Խորասան

Խորասան, գյուղաքաղաք (քաղաք, ավան) Արևմտյան Հայաստանում, Էրզրումի վիլայեթի Բասենի գավառակում։ Գտնվում էր Ստորին Բասենում, Հասանկալա քաղաքից 40 կմ արևելք, Արաքսի ձախ ափին։ Հանդիսանում էր վերջինիս վարչական կենտրոնը։

Պատմություն

Հնում եղել է Այրարատ աշխարհի Ներքին Բասենի իշխանանիստ ավան։

1828-1830 թվականների ռուս թուրքական պատերազմի ժամանակ բնակչությունը գաղթել է Արևելյան Հայաստան։ Գյուղաքաղաքի բնակչության թվաքանակը խիստ նվազել է։ 1915 թվականի Մեծ Եղեռնի ժամանակ հայերը մեծ զոհերի գնով գաղթեցին Արևելյան Հայաստան։

Բնակչություն

1877-1878 թվականներին ուներ 50 տուն թուրք, 3 տուն քուրդ բնակիչ։ 1909 թվականին ուներ 24 տուն հայ բնակիչ, իսկ մնացած բնակչությունը թուրքեր էին։

Գրչություն

1636 թվականին Խորասանում ընդօրինակվել է Ավետարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն