Սամվել Շահմուրադյան

Վիքիպեդիայից՝ ազատ հանրագիտարանից
Jump to navigation Jump to search
Սամվել Շահմուրադյան
Ծնվել է փետրվարի 25, 1955(1955-02-25)
Ծննդավայր Երևան, Հայկական ԽՍՀ, ԽՍՀՄ
Մահացել է սեպտեմբերի 11, 1992(1992-09-11) (37 տարեկանում)
Մահվան վայր Վաղուհաս, Արցախ
Ազգություն հայ
Կրթություն Երևանի պետական համալսարան
Մասնագիտություն գրող և լրագրող
Պարգևներ և
մրցանակներ
Մարտական խաչ 1-ին աստիճանի շքանշան
Nuvola apps kaboodle.svg Արտաքին տեսաֆայլեր
Nuvola apps kaboodle.svg Ճանաչենք մեր հերոսներին. Սամվել Շահմուրադյան

Սամվել Սարգսի Շահմուրադյան (փետրվարի 25, 1955, Երևանսեպտեմբերի 11, 1992, գ. Վաղուհաս (ԼՂՀ Մարտակերտի շրջան), թաղված է Երևանում), հասարակական-քաղաքական գործիչ, գրող, լրագրող, Արցախյան պատերազմի մասնակից։

Կենսագրություն[խմբագրել | խմբագրել կոդը]

Սամվել Շահմուրադյանը ծնվել է Երևանում: 1980 թվականին ավարտել է Երևանի պետական համալսարանը: 1972–1974 թվականներին ծառայել է ԽՍՀՄ ԶՈՒ-ում։ 1980–1990 թվականներին՝ «Լիտերատուրնայա Արմենիա» (ռուսական) ամսագրի գրական աշխատող։ 1990– 1992 թվականներին՝ ՀՀ ԳԽ լրատվության հանձնաժողովի քարտուղար, «Արցախի կանչ» պատգամավորական խմբի համանախագահ[1]: 1990-1992 թվականներին եղել է Հայաստանի Գերագույն խորհրդի պատգամավոր։

Արցախյան պատերազմ[խմբագրել | խմբագրել կոդը]

Սամվել Շահմուրադյանը Ղարաբաղյան շարժման և պատերազմի տարիներին (1988–1992) մամուլում հրապարակել է Շարժումը լուսաբանող հրապարակախոսական հոդվածներ և ակնարկներ, ՀՀ ԳԽ նստաշրջաններում պաշտպանել արցախահայության արդարացի պահանջը, դատապարտել Սումգայիթի ցեղասպանությունը, իշխանությունների բռնությունները Ադրբեջանի հայաբնակ շրջաններում։ Բազմիցս եղել է մարտական գործողությունների թեժ կետերում։ «Արծիվ-մահապարտների» կազմում մասնակցել է Մարտակերտի շրջանի բնակավայրերի ազատագրական մարտերին, որտեղ և զոհվել է[2]:

Պարգևներ և շքանշաններ[խմբագրել | խմբագրել կոդը]

  1. Մխիթար Գոշ շքանշան, ԼՂՀ նախագահ 2003 թ.
  2. Վազգեն Սարգսյան շքանշան, Արծիվ Մահապարտների Միություն 2007 թ.
  3. Հայաստանի Երկրապահ Հուշամեդալ, ԵԿՄ 2007 թ.
  4. ՀՀ Ժուռնալիստների Միության մրցանակ «Ոսկե Գրիչ»
  5. Մարտական Խաչ 1-ին Աստիճանի Շքանշան, ՀՀ Նախագահ 1996 թ.
  6. Արիության Մեդալ, ԼՂՀ նախագահ 2014 թ.

Ստեղծագործություններ[խմբագրել | խմբագրել կոդը]

2005 թ. մարտի 1-ին Հայաստանի գրողների տանը տեղի ունեցավ գրող, լրագրող, հրապարակագիր, Արցախյան պատերազմի հերոս նահատակ Սամվել Շահմուրադյանի «Մեր քաղցր հողըե հոդվածների և Էսսեների ծողովածուի շնորհանդեսը: Սամվել Շահմուրադյանը հեղինակել է «Սումգայիթյան ողբերգություն ականատեսների վկայությամբ» գիրքը, որը լույս է տեսել ռուսերեն, անգլերեն, ֆրանսերեն և իտալերեն լեզուներով։

Ծանոթագրություններ[խմբագրել | խմբագրել կոդը]

  1. «ՀԱՅԿԱԿԱՆ ՀԱՆՐԱԳԻՏԱՐԱՆ» հրատարակչություն
  2. Սամվել Շահմուրադյան

Արտաքին հղումներ[խմբագրել | խմբագրել կոդը]