Մահմուդ (երգիչ)

Վիքիպեդիայից՝ ազատ հանրագիտարանից
Մահմուդ
Մահմուդն 2019 թվականին
Հիմնական տվյալներ
Բնօրինակ անունMahmood
Ի ծնե անունԱլեսանդրո Մահմուդ
Նաև հայտնի է որպեսMahmood
Ծնվել էսեպտեմբերի 12, 1992(1992-09-12)[1] (31 տարեկան)
Միլան
ԵրկիրԻտալիա Իտալիա
ԺանրերՓոփ, R&B, հիփ հոփ
ՄասնագիտությունԵրգիչ, երգերի հեղինակ
ԳործիքներՎոկալ, դաշնամուր, կիթառ
Գործունեություն2012-ներկա
ԼեյբլIsland Records
Պարգևներ
Կայքmahmood.it
 Mahmood Վիքիպահեստում

Ալեսանդրո Մահմուդ (իտալերեն՝ Alessandro Mahmoud, սեպտեմբերի 12, 1992(1992-09-12)[1], Միլան, Իտալիա), ավելի հայտնի է պարզապես Մահմուդ (Mahmood), իտալացի երգիչ և երգերի հեղինակ։ Կարիերան սկսել է 2012 թվականին` մասնակցելով իտալական X Factor նախագծին, սակայն ավելի մեծ ճանաչում է ձեռք բերել 2019 թվականին Սան Ռեմոյի փառատոնում իր «Soldi» երգով հաղթելուց հետո։ 2019 թվականի փետրվարին թողարկել է իր դեբյուտային «Gioventù bruciata» ալբոմը, որը գլխավորել է իտալական ալբոմների հիթ շքերթը։ Նույն տարվա մայիսին ներկայացրել է Իտալիան Եվրատեսիլ 2019 երգի մրցույթում և զբաղեցրել երկրորդ հորիզոնականը։

Վաղ կյանք[խմբագրել | խմբագրել կոդը]

Մահմուդը ծնվել է 1992 թվականի սեպտեմբերի 12-ին Միլանում։ Նրա մայրն իտալուհի է, հայրը՝ եգիպտացի[2]։ Ծնողները ամուսնալուծվել են երբ նա եղել է 5 տարեկան, որից հետո նրան մեծացրել է մայրը[3][4]:

Կարիերա[խմբագրել | խմբագրել կոդը]

2012-2018: X Factor և կարիերայի սկիզբ[խմբագրել | խմբագրել կոդը]

2012 թվականին մասնակցել է իտալական X Factor նախագծի վեցերորդ եթերաշրջանին, որտեղ ընդգրկվել է ժյուրի Սիմոնա Վենտուրայի թիմում և հասել մինչև երրորդ գալա համերգ[5]։ Նախագծից դուրս մնալուց հետո, նա աշխատել է որպես մատուցող բարում և միաժամանակ հաճախել երաժշտական դպրոց, որտեղ սովորել է նվագել դաշնամուր ու գրել երգեր[6]։ 2013 թվականին նա թողարկել է իր առաջին «Fallin' Rain» սինգլը, որի համար նաև նկարահանել է տեսահոլովակ[5]։

2016 թվականին մասնակցել է Սան Ռեմո երգի փառատոնին, որտեղ ներկայացնելով «Dimentica» երգը` զբաղեցրել է չորրորդ հորիզոնականը «Լավագույն նոր արտիստներ» անվանակարգում[5]։ 2017 թվականին թողարկել է «Pesos» սինգլը, որով ներկայացել է Wind Summer փառատոնին[5] : 2017 թվականին նաև ձայնագրել է «Luna» սինգլը ռեփեր Ֆաբրի Ֆիբրայի հետ համատեղ[5]։ 2018 թվականի սեպտեմբերին թողարկել է «Gioventù bruciata» մինի ալբոմը, որը հետագայում վերաթողարկվել է որպես նրա առաջին պաշտոնական ստուդիական ալբոմ[5]։ 2018 թվականին նաև համագործակցել է երգիչ Մարկո Մենգոնիի հետ` գրելով 3 երգ նրա «Atlantico» ալբոմի համար, որոնց թվում է նաև «Hola (I Say)» սինգլը[5]։

2019: «Gioventù bruciata» և Եվրատեսիլ[խմբագրել | խմբագրել կոդը]

