Տարխոճա

Տարխոճա, գյուղ Արևմտյան Հայաստանում, Էրզրումի վիլայեթի Բասենի գավառակում։ Գյուղն իրենից ներկայացնում էր Տարխոջա Ներքին և Տարխոջա Վերին գյուղերը միասին վերցրած։

Պատմություն

Բնակիչները բռնությամբ տեղահանվել են 1915 թվականին, Մեծ եղեռնի ժամանակ։ Մեծ մասը զոհվել է գաղթի ճանապարհին։ Սակավաթիվ փրկվածներն ապաստանել են տարբեր երկրներում։

Բնակչություն

XIX դարի 70-ական թվականների վերջին ուներ 200 (20 տուն) հայ բնակիչ։

Տնտեսություն

Զբաղվում էին հացահատիկի մշակությամբ, այգեգործությամբ, անասնապահությամբ, արհեստներով։

Պատմամշակութային կառույցներ

Տարխոճան ուներ Սուրբ Աստվածածին անունով եկեղեցի։

Կրթություն

Գյուղն ուներ Տրդատյան հայկական վարժարան, որտեղ սովորում էին 40 աշակերտ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 616)։