Օռնելա Մուտի

Վիքիպեդիայից՝ ազատ հանրագիտարանից
Jump to navigation Jump to search
Օռնելա Մուտի
իտալ.՝ Ornella Muti
Ornella Muti.jpg
Ծնվել էմարտի 9, 1955(1955-03-09)[1][2][3][4][5][6] (64 տարեկան)
ԾննդավայրՀռոմ, Իտալիա[1]
ՔաղաքացիությունFlag of Italy.svg Իտալիա
Կրոնկաթոլիկություն
Մասնագիտությունդերասանուհի, կինոդերասանուհի և մոդել
Ամուսին(ներ)Alessio Orano?
Երեխա(ներ)Naike Rivelli?
Պարգևներ և մրցանակներTarga d'Oro և «Իտալական Հանրապետությանը մատուցած ծառայությունների համար» շքանշան

Օռնելա Մուտի (իտալ.՝ Ornella Muti, ծնված որպես՝ Ֆրանչեսկա Ռոմանա Ռիվելլի, մարտի 9, 1955(1955-03-09)[1][2][3][4][5][6], Հռոմ, Իտալիա[1]), իտալացի դերասանուհի։

Կենսագրություն[խմբագրել | խմբագրել կոդը]

Ծնվել է Հռոմում։ Հայրը եղել է Նեապոլից, իսկ մայրը՝ Ռուսաստանից։ Մուտիի մայրական տատն ու պապը գաղթել են Լենինգրադից (այժմ՝ Սանկտ Պետերբուրգ)։ Ունի ավագ քույր՝ Կլաուդիա անունով (ծնվ.՝ 1951 թ.)։

15 տարեկանից աշխատում է որպես կինոդերասանուհի. 1970 թ. նկարահանվել է «Ամենագեղեցիկ կինը» ֆիլմում։ Հիմնականում աշխատել է իտալական կինոյում, սակայն 1980 թ. առաջին անգամ նկարահանվել է անգլալեզու «Ֆլեշ Գորդոն» ֆիլմում՝ կատարելով Աուրա իշխանուհու դերը։ ԽՍՀՄ-ում մեծ համբավ է վայելել հատկապես «Անսանձի սանձահարումը» (1980 թ.) կատակերգության շնորհիվ, որտեղ իր զուգընկերն էր Ադրիանո Չելենտանոն: 1984 թ. նկարահանվել է Ալեն Դելոնի հետ՝ գերմանացի նշանավոր կինոռեժիսոր Ֆոլկեր Շլյոնդորֆի «Սվանի սերը» (ըստ Մարսել Պրուստի ստեղծագործության) Ֆիլմում։ Նաև նկարահանվել է ԱՄՆ-ում՝ «Օսկար» (1991 թ.) և «Մի հանցագործություն է լինում, չի լինում» (1992 թ.) ֆիլմերում։ Նաև նկարահանվել է հեռուստաֆիլմերում և գովազդային հոլովակներում։

1994 թ. «Class» պարբերականի քվեարկությամբ հռչակվել է «Աշխարհի ամենագեղեցիկ կինը»:

2008 թ. Մուտին նախաձեռնել է իր անունով ոսկերչական արտադրություն[7], խանութներ է բացել Փարիզում, Միլանում, Հռոմում, Ռիգայում, Մոսկվայում և Ալմաթիում։

2015 թ-ին Երևանում Օռնելա Մուտին եղել է «Ոսկե ծիրան» միջազգային կինոփառատոնի պատվավոր հյուրը[8]:

Անձնական կյանքը[խմբագրել | խմբագրել կոդը]

Մուտին ամուսնացած է եղել երկու անգամ։ Առաջին ամուսինն էր (1975-1981 թթ.) Ալեսիո Օռանոն, ում հետ աշխատել էր իր առաջին՝ «Ամենագեղեցիկ կինը» ֆիլմում։ Երկրորդ ամուսինն էր (1988-1996 թթ.) Ֆեդերիկո Ֆակինետին։

Մուտին ունի երեք զավակ. Նաիկե Ռիվելի (ծնվ. 1974 թ.), նորաձևության մոդել, երգչուհի և դերասանուհի, ում հայրն է իսպանացի կինոպրոդյուսեր Խոսե Լուիս Բերմուդես դե Կաստրո Ակասոն, ինչպես նաև երկու զավակ երկրորդ ամուսնությունից՝ Անդրեա (որդի) և Կարոլինա։

2008 թ. իր կյանքի ընկերն է Ֆաբրիս Կերհերվեն[9][10]:

2015 թ. Իտալիայում դատարանի վճռով դատապարտվել է ութ ամսվա ազատազրկման կամ 30 հազար եվրոյի տուգանքի բժշկական տեղեկանք կեղծելու համար, քանի որ հիվանդության պատրվակով 2010 թ. խուսափել էր թատերական ներկայացումից, սակայն նույն օրը ներկա էր եղել բարեգործական ընթրիքի Սանկտ Պետերբուրգում՝ Ռուսաստանի Դաշնության վարչապետ Վլադիմիրի Պուտինի և բազմաթիվ այլ հանրահռչակ անձանց մասնակցությամբ[11]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]