1938/1939 մրցաշրջանի Մեծ Բրիտանիայի տնային առաջնությունը հիսունմեկերորդն էր։ Այն վերջինն էր 1939 թ. սեպտեմբերին սկսված Երկրորդ համաշխարհային պատերազմից առաջ։ Մինչ պատերազմի ավարտը Բրիտանիայում դադարեցվեցին բոլոր մարզական միջոցառումները։ Ըստ այդմ, սա մի շարք աստղային ֆուտբոլիստների համար իրենց դրսևորելու վերջին հնարավորությունն էր։
Մեկնարկում առավելությունը շատլանդացիներն ու ուելսցիներինն էր, որոնք հաղթանակներ տարան համապատասխանաբար իռլանդացիների և անգլիացիների նկատմամբ։ Հաջորդ փուլում շոտլանդացիները հաղթեցին ուելսցիներին, իսկ անգլիացիները, յոթ գնդակի առավելությամբ ջախջախելով իռլանդացիներին, կրկին միացան չեմպիոնության համար պայքարին։ Այդ խաղում հինգ գնդակ խփեց Ուիլյամ Հոլը, ինչը Անգլիայի հավաքականի ռեկորդն է ցայսօր։ Վերջին փուլում ուելսցիները հաղթեցին իռլանդացիներին, ինչը նշանակում էր, որ Շոտլանդիա-Անգլիա խաղում շոտլանդացիներին բավարարում էր ոչ-ոքին։ Սակայն 2։1 հաշվով արտագնա հաղթանակ տարան անգլիացիները և կիսեցին չեմպիոնությունը շոտլանդացիների և ուելսցիների հետ։