Միացյալ Համաշխարհային Քոլեջներ

Վիքիպեդիայից՝ ազատ հանրագիտարանից
Միացյալ Համաշխարհային Քոլեջներ
UWC.png
Կարգախոս UWC makes education a force to unite people, nations and cultures for peace and a sustainable future
Հիմնադրված 1960
Տիպ Դպրոց, քոլեջ, կարճաժամկետ ծրագրեր
Հասցե Կանադա
Հոնգ Կոնգ
Հնդկաստան
Իտալիա
Նորվեգիա
Սինգապուր
Սվազիլենդ
Միացյալ Նահանգներ
Միացյալ Թագավորություն
Կոստա Րիկա
Բոսնիա և Հերցոգովինա
Նիդեռլանդներ
Կայք http://www.uwc.org/
Դասարաններ Ավագ դպրոց

Միացյալ Համաշխարհային Քոլեջներ, United World Colleges (կամ UWC), կրթական շարժում, որ միավորում է 15 միջազգային դպրոցներ և քոլեջներ, 140 երկրների ազգային կոմիտեներ և մի շարք կարճաժամկետ կրթական ծրագրեր։ Ուսանողների ընտրությունը կատարվում է աշխարհով մեկ, ըստ նրանց արժանիքների և պոտենցիալի։ UWC քոլեջները և ազգային կոմիտեները առաջարկում են կրթաթոշակներ, մրցույթային սխեմայով կրթաթոշակներ, ինչպես նաև սահմանափակ թվով վճարովի տեղեր։

Միացյալ Համաշխարհային Քոլեջները Միացյալ Թագավորությունում հիմնված միջազգային կազմակերպություն է և ունի 14 դպրոցներ և քոլեջներ Հայաստանում,Կանադայում, Հոնգ Կոնգում, Հնդկաստանում, Իտալիայում, Նորվեգիայում, Սինգապուրում, Սվազիլենդում, Միացյալ Նահանգներում, Միացյալ Թագավորությունում, Կոստա Րիկայում, Բոսնիա և Հերցոգովինայում,Նիդեռլանդներում,Գերմանիայում և ազգային կոմիտեներ ավելի քան 140 երկրներում, բազմաթիվ երկրներում իրականացվող կարճ ծրագրերի փաթեթ, 50,000 ից ավել շրջանավարտների ցանց 181-ից ավել երկրներում, [1] և միջազգային գրասենյակ Լոնդոնում։

UWC քոլեջները սովորեցնում են միջազգային բակալավրիատի, Սինգապուրի երեք դպրոցները, Նիդերլանդների և Սվազիլենդի դպրոցները տրամադրում են լավագույն IB դիպլոմները և դասավանդում են 16 ծրագրեր երիտասարդ ուսանողներին: Վենեսուելայի UWC-ն, որը արդեն փակ է, ընդունել էր ուսանողներին մասնագիտական, բարձրագույն և գյուղատնտեսական դիպլոմով: Աշխարհի յուրաքանչյուր UWC-ն ունի 200-ից 300 ուսանող, մոտավորապես 85 երկրներից:

Պատմություն[խմբագրել | խմբագրել կոդը]

Առաջին միջազգային քոլեջը Ատլանտիկինն էր, որը հիմնադրվել է 12-րդ դարի ամրոցում՝ 90 հեկտար տարածքի վրա Vale of Glamorgan քաղաքում, Ուելսում, Միացյալ Թագավորություն: Հիմնադրվել է 1962 թվականին Կուրտ Հանի նախաձեռնությամբ, ով գերմանացի մանկավարժ է և նախկինում հիմնադրել է Գերմանիայի Schloss Salem դպրոցը, Շոտլանդիայում գտնվող Գորդոնսթոունը և Outward Bound շարժումը: Ամրոցը նվիրված էր Անտոնին Բեսսե 2-րդին՝ Անտոնին Բեսսեյի որդուն: Կուրտ Հանի տեսլականը հիմնված էր ՆԱՏՕ պաշտպանական քոլեջում ստացած փորձի վրա: Նա տեսել էր, թե ինչպես են համագործակցում և բանակցությունների գնում թշնամիները: Կուրտը ցանկանում էր փոխըմբռնման ոգի մտցնել երիտասարդների մեջ՝ օգնելու նրանց նախապաշարմունքները և հակամարտությունները հաղթահարելով ապրել և աշխատել միասին: Հանի նախատեսած դպրոցը նախատեսում էր դասավանդել 16-20 տարեկան տղաներին և աղջիկներին: Ընտրությունը պետք է հիմնված լիներ անձնական մոտիվացիայի և ներուժի վրա՝ հաշվի չառնելով որևէ սոցիալական, տնտեսական կամ մշակութային գործոններ[2]: Կրթաթոշակային ծրագիրը պետք է նպաստեր տարբեր ծագում ունեցող երիտասարդների համալրմանը: Ծրագիրն իրականացվեց 1962 թվականին՝ բացելով Ոuելսի Ատլանտյան քոլեջը:

