ՏիկՏոկ

Վիքիպեդիայից՝ ազատ հանրագիտարանից
Տեսակ սոցիալական ցանց և վիդեոհոսթինգի ծառայություն Նախագծումը՝ ByteDance? ՕՀ iOS և Անդրոիդ Առկա է բազմալեզու[1] և անգլերեն Լույս տեսավ՝ սեպտեմբեր 2016 Արտոնագիր proprietary software license? Հիմք են ծառայել Douyin? Կայք tiktok.com
TikTok
Տեսակ սոցիալական ցանց և վիդեոհոսթինգի ծառայություն
Նախագծումը՝ ByteDance?
ՕՀ iOS և Անդրոիդ
Առկա է բազմալեզու և անգլերեն
Լույս տեսավ՝ սեպտեմբեր 2016
Արտոնագիր proprietary software license?
Հիմք են ծառայել Douyin?
Կայք tiktok.com

ՏիկՏոկ (անգլ.՝ TikTok) հին անվանումը՝ Մյուզիքլի (անգլ.՝ musical.ly), սոցիալական ցանց, որը թույլ է տալիս ստեղծել կարճ երաժշտական տեսահոլովակներ, ուղիղ եթերներ և հաղորդագրություններ փոխանակել։ Այն պատկանում է Պեկինյան ByteDance ընկերությանը։

Չինաստանում այն հայտնի է որպես «Douyin» (չինարեն՝ 抖音, pinyin Dǒuyīn): TikTok-ը և Douyin-ը ըստ էության նույն կիրառությունն են, բայց դրանք գործում են առանձին սերվերների վրա՝ ենթարկվելով Չինաստանի գրաքննության սահմանափակումներին։ ՏիկՏոկը գրասենյակներ ունի Լոս Անջելեսում, Նյու Յորքում, Լոնդոնում, Փարիզում, Բեռլինում, Դուբայում, Մումբայում, Ջակարտայում, Սեուլում և Տոկիոյում։

Այս պահին հավելվածը հասել է ավելի քան 1 միլիարդ օգտագործողի 150 երկրներից։ Չինաստանում, որտեղ հավելվածն ամենատարածվածն է, օգտագործողների 60%-ը գտնվում են 25-44 տարիքային խմբում, իսկ Չինաստանից դուրս՝ օգտագործողների 43%-ը 24-ից բարձր տարիքի են։ 2019-ի վերջին, միջին հաշվով, ամեն ամիս ռուս օգտվողները դիտում էին 16,25 միլիարդ և տեղադրում 20,83 միլիոն տեսանյութեր. 23 միլիոնը տարածել և հավանել է 1,62 միլիարդ տեսանյութ։

Հիմնական առանձնահատկություններ[խմբագրել | խմբագրել կոդը]

TikTok բջջային հավելվածը հնարավորություն է տալիս օգտվողներին ստեղծել իրենց համար կարճ տեսանյութեր, որոնք հաճախ ֆոնային երաժշտություն են պարունակում, որոնք հնարավոր է արագացնել, դանդաղեցնել կամ խմբագրել զտիչով։ Ծրագրի հետ երաժշտական տեսահոլովակ ստեղծելու համար օգտվողները կարող են երաժշտություն բաժնից ընտրել ֆոնային երաժշտություն, զտել խմբագրումը և 15 վայրկյան տևողությամբ կարգավորվող տեսանյութ զտել և բեռնելուց առաջ՝ TikTok-ում կամ այլ սոցիալական հարթակներում ուրիշների հետ կիսել։ Նրանք կարող են նաև նկարահանել սիրված երգի համաժամացման կարճ տեսահոլովակներ։

«Արձագանք»՝ ռեժիմներից մեկը. Թույլ է տալիս օգտվողներին արձանագրել մեկ այլ տեսանյութին՝ ստեղծելով վիրտուալ էկրան։ Մեկ այլ ռեժիմ՝ «դուետ», թույլ է տալիս օգտվողներին հորիզոնական կերպով կարել երկու տեսանյութ՝ հատկություն, որը կար նաև Musical.ly-ում։

