Նաթան Ամիրխանյան

Նաթան Ամիրխանյան
Ծնվել է	մարտի 17 (29), 1872 կամ մարտի 30, 1872; Ստամբուլ, Օսմանյան կայսրություն կամ Թիֆլիս, Կովկասի փոխարքայություն, Ռուսական կայսրություն
Երկիր	Օսմանյան կայսրություն և Բուլղարիայի թագավորություն
Մահացել է	հոկտեմբերի 4, 1949 (77 տարեկան); Սոֆիա, Բուլղարիա
Մասնագիտություն	կոմպոզիտոր, խմբավար, երգեհոնահար, երաժշտության ուսուցիչ և դիրիժոր
Գործիքներ	երգեհոն և երգեհոն
Աշխատավայր	Օդեսայի օպերայի և բալետի թատրոն և Բուլղարիայի օպերայի և բալետի ազգային թատրոն
Կրթություն	Սիբելիուս ակադեմիա (1896) և Մյունխենի երաժշտության և թատրոնի բարձրագույն դպրոց

Նաթան Աբրահամի Ամիրխանյան (Կնյազև, մարտի 17 (29), 1872^[1] կամ մարտի 30, 1872(1872-03-30), Ստամբուլ, Օսմանյան կայսրություն^[1] և Թիֆլիս, Կովկասի փոխարքայություն, Ռուսական կայսրություն - հոկտեմբերի 4, 1949(1949-10-04)^[1], Սոֆիա, Բուլղարիա), հայ կոմպոզիտոր, խմբավար, երգեհոնահար, մանկավարժ։ Գրվել է նաև Կնյազև։

Կենսագրություն[խմբագրել | խմբագրել կոդը]

Ծնվել է Կ. Պոլսում, Աբրահամ Ամիրխանյանի ընտանիքում։ Փոքր հասակից տեղափոխվել է Թավրիզ, ապա Թիֆլիս։ Երաժշտական կրթությունը կատարելագործել է Հելսինկիի կոնսերվատորիայում։ 1897 թվականին մեկնել է Մյունխեն, սովորել տեղի երաժշտական ակադեմիայում։ Ուսումն ավարտելուց հետո համերգներ է տվել եվրոպական մի շարք քաղաքներում։ Ապա մեկնել է Օդեսա, որտեղ աշխատել է որպես երգեհոնահար և երաժշտության պրոֆեսոր։ Եղել է Օդեսայի օպերայի փոխդիրիժորը։ Օդեսայից մեկնելով Բաքու, ստեղծել է հայկական երգչախումբ և համերգներ է տվել։ Այնուհետև մեկնել է Բուլղարիա, ծնողների մոտ, նշանակվել Սոֆիայի օպերայի նվագախմբի ղեկավար։

1912 թվականին անցել է ԱՄՆ, Բոստոնում ղեկավարել է 360 հոգուց բաղկացած մի երգչախումբ։ Առաջին համաշխարհային պատերազմի նախօրյակին վերադարձել է Բուլղարիա, ղեկավարել Սոֆիայի օպերայի նվագախումբը։ Այս շրջանում գրել է իր գլուխգործոց «Իվանքո» օպերան բուլղարական պատմական կյանքից վերցրած, որը 1932-1933 թատերաշրջանում մեծ հաջողությամբ բեմադրվել է Սոֆիայի պետական օպերայում։ Ունի տարբեր բնույթի բազմաթիվ ստեղծագործություններ, այդ թվում Խրիստո Բոտևի մի շարք բանաստեղծությունների եղանակավորումը։ Գրել է «Հաջի Դիմիտր» բալետը և մի այլ օպերա «Ռալիցա» վերնագրով, դարձյալ բուլղարական կյանքից^[2]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 ^1,9 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 1. — էջ 322.
↑ Գառնիկ Ստեփանյան (1973)։ Կենսագրական բառարան, հատոր Ա։ Երևան: «Հայաստան»։ էջ 84

Հղումներ[խմբագրել | խմբագրել կոդը]

Հայազգի ջութակահար Նաթան Բեկ Ամիրխանեան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 322)։

[_3e7991d287dbd8f7-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 ^1,9 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — 1974. — հատոր 1. — էջ 322.

[2] Գառնիկ Ստեփանյան (1973)։ Կենսագրական բառարան, հատոր Ա։ Երևան: «Հայաստան»։ էջ 84

[1]

[2]