Մահմուդը Եվրատեսիլի փորձերի ժամանակ (2019 մայիս):

2019 թվականի փետրվարին Մահմուդը մասնակցել է Սան Ռեմոյի 69-րդ փառատոնին, որտեղ ներկայացրել է «Soldi» երգը` գրված իր, Չարլի Չարլզի և Dardust-ի կողմից։ Մրցութային մի քանի փուլ հաղթահարելուց հետո նա հասել է եզրափակիչ, որտեղ նրա հետ միասին առաջին տեղի համար պայքարել են Ultimo-ն և Il Volo-ն։ Չնայած հեռուստադիտողի քվեարկության արդյունքում նա զբաղեցրել է երրորդ հորիզոնականը, սակայն ժյուրիի ձայների 63.7%-ը ստանալու արդյունքում ճանաչվել է փառատոնի հաղթող[7]։ «Soldi» (հայերեն՝ Գումար) երգը, որը գլխավորել է իտալական սինգլների հիթ շքերթը, Մահմուդի և իր հոր հարաբերությունների մասին է[5]։ Նա ասում է, որ երգը «նյութական մակարդակով փողի մասին չէ, այլ այն մասին` թե ինչպես փողը կարող է փոխել ընտանեկան հարաբերությունները»[5]։

Սան Ռեմոն հաղթելուց հետո, «Gioventù bruciata»-ն վերաթողարկվել է որպես նրա առաջին պաշտոնական ալբոմ։ 11 ստեղծագործություն ներառող ալբոմը դրական ընդունելության է արժանացել երաժշտական քննադատների կողմից և գլխավորել է իտալական ալբոմների հիթ շքերթը[8]։ 2019 թվականի ապրիլին Մահմուդն իր մասնակցությունն է ունեցել Չարլի Չարլզի և Dardust-ի «Calipso» սինգլում, որը նույնպես զբաղեցրել է առաջին հորիզոնականը Իտալիայում[9]։ Սան Ռեմոն հաղթելու արդյունքում նրան նաև հնարավորություն է տրվել «Soldi» երգով ներկայացնելու Իտալիան Եվրատեսիլ 2019 երգի մրցույթում, որն անցկացվել է Իսրայելի մայրաքաղաք Թել Ավիվում[10]։ Նա միանգամից հանդես է եկել եզրափակիչ փուլում և քվեարկության արդյունքում զբաղեցրել է երկրորդ հորիզոնականը: Մրցույթի շրջանակներում նա նաև ստացել է Մարսել Բեզենսոնի անվան մրցանակ` որպես լավագույն երգահան[11]։

Հանրային կերպար[խմբագրել | խմբագրել կոդը]

«Mahmood»-ը երգչի ազգանվան` Mahmoud-ի և անգլերեն «my mood» (իմ տրամադրությունը) բառերի միացությունն է[12]։ Չնայած իր հոր ազգությանը` Մահմուդն չի խոսում արաբերեն, սակայն գերազանց տիրապետում է սարդինյան լեզվին[4]։ Նա քրիստոնյա է և հարցազրույցներում բազմիցս նշել է, որ իրեն համարում է 100% իտալացի։ 2019 թվականին Սան Ռեմոյի փառատոնում նրա հաղթանակը քննարկումների առիթ դարձավ երկրում։ Իտալիայի փոխվարչապետ Մատեո Սալվինին, ով հայտնի է իր հականերգաղթական հայացքներով, իր դժգոհությունն հայտնեց նրա հաղթանակի և երգի «ոչ իտալական հնչողության» վերաբերյալ, նշելով, որ իտալացիների ընտրությունը Ultimo-ի «I tuoi particolari» երգն էր այլ ոչ թե «Soldi»-ին[13]։

Մահմուդը խուսափում է ըստ ազգության կամ սեռական կողմնորոշման դասակարգումներից[3]։ Նա բազմիցս նշել է, որ սեռական կողմնորոշման մասին հայտարարելը տարբերություն է ստեղծում մարդկանց միջև և «այդպես շարունակելով համասեռականությունը երբեք չի ընկալվի նորմալ բան, որն իրականում նորմալ է»[14]։ 2019 թվականին նա ընդգրկվեց իտալական «Forbes» ամսագրի «30 Under 30» ցանկում, որում ընդգրկվում են այն արտիստները, ովքեր մեծ հաջողության են հասել նախքան 30 տարեկան դառնալը[15]:

