Հովհաննես Զանազանյան

Հովհաննես Զանազանյան
Անձնական տվյալներ
Ամբողջական անուն	Հովհաննես Հարությունի Զանազանյան
Քաղաքացիությունը	ԽՍՀՄ
Ծննդյան ամսաթիվ	դեկտեմբերի 10, 1946(1946-12-10)
Ծննդավայր	Աթենք, Հունաստանի Թագավորություն
Մահվան ամսաթիվ	հոկտեմբերի 4, 2015(2015-10-04) (68 տարեկան)
Մահվան վայր	Երևան,
Հասակ	172 սմ
Քաշ	66 կգ
Դիրք	Կիսապաշտպան
Ակումբային տեղեկություններ
Ներկա ակումբ	ավարտել է կարիերան
Համար	10
Պատանեկան կարիերա
Արարատ (փոխարինողներ)
Մասնագիտական կարիերա*
Տարի	Ակումբ	Խաղ	(Գոլ)
1965 1968-1969 1966-1975 1976 1976 1977 1978 1979	Լեռնագործ Շիրակ Արարատ Սպարտակ (Մոսկվա) ՖԻՄԱ ՖԻՄԱ Ղարաբաղ Ղարաբաղ	38 (11) 24 (3) 243 (56) 4 (0) ? (0) 36 (11) 40 (16) ? (5)
Ազգային հավաքական
1971-1972 1972	(օլիմպիական) ֆուտբոլի ԽՍՀՄ հավաքական	12 (4) 6 (1)
Մարզչական կարիերա
1976-1977 1978-1979 1992-1993 1994-1995 2001-2002 2003-2005	ՖԻՄԱ Ղարաբաղ ՀՄԸՄ Հայաստան (երիտ.) Սպարտակ Բանանց
Պարգևներ և
* Մասնագիտական կարիերայում ընդգրկված են միայն առաջնության խաղերը և գոլերը:

Հովհաննես Հարությունի Զանազանյան (դեկտեմբերի 10, 1946(1946-12-10), Աթենք, Հունաստան - հոկտեմբերի 4, 2015(2015-10-04), Երևան, Հայաստան), խորհրդային և հայ նախկին ֆուտբոլիստ, հարձակվող։ Սպորտի վարպետ (1970)։ Միջազգային կարգի սպորտի վարպետ (1972)։

Կրթություն

• 1971 թվականին ավարտել է Հայկական գյուղատնտեսական ինստիտուտը։
• 1977 թվականին ավարտել է Երևանի պետական համալսարանը։

Կարիերա

Ֆուտբոլ սկսել է պարապել 1959 թվականին, Երևանի «Սպարտակում», մարզիչ Ղազարոս Թեքնեջյանի մոտ։ 1965 թվականին տեղափոխվել է Ղափանի «Լեռնագործ», առաջնության երկրորդ խմբի «Բ» դասում և դարձել է թիմի լավագույն ռմբարկու։ 1966 թվականի մրցաշրջանի վերջում տեղափոխվել է ԽՍՀՄ առաջնության բարձրագույն խմբում հանդես եկող Երևանի «Արարատ», (ավագ մարզիչ Ա.Ֆալյան), որի կազմում շարունակել մրցելույթները մինչև 1975 թվականը։ ԽՍՀՄ առաջնության բարձրագույն խմբում մասնակցել է 243 խաղի, խփել 56 գոլ, դարձել ԽՍՀՄ չեմպիոն, գավաթակիր, արծաթե մեդալակիր։ Թիմի անփոխարինելի ավագն էր։

1976 թվականին խաղացել է Մոսկվայի «Սպարտակում»։ Կարիերան