Հավելվածը օգտվողներին թույլ է տալիս իրենց հաշիվը դարձնել «մասնավոր»։ Նման հաշիվներում TikTok-ում վերբեռնված տեսանյութերը կարող են դիտվել միայն այն անձանց ցուցակի միջոցով, որոնց հաշվի սեփականատիրոջ կողմից թույլատրված է դիտել տեսանյութը, իսկ մնացածները դրանք չեն տեսնում։ Օգտագործողները հնարավորություն ունեն ընտրելու՝ արդյոք բոլոր օգտվողները կամ միայն նրանց «ընկերները» կարող են իրենց հետ փոխազդել հավելվածի մեկնաբանությունների, հաղորդագրությունների կամ տեսանյութերի միջոցով «արձագանքման» կամ «դուետի» ռեժիմում։ Օգտագործողները կարող են նաև սահմանել, որ անհատական տեսանյութը լինի «հանրային», «միայն ընկերների համար» կամ «մասնավոր»՝ անկախ նրանից, որ հաշիվը «մասնավոր է»։

TikTok-ի «Առաջարկություններ» էջը օգտվողների համար առաջարկվող տեսանյութերի հոսք է՝ հիմնված նրանց նախորդ գործողությունների և հավանումների վրա։ TikTok-ի քաղաքականությանը համապատասխան, տեսանյութերը ներառվում են «առաջարկություններում» միայն այն դեպքում, եթե դրանց հեղինակները 16 տարեկան են։ 16 տարեկանից ցածր օգտվողները չեն հայտնվի «առաջարկի» էջում, հնչյունների ներքո կամ որևէ հեշթեգերի տակ։

Օգտագործողները կարող են նաև ավելացնել իրենց տեսանյութերի, հեշթեգերի, ֆիլտրերի և հնչյունների իրենց «պահված» բաժինը։ Այս բաժինը օգտվողին տեսանելի է միայն իր պրոֆիլում՝ թույլ տալով նրան վերադառնալ ցանկացած տեսանյութ, հեշթեգ, զտիչ կամ ձայն, որոնք նախկինում պահպանել է։

TikTok-ը օգտագործում է արհեստական բանականություն՝ վերլուծելու համար օգտագործողների հետաքրքրություններն ու նախասիրությունները՝ բովանդակության հետ նրանց փոխազդեցության միջոցով և յուրաքանչյուր օգտագործողի համար ցուցաբերելով անհատականացված բովանդակության հոսք։

Քննադատություն և գրաքննություն[խմբագրել | խմբագրել կոդը]

TikTok-ում անպարկեշտ բառապաշարով երաժշտական հետքերով շատ տեսահոլովակներ կան։

Ծառայությունը թույլ բովանդակության չափավորություն ունի։ Նշվել են մանկապիղծների կողմից երեխաների հետ կապ հաստատելու փորձերը, տեսախցիկով ինքնավնասելը, չափազանց բացահայտ տեսանյութերը։ Ծրագրում տեսանյութ տեղադրելը կարող է հանգեցնել կիբեռհետապնդման։

Ընկերությունը մեղադրվում է Չինաստանի իշխանությունների հետ համագործակցության մեջ։

2020-ի առաջին կեսին TikTok-ը, համաձայն իր սեփական թափանցիկության զեկույցի, տարբեր երկրների կառավարությունների խնդրանքով հեռացրեց 711 բովանդակություն՝ Ռուսաստանի (296 ջնջված տեսանյութ) և Հնդկաստանի (225, սոցիալական ցանցը հուլիսին արգելվեց)։ Ընկերությունը չի բացահայտում հարցումների մանրամասն վիճակագրությունը. Հայտնի չէ, թե որ օրենքներին են դիմել ՌԴ իշխանությունները՝ պահանջելով հեռացնել տեսանյութերը։ Բրիտանական խորհրդարանի թվային զարգացման և մշակույթի հանձնաժողովում լսումների ժամանակ TikTok–ի Եվրոպայում կառավարության հարաբերությունների և հասարակական քաղաքականության հարցերով տնօրեն Տաո Բերտրամը խոստովանեց, որ իշխանությունների պահանջով արգելափակել է Ռուսաստանում ԼԳԲՏ բովանդակությունը։