Երաժշտական ոճ[խմբագրել | խմբագրել կոդը]

Մահմուդն իր երաժշտական ոճն բնութագրել է որպես մարոկկական փոփ։ Ըստ նրա` իր երաժշտությունը մյուսներից առանձնանում է իր միջինարևելյան հնչյուններով[14]։ «Soldi» երգում առկա է նաև արաբերեն հատված։ Նա հիշում է, որ մանկության տարիներին արաբական երաժշտություն էր լսում իր հոր հետ, նախքան ընտանիքից նրա հեռանալը[16]։ Մանկության տարիներին Մահմուդը նաև լսել է իտալացի այնպիսի արտիստների, ինչիպիսիք են` Լուչո Բատիստի, Լուչո Դալլա և Պաոլո Կոնտե[3][16] Նա չափազանց կապված է իր մոր ծննդավայր Սարդինիա կղզու մշակույթին ու ավանդույթներին, որոնք շատ հաճախ ոգեշնչման աղբյուր են հանդիսանում նրա համար ստեղծագործելիս[5]։

Մահմուդը նշել է ամերիկացի երգիչ Ֆրենկ Օուշենին` որպես իրեն ամենաշատ ոգեշնչող արտիստ։ Ըստ նրա` Ֆրենկի երաժշտությունը «շատ ազատ է և յուրաքանչյուր ոք կարող է գտնել իրեն դրանում, անկախ գեյ կամ հետերո լինելուց, որովհետև էականը այդ մարդն է և իր փոխանցած էներգիան, այլ ոչ թե սեռական կողմնորոշումը»[17]։ Նրա սիրած արտիստների թվին են պատկանում նաև Թրևիս Սքոթը, Բիյոնսեն, Ջազմին Սալիվանը և Ռոսալիան[17]։

Սկավառակագրություն[խմբագրել | խմբագրել կոդը]

Ստուդիական ալբոմներ[խմբագրել | խմբագրել կոդը]

Անվանում Տվյալներ Հիթ շքերթներ Սերտիֆիկատներ
Իտալիա
ԻՏԱ
[8] 		Էստոնիա
ԷՍՏ
[18] 		Իսլանդիա
ԻՍԼ
[19] 		Նորվեգիա
ՆՈՐ
[20] 		Շվեդիա
ՇՎԴ
[21] 		Շվեյցարիա
ՇՎՑ
[22]
«Gioventù bruciata» 1 4 24 18 34 34 Իտալիա FIMI: ոսկե

Մինի ալբոմներ[խմբագրել | խմբագրել կոդը]

Անվանում Տվյալներ Հիթ շքերթներ
Իտալիա
ԻՏԱ
[24]
«Gioventù bruciata»
  • Թողարկված՝ սեպտեմբերի 21, 2018
  • Լեյբլ՝ Island Records
  • Ձևաչափ՝ Թվային ներբեռնում
 6



Սինգլներ[խմբագրել | խմբագրել կոդը]

Սեփական սինգլներ

Անվանում Տարի Հիթ շքերթներ Սերտիֆիկատներ Ալբոմ
Իտալիա
ԻՏԱ
[25] 		Ավստրիա
ԱՎՍ
[26] 		Գերմանիա
ԳԵՐ
[27] 		Իռլանդիա
ԻՌԼ
[28] 		Նիդերլանդներ
ՆԴԼ
[29] 		Նորվեգիա
ՆՈՐ
[20] 		Իսպանիա
ԻՍՊ
[30] 		Շվեդիա
ՇՎԴ
[21] 		Շվեյցարիա
ՇՎՑ
[31] 		Մեծ Բրիտանիա
ՄԹ
[32]
«Fallin' Rain»[33] 2013 — — — — — — — — — — ոչ ալբոմային սինգլներ
«Dimentica»[34] 2016 — — — — — — — — — —
«Pesos»[35] 2017 — — — — — — — — — —
«Uramaki»[36] 2018 86 — — — — — — — — — «Gioventù bruciata»
«Milano Good Vibes»[37] — — — — — — — — — —
"Asia occidente"[38] — — — — — — — — — —
«Gioventù bruciata»[39] 40 — — — — — — — — —
«Soldi» 2019 1 12 32 65 16 16 5 8 5 73 Իտալիա FIMI: 3× պլատինե
Իսպանիա PROMUSICAE: պլատինե
Շվեյցարիա IFPI: պլատինե
Հունաստան IFPI: պլատինե
«—» նշանակում է, որ տեղ չի զբաղեցրել

