1911/1912 մրցաշրջանի Մեծ Բրիտանիայի տնային առաջնությունը բրիտանական ազգային հավաքականների միջև անցկացված քսանիններորդ մրցաշարն էր։ Վստահ առավելությամբ հաղթողի կոչումը նվաճեցին Շոտլանդիայի և Անգլիայի հավաքականները։ Մրցաշարային աղյուսակը եզրափակեցին բոլոր հանդիպումներում պարտություն կրած ուելսցիները։
Մրցաշարը մեկնարկեց Իռլանդիա-Անգլիա խաղով, որում անգլիացինրը ջախջապեցին մրցակցին 6-1 հաշվով, ինչը նրանց դարձրեց առաջնության ֆավորիտ։ Շոտլանդացիները հավասարվեցին անգլիացիներին ուելսցիների նկատմամբ նվազագույն հաշվով տարած հաղթանակի շնորհիվ։ Հաջորդ խաղում շոտլանդացիները և անգլիացիները հաղթեցին իրենց մրցակիցներին և 4-ական միավորով գլխավորեցին մրցաշարային աղյուսակը։
Մրցաշարի ելքը վճռվեց Շոտլանդիա-Անգլիա խաղում, որում գրանցված ոչ-ոքին տիտղոսը կիսեց երկու հավաքականների միջև։ Երրորդ տեղում հայտնվեցին ուելսցիների նկատմամբ նվազագույն հաշվով հաղթանակ տարած իռլանդացիները։