Ներկայումս 15 քոլեջներ շարժման մեջ են: Simón Bolivar-ի քոլեջը նույնպես ընգրկված էր ցուցակում մինչև փակվելը: Յուրաքանչյուր քոլեջի բացման ամսաթիվը ներկայացված է ստորև: Ներկայիս UWC նախագահն է Հորդանանի Քուին Նուրը: Այս կոչումը նա ստացել է 2013 թվականի դեկտեմբերին Հարավ-Աֆրիկյան Հանրապետության նախագահի՝ Նելսոն Մանդելայի մահից հետո: Նախկին UWC նախագահները են եղել Լորդ Մաունբեթընը(1967-1978) և Արքայազն Չարլզը(1978-1995): Որպես UWC քոլեջների փիլիսոփայություն ընտրված են Խաղաղության Նոբեյան մրցանակակիր Լեսթեր Փիրսոնի խոսքերը. «Ինչպես կարող է խաղաղություն լինել առանց մարդկանց փոխհամաձայնության, և ինպես կարող է այն լինել, եթե մարդիկ չեն ճանաչում միմյանց»:

Ակադեմիաներ[խմբագրել | խմբագրել կոդը]

UWC քոլեջները և դպրոցները առաջարկում են 2 տարվա մինչհամալսարանական կրթություն (բացառությամբ Վենեսուելայում գտնվող Simón Bolívar գյուսատնտեսական քոլեջից, որն առաջարկում է գյուղատնտեսական դիպլոմ), Սինգապուրի՝ հարավ-արևելյան Ասիայում գտնվող միջազգային դպորցն ունի 2 մասնաճյուղ և առաջարկում է մանկապարտեզ՝ 12-րդ դասարանի միջոցով, իսկ Մաստրիխտի քոլեջն առաջարկում է նախադպրոցական կրթություն: Ավարտելով UWC-ն՝ շրջանավարտները ստանում են միջազգային բակալավրիատի և ավագ դպրոցի դիպլոմ, որոնք ճանաչված են ամբողջ աշխարհում: Միջազգային բակալավրիատն ունի իր կենտրոնական գրասենյակը Ժնևում, Շվեյցարիայում, մինչդեռ քննությունների գրասենյակը գտնվում է Քարդիֆում, Միացյալ Թագավորությունում: Սա մասամբ պայմանավորված է Ատլանտիկում գտնվող միջազգային քոլեջի վաղ զարգացման ազդեցությամբ:

Միջազգային բակալավրիատի երեք գլխավոր լեզուներն են անգլերենը, ֆրանսերենը և իսպաներենը: Տասներկու միջազգային քոլեջներից տասնմեկն օգտագործում են անգլերենը որպես հիմնական ուսուցման և շփման լեզու: Իտալիայում՝ Ադրիատիկում գտնվող միջազգային դպրոցը պահանջում է, որ բոլոր ուսանողները սովորեն իտալերեն՝ տեղի բնակչության հետ շփումն ավելի հեշտացնելու համար: Վենեսուելայում գտնվող գյուղատնտեսական միջազգային քոլեջում դասավանդում են իսպաներեն՝ միաժամանակ ունենալով անգլերենի դասընթացներ: Այս քոլեջ ընդունվում են տարիքով ավելի մեծ անձինք, որոնք ստանում են գյուղատնտեսական կառավարման դիպլոմներ:

UWC ուսանողներն իրավասու են ավարտելուց հետո մասնակցել Shelby Davis կրթաթոշակային ծրագրին, որը հովանավորում է (անհրաժեշտության դեպքում) ուսանողների կրթությունը Ամերիկայի Միացյալ Նահանգների 91 համալսարաններում[3]:

Գործունեություն[խմբագրել | խմբագրել կոդը]

CAS-ը(ստեղծագործական, գործունեության, ծառայություն) IB դիպլոմի պահանջարկներից մեկն է, որը UWC համակարգի մի մաս է կազմում: CAS և IB ծրագրերն ունեն իրենց արմատները Ատլատիկի միջազգային դպրոցում: IB ծրագրի ստեղծման ընթացքում Ատլանտյան քոլեջը որպես օրինակ վերցրել է ուսանողների ուսումնական և սոցիալական կյանքը:

UWC քոլեջների և դպրոցների հատուկ արտադպորցական գործունեությունները ներառում են Կորալ վերահսկման ծառայություն Լի Պո Չուն քոլեջում և բանջարանոցներ Ատլանտիկում: Հնդկաստանում Միհինդրայի միջազգային դպրոցում ուսանողները դուրս են գալիս պայքարի՝ պաշտպանելու տեղական կենսաբազմազանության արգելոցը: Մոստարի միջազգային դպրոցում CAS ծրագիրն օգնում է նպաստել բաժանված կոնֆլիկտային հասարակության վերականգնմանը: Արևմտյան Ամերիկայում գտնվող Արմանդ Հեմերի միջազգային դպրոցի ուսանողները կարող են մասնակցել Բարտոս համալսարանի կոնֆլիկտների կառուցողական ներգրավվածությանը, առաջին օգնության սերտիֆիկացմանը կամ Մեքսիկայում գանձերի հետազոտությանը: Փիրսոնի միջազգային դպրոցում ուսանողները կարող են օգնել կառավարել the Race Rocks Marine Protected Area-ն, թխել հաց և կայակ:

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]