2020 թվականի օգոստոսին ԱՄՆ նախագահ Դոնալդ Թրամփը սպառնացել է փակել TikTok-ի ԱՄՆ-ի բոլոր գործունեությունը, քանի որ հավելվածը դիտել է որպես ազգային անվտանգության սպառնալիք։

Հայաստանում Tiktok-ը չի գործել 44-օրյա պատերազմի որոշ ժամանակահատվածում, որպեսզի կասեցվի ադրբեջանական ապատեղեկատվության տարածումը[1]։

Պատմություն[խմբագրել | խմբագրել կոդը]

Էվոլյուցիա[խմբագրել | խմբագրել կոդը]

«Douyin» սոցիալական ցանցը գործարկվել է 2016 թվականի սեպտեմբերին չինական «ByteDance» ընկերության կողմից[2]։ Ավելի ուշ թողարկվել է այս հավելվածի պատճենը «TikTok» անունով՝ միջազգային շուկայի համար[3]։ Դա ընկերությանը թույլ է տվել համընդհանուր զարգանալ՝ չխախտելով երկրի օրենքները[4]։«Douyin»-ը գործածվել է «ByteDance»-ի կողմից Չինաստանում 2016 թվականի սեպտեմբերին[5]։ «Douyin»-ը 200 օրվա ընթացքում մշակվել է և մեկ տարվա ընթացքում 100 միլիոն մարդ օգտվել է և օրական դիտվել է 1 միլիարդ տեսանյութ[6][7][8]։ ՏիկՏոկը մտավ միջազգային շուկա 2017 թվականի սեպտեմբերին։ ՏիկՏոկը 2018 թվականի հունվարին 23-ի դրությամբ անվճար բջջային հավելվածների շարքում Թայլանդում և այլ երկրներում զբաղեցրեց առաջին տեղը[9]։

Ըստ Sensor Tower հետազոտական ֆիրմայի տվյալների ՏիկՏոկը ներբեռնվել է 80 միլիոն անգամ Միացյալ Նահանգներում, և 800 միլիոն անգամ ամբողջ աշխարհում, բացառությամբ Չինաստանում անդրոիդից օգտվողներին[10]։ Աստղերը, ներառյալ Ջիմի Ֆելոնը և Թոնի Հոքը, միացել են ծրագրին 2018 թվականի նոյեմբերին[11][12]։

2019 թվականի սեպտեմբերի 3-ին ՏիկՏոկը և Ֆուտբոլի Ազգային Լիգան հյատարարեցին բազմամյա համագործակցության մասին։ Համագործակցությունը ներառում է Ֆուտբոլի Ազգային Լիգայի պաշտոնական հաշվի գործարկումը, որը ամբողջ աշխարհի Ֆուտբոլի Ազգային Լիգայի երկրպագուներին բերում է ՏիկՏոկ[13]։

2017 թվականի նոյեմբերի 9-ին «ByteDance»-ը ձեռք է բերել «musical․ly» սոցիալական ցանցը։ 2018 թվականի օգոստոսի 2-ին միավորել են «TikTok»-ի հետ[14]։

musical.ly-ի միավորում[խմբագրել | խմբագրել կոդը]

2017 թվականի նոյեմբերի 9-ին ՏիկՏոկի մայր ընկերությունը՝ «ByteDance»-ը ծախսել է 1 միլիարդ դոլար musical.ly ծրագիրը ձեռք բերելու համար, որը տեղակայված էր Շանհայում, իսկ գրասենյակը գտնվում էր Սանտա Մոնիկայում, Կալիֆոռնիա։ Այն ուներ հանրահայտ սոցիալական ցանցային հարթակ, որի թիրախային խումբը ամերիկացի պատանիներն էին[15][16][16][17][18]։ Musical.ly-ն սոցիալական ցանց էր, որը օգտվողներին թույլ էր տալի ստեղծել կարճ ֆոնոգրամային և կատակերգական տեսահոլովակներ։ Ծրագրի պաշտոնական թողարկումը տեղի է ունեցել 2014 թվականի Օգոստոսին։