Այլ արտիստների սինգլներ, որոնցում ունի իր մասնակցությունը

Անվանում Տարի Հիթ շքերթներ Սերտիֆիկատներ Ալբոմ
Իտալիա
ԻՏԱ
[25]
«Luna»[40]
(Ֆաբրի Ֆիբրայի սինգլը` Մահմուդի հետ համատեղ) 		2017 — Fenomeno - Masterchef EP
«Calipso»[41]
(Չարլի Չարլզի և Dardust-ի սինգլը`
Սֆերա Էբաստայի, Մահմուդի և Ֆաբրի Ֆիբրայի հետ համատեղ) 		2019 1 Իտալիա FIMI: 2× պլատինե ոչ ալբոմային սինգլ
«—» նշանակում է, որ տեղ չի զբաղեցրել

Ծանոթագրություններ[խմբագրել | խմբագրել կոդը]

  1. ↑ 1,0 1,1 https://milano.fanpage.it/dai-circoli-di-milano-al-festival-di-sanremo-chi-e-mahmood-uno-dei-24-cantanti-in-gara/
  2. ↑ «Mahmood conquista l'Ariston: "Sono un ragazzo italiano"»։ Il Giornale։ Փետրվարի 10, 2019։ Վերցված է Մայիսի 18, 2019 
  3. ↑ 3,0 3,1 3,2 «Italian Minister Pans Hit Song by an Immigrant’s Son»։ The New York Times։ Մարտի 31, 2019։ Վերցված է Մայիսի 18, 2019 
  4. ↑ 4,0 4,1 «Mahmood: "Quel padre scomparso e la Sardegna, fonte della mia ispirazione" IL VIDEO»։ unionesarda.it։ Վերցված է Մայիսի 18, 2019 
  5. ↑ 5,0 5,1 5,2 5,3 5,4 5,5 5,6 5,7 5,8 5,9 «Mahmood (Italy) / Махмуд (Италия)»։ esckaz.com։ Վերցված է Մայիսի 18, 2019 
  6. ↑ «Eurovision Song Contest 2019: Who Is Mahmood?»։ Italics Magazine։ Փետրվարի 23, 2019։ Վերցված է Մայիսի 18, 2019 
  7. ↑ «Italy: Mahmood confirms Eurovision 2019 participation with “Soldi”»։ ESCXTRA.com։ Փետրվարի 12, 2019։ Վերցված է Մայիսի 18, 2019 
  8. ↑ 8,0 8,1 «Album – Classifica settimanale WK 9 (dal 22.02.2019 al 28.02.2019)»։ Federazione Industria Musicale Italiana։ Վերցված է Մայիսի 18, 2019 
  9. ↑ «Top Singoli – Classifica settimanale WK 18»։ Federazione Industria Musicale Italiana։ Վերցված է Մայիսի 18, 2019 
  10. ↑ «Italy: Mahmood confirms – he WILL represent Italy at Eurovision 2019»։ Wiwibloggs։ Փետրվարի 12, 2019։ Վերցված է Մայիսի 18, 2019 
  11. ↑ «Here are the winners of the 2019 Marcel Bezençon Awards»։ eurovision.tv։ Մայիսի 18, 2019։ Վերցված է Մայիսի 23, 2019 
  12. ↑ «Mahmood: 10 facts about Italy’s Eurovision 2019 singer»։ Wiwibloggs։ Ապրիլի 17, 2019։ Վերցված է Մայիսի 18, 2019 
  13. ↑ «Winner of Italy's Sanremo song contest highlights political divides»։ Euronews։ Փետրվարի 11, 2019։ Վերցված է Մայիսի 18, 2019 
  14. ↑ 14,0 14,1 «Mahmood: «Vi piace cantautore Moroccan pop?»»։ Vanity Fair։ Փետրվարի 1, 2019։ Վերցված է Մայիսի 18, 2019 
  15. ↑ «Forbes 100 30 Under 30 Italia 2019»։ Forbes։ Մարտի 29, 2019։ Վերցված է Մայիսի 18, 2019 
  16. ↑ 16,0 16,1 «Sanremo Giovani, il trionfo di Mahmood: da X Factor con la Ventura ai big del Festival»։ Blasting News։ Դեկտեմբերի 22, 2018։ Վերցված է Մայիսի 23, 2019 
