՆՎԻՐՈՒՄՈՎ». Հայ զինվոր. Վերցված է 2019 թ․ մարտի 22-ին.
↑ ^4,0 ^4,1 Մեդալներ՝ Արփեն Մովսեսյանին

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։

[decrees-1] 1,0 ^1,1 Ա. Բ. Մովսեսյանին ՀՀ մշակույթի վաստակավոր գործչի պատվավոր կոչում շնորհելու մասին

[2] Արփեն Մովսեսյան Հայից Հայ - Արշիլ Գորկի - 110

[3] «ԱՐԱՐՈՒՄ Է ՆՈՒՅՆ ՆՎԻՐՈՒՄՈՎ». Հայ զինվոր. Վերցված է 2019 թ․ մարտի 22-ին.

[aravot-4] 4,0 ^4,1 Մեդալներ՝ Արփեն Մովսեսյանին

[1]

[2]

[3]

[4]