Ջևդեթ Սունայ

Ջևդեթ Սունայ
Կուսակցություն՝	Հանրապետական ժողովրդավարական կուսակցություն
Կրթություն՝	Կուլետի ռազմական լիցեյ
Մասնագիտություն՝	քաղաքական գործիչ և ռազմական գործիչ
Դավանանք	իսլամ
Ծննդյան օր	փետրվարի 10, 1899(1899-02-10)
Ծննդավայր	Տրապիզոն, Օսմանյան կայսրություն
Վախճանի օր	մայիսի 22, 1982(1982-05-22) (83 տարեկան)
Վախճանի վայր	Ստամբուլ, Թուրքիա
Գերեզման	Թուրքական պետական գերեզմանատուն
Թաղված	Թուրքական պետական գերեզմանատուն
Քաղաքացիություն	Թուրքիա
Ամուսին	Atıfet Sunay?
Ինքնագիր
Պարգևներ	և

Ջևդեթ Սունայ (թուրքերեն՝ Cevdet Sunay, փետրվարի 10, 1899(1899-02-10), Տրապիզոն, Օսմանյան կայսրություն - մայիսի 22, 1982(1982-05-22), Ստամբուլ, Թուրքիա), թուրք ռազմական և պետական գործիչ։ Սունայը Թուրքիայի 5-րդ նախագահն է, ով կառավարել է 1966- 1973 թվականներին։

Կենսագրություն

Ավարտել է Ստամբուլի Կուլելի զինվորական ակադեմիան։ Առաջին համաշխարհային պատերազմի տարիներին կռվել է որպես զինվոր Պաղեստինի ռազմաճակատում (1917), իսկ 1918 թվականին Եգիպտոսում գերի է ընկել բրիտանական զորքերին։ Ազատ արձակումից հետո մասնակցել է Թուրքիայի անկախության պատերազմին` սկզբում հարավային, այնուհետև` արևմտյան ռազմաճակատներում։

1929 թվականին ամուսնացել է Աթըֆեթի հետ։ Նրանք ունեցել են երեք երեխա։

1930 թվականին ավարտել է սպայական կազմի համար նախատեսված բարձրագույն զինվորական ակադեմիան։ 1933 թվականին նշանակվել է Գլխավոր շտաբի օպերատիվ կառավարման վարչությունում։ Զբաղեցնելով ղեկավար պաշտոններ` 1949 թվականին նա դարձել է բրիգադի գեներալ, իսկ 1959 թվականին բանակի գեներալի կոչում։ 1960—1966 թվականներին Ջևդեթ Սունեյը եղել է Թուրքիայի ԶՈՒ-ի գլխավոր շտաբի պետ։ 1966- 1973 թվականներին եղել է Թուրքիայի նախագահ, որից հետո ստացել է ցմահ սենատորի պաշտոն, մինչ այդ պաշտոնը չվերացվեց 1980 թվականին տեղի ունեցած պետական հեղաշրջումից հետո։

Ստացել է բազմաթիվ գերատեսչական մեդալներ և կոչումներ, այդ թվում նաև «Պարսկական կայսրության ստեղծման 2500 ամյակին նվիրված հուշամեդալ» (Իրան)։

Ջեվդեթ Սունայը մահացել է 1982 թվականի մայիսի 22-ին Ստամբուլում։ Նրա աճյունը տեղափոխվեց այն ժամանակ նորակառույց Թուրքական պետական գերեզմանատուն, որը գտնվում է Անկարայում։

Աղբյուրներ

http://www.munzinger.de/search/go/document.jsp?id=00000011297

Արտաքին հղումներ

• Ministry of Foreign Affairs, Turkey
• Presidency of Turkey Archived 2015-04-05 at the Wayback Machine.