Ջիգրաշեն (Նինոծմինդայի շրջան)

Ջիգրաշեն
Գյուղ
	Ջիգրաշեն
	վրաց.՝ ჯიგრაშენი
	Կոորդինատներ: 41°19′03″ հս․ լ. 43°32′18″ ավ. ե. / 41.31750° հս․. լ. 43.53833° ավ. ե.
Երկիր	Վրաստան
Մխարե	Սամցխե-Ջավախք
Շրջան	Նինոծմինդայի շրջան
Առաջին հիշատակում	1828-30 թվական
ԲԾՄ	1900 մ
Պաշտոնական լեզու	Հայերեն
Բնակչություն	784 մարդ (2014)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Հեռախոսային կոդ	+995
Պաշտոնական կայք	jigrashen.blogspot.com

Այս հոդվածը Վրաստանի գյուղի մասին է։ Այլ գործածությունների համար այցելեք Ջիգրաշեն (այլ կիրառումներ)։

Ջիգրաշեն (նաև՝ Ջգրաշեն, վրաց.՝ ჯიგრაშენი), հայաբնակ գյուղ Վրաստանի Սամցխե-Ջավախեթի մարզի Նինոծմինդայի շրջանում։ Ջիգրաշեն գյուղը գտնվում է Թափարվան գետի հարավային ափին, շրջկենտրոնից յոթ կիլոմետր հյուսիս-արևմուտք։ Գյուղում կա միջնակարգ հանրակրթական դպրոց որը նախկինում կոչվել է Յուրի Գագարինի անունով, գրադարան, մշակույթի տուն, բուժկետ, մարզադահլիճ, եկեղեցի։ Գյուղը կազմված էր 450 ծխից, բայց ցավոք ներկայումս մնացել է բնակչության 40 տոկոսը։ Գյուղում պահպանվել է 1895 թվականին կառուցված Սուրբ Մինաս եկեղեցին, որը վերանորոգվեց 2010 թ. ներկայումս կոչվում է Սուրբ Հրեշտակապետաց։ Գետի հակառակ ափին գտնվում է Տիկաշեն եկեղեցին, որը կառուցված է մոտավորապես 12-րդ դարում։