  17. ↑ 17,0 17,1 «La ‘gioventù bruciata’ di Mahmood»։ Rolling Stone։ Սեպտեմբերի 30, 2018։ Վերցված է Մայիսի 18, 2019 
  18. ↑ Կաղապար:Cita web
  19. ↑ «Lagalistinn Vika 22 – 2019»։ Tonlistinn։ Վերցված է Հունիսի 5, 2019 
  20. ↑ 20,0 20,1 «Discography Mahmood»։ norwegiancharts.com։ Վերցված է Մայիսի 30, 2019 
  21. ↑ 21,0 21,1 «Discography Mahmood»։ swedishcharts.com։ Վերցված է Մայիսի 30, 2019 
  22. ↑ «Discographie Mahmood»։ swisscharts.com։ Վերցված է Մայիսի 30, 2019 
  23. ↑ «Gioventù Bruciata di Mahmood»։ iTunes։ Վերցված է Մայիսի 18, 2019 
  24. ↑ «Album – Classifica settimanale WK 9 (dal 08.02.2019 al 14.02.2019)»։ Federazione Industria Musicale Italiana։ Վերցված է Մայիսի 18, 2019 
  25. ↑ 25,0 25,1 «Discographie Mahmood (Singles)»։ italiancharts.com։ Վերցված է Մայիսի 18, 2019 
  26. ↑ «Discographie Mahmood»։ austriancharts.at։ Վերցված է Մայիսի 31, 2019 
  27. ↑ «Mahmood – German Charts»։ GfK։ Վերցված է Մայիսի 30, 2016 
  28. ↑ «Discography Mahmood»։ irish-charts.com։ Վերցված է Մայիսի 30, 2019 
  29. ↑ «Discografie Mahmood»։ dutchcharts.nl։ Վերցված է Մայիսի 30, 2019 
  30. ↑ «Discography Mahmood»։ spanishcharts.com։ Վերցված է Մայիսի 30, 2019 
  31. ↑ «Mahmood - Soldi»։ Swisscharts.com. Hung Medien։ Վերցված է Մայիսի 18, 2019 
  32. ↑ «Mahmood | full Official Chart history»։ Official Charts Company։ Վերցված է Մայիսի 30, 2019 
  33. ↑ «Mahmoud – Fallin’ Rain (audio e cover singolo)»։ RadioMusik.it։ Հուլիսի 24, 2013 
  34. ↑ «Dimentica - Single di Mahmood»։ iTunes։ Վերցված է Մայիսի 18, 2019 
  35. ↑ «Pesos - Single by Mahmood»։ iTunes։ Վերցված է Մայիսի 18, 2019 
  36. ↑ «Uramaki - Single di Mahmood»։ iTunes։ Վերցված է Մայիսի 18, 2019 
  37. ↑ «Milano Good Vibes - Single by Mahmood»։ iTunes։ Վերցված է Մայիսի 18, 2019 
  38. ↑ «Mahmood - Asia Occidente (Radio Date: 26-10-2018)»։ EarOne։ Հոկտեմբերի 26, 2018։ Վերցված է Մայիսի 18, 2019 
  39. ↑ «Mahmood - Gioventù Bruciata (Radio Date: 07-12-2018)»։ EarOne։ Դեկտեմբերի 7, 2018։ Վերցված է Մայիսի 18, 2019 
  40. ↑ «Luna (feat. Mahmood) - Single by Fabri Fibra»։ iTunes։ Վերցված է Մայիսի 18, 2019 
  41. ↑ «Calipso (feat. Sfera Ebbasta, Mahmood & Fabri Fibra) - Single di Charlie Charles»։ iTunes։ Վերցված է Մայիսի 18, 2019 

Արտաքին հղումներ[խմբագրել | խմբագրել կոդը]

Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Վիիքպահեստ
Ստացված է «https://hy.wikipedia.org/w/index.php?title=Մահմուդ_(երգիչ)&oldid=8421228» էջից