Տարածում այլ շուկաներում[խմբագրել | խմբագրել կոդը]

2018 թվականի դրությամբ ՏիկՏոկը հասանելի էր ավելի քան 150 շուկաներում և 75 լեզուներում[19][20]։ 2018 թվականի առաջին կեսի ընթացքում ՏիկՏոկը ներբեռնվեց App store-ում ավելի քան 104 միլիոն անգամ, համաձայն Sensor Tower-ի տվյալներին։ Այն գերազանցեց Ֆեյսբուքը, Յութուբը և Ինստագրամը դառնալով այդ ժամանակահատվածի iOS-ի ամենաշատ ներբեռնված հավելվածը[21][22]։

Douyin[խմբագրել | խմբագրել կոդը]

Որպես առանձին հավելված ՏիկՏոկից, Դույինը հասանելի է մշակողի կայքից և 2016 թվականից ի վեր պահպանել է նույն անվանումը[23]։ Մասնավորապես ծրագրի հայտնիությունը բացատրվում է մարքեթինգային արշավներով, որոնց շրջանականերում կազմակերպվել են միջոցառումներ չինական աստղերի մասնակցությամբ, որպեսզի հետաքրքրեն նրանց երկրպագուներին։ Օրինակ նրա մարքեթինգային արշավը 2018-ի Գարնանային փառատոնում, որը բերեց ավելի քան 70 միլիոն ամենօրյա ակտիվ օգտվողներ[24]։ 2018 թվականի փետրվարին Douyin-ը սկսեց համագործակցել Modern Sky-ի հետ, երաժշտությունը դրամայնացնելու համար[25]։

Հայտնի տիկտոկերներ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ «Հայաստանում չի գործում ՏիկՏոկը». Արմենպրես.
  2. ↑ «Is Douyin the Right Social Video Platform for Luxury Brands?» (անգլերեն). Jing Daily. 2018 թ․ մարտի 11. Վերցված է 2018 թ․ դեկտեմբերի 28-ին.
  3. ↑ «Tik Tok, a Global Music Video Platform and Social Network, Launches in Indonesia» (ամերիկյան անգլերեն). en.prnasia.com. Վերցված է 2018 թ․ դեկտեմբերի 28-ին.
  4. ↑ Andrey Sergeev (2019 թ․ հունվարի 11). «Первый китайский стартап без инвестиций от Baidu, Tencent или Alibaba: история владельца TikTok — компании ByteDance — Истории на vc.ru». vc.ru. Վերցված է 2019 թ․ հունվարի 12-ին.
  5. ↑ «Is Douyin the Right Social Video Platform for Luxury Brands? | Jing Daily». Jing Daily (ամերիկյան անգլերեն). 2018 թ․ մարտի 11. Վերցված է 2018 թ․ հոկտեմբերի 30-ին.
  6. ↑ Graziani, Thomas (2018 թ․ հուլիսի 30). «How Douyin became China's top short-video App in 500 days». WalktheChat (ամերիկյան անգլերեն). Վերցված է 2019 թ․ հունվարի 3-ին.
  7. ↑ «8 Lessons from the rise of Douyin (Tik Tok) · TechNode». TechNode (ամերիկյան անգլերեն). 2018 թ․ հունիսի 15. Վերցված է 2019 թ․ հունվարի 3-ին.
  8. ↑ «Tik Tok, a Global Music Video Platform and Social Network, Launches in Indonesia» (ամերիկյան անգլերեն). Վերցված է 2018 թ․ հոկտեմբերի 30-ին.
  9. ↑ «Tik Tok, Global Short Video Community launched in Thailand with the latest AI feature, GAGA Dance Machine The very first short video app with a new function based on AI technology». thailand.shafaqna.com. Վերցված է 2018 թ․ մարտի 15-ին.
  10. ↑ Yurieff, Kaya (2018 թ․ նոյեմբերի 21). «TikTok is the latest social network sensation». Cnn.com.
  11. ↑ Alexander, Julia (2018 թ․ նոյեմբերի 15). «TikTok surges past 6M downloads in the US as celebrities join the app». The Verge. Վերցված է 2019 թ․ հունվարի 3-ին.
  12. ↑ Spangler, Todd; Spangler, Todd (2018 թ․ նոյեմբերի 20). «TikTok App Nears 80 Million U.S. Downloads After Phasing Out Musical.ly, Lands Jimmy Fallon as Fan». Variety (անգլերեն). Վերցված է 2019 թ․ հունվարի 3-ին.
  13. ↑ «The NFL joins TikTok in multi-year partnership». TechCrunch (ամերիկյան անգլերեն). Արխիվացված է օրիգինալից 2020 թ․ օգոստոսի 22-ին. Վերցված է 2019 թ․ սեպտեմբերի 5-ին.
  14. ↑ Frolov, Andrey (2018 թ․ օգոստոսի 2). «Владельцы караоке-приложения Musical.ly закрыли проект и перевели пользователей в похожий сервис». vc.ru. Վերցված է 2018 թ․ օգոստոսի 4-ին.
  15. ↑ Lin, Liza; Winkler, Rolfe (2017 թ․ նոյեմբերի 9). «Social-Media App Musical.ly Is Acquired for as Much as $1 Billion» – via www.wsj.com.
  16. ↑ 16,0 16,1 «Social video app Musical.ly acquired for up to $1 billion». Business Insider. Վերցված է 2018 թ․ սեպտեմբերի 5-ին.
  17. ↑ «Musical.ly Is Going Away: Users to Be Shifted to Bytedance's TikTok Video App». www.msn.com. Վերցված է 2018 թ․ օգոստոսի 13-ին.
  18. ↑ Kundu, Kishalaya (2018 թ․ օգոստոսի 2). «Musical.ly App To Be Shut Down, Users Will Be Migrated to TikTok». Beebom (ամերիկյան անգլերեն). Վերցված է 2019 թ․ ապրիլի 30-ին.
  19. ↑ «Chinese video sharing app boost 500 monthly active users». Արխիվացված է օրիգինալից 2018 թ․ հոկտեմբերի 10-ին. Վերցված է 2019 թ․ սեպտեմբերի 28-ին.
  20. ↑ «Why China's Viral Video App Douyin is No Good for Luxury | Jing Daily». Jing Daily. 2018 թ․ հունիսի 13.
  21. ↑ Chen, Qian (2018 թ․ սեպտեմբերի 18). «The biggest trend in Chinese social media is dying, and another has already taken its place». CNBC. Վերցված է 2018 թ․ նոյեմբերի 16-ին.
  22. ↑ «TikTok surpassed Facebook, Instagram, Snapchat & YouTube in downloads last month». TechCrunch (ամերիկյան անգլերեն). Վերցված է 2018 թ․ դեկտեմբերի 10-ին.
  23. ↑ «【抖音短视频】记录美好生活-Douyin.com». www.douyin.com. Վերցված է 2019 թ․ հունվարի 5-ին.
  24. ↑ Li, Wilson (2018 թ․ հունիսի 13). «Tik Tok-The #1 App in China (THE NEXT SNAPCHAT!)». Dragon Social. Արխիվացված է օրիգինալից 2019 թ․ հունիսի 8-ին.
  25. ↑ «Douyin launches partnership with Modern Sky to monetize music». Արխիվացված է օրիգինալից 2018 թ․ մարտի 10-ին. Վերցված է 2018 թ․ մարտի 15-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «ՏիկՏոկ» հոդվածին։
Ֆոտո, վիդեո և աուդիո
Բառարաններ և հանրագիտարաններ
Չափորոշչային վերահսկողություն
LCCN: no2020139790 · LNB: 000324174 · NKC: ph1085074 · SUDOC: 257690085
Ստացված է «https://hy.wikipedia.org/w/index.php?title=ՏիկՏոկ&oldid=9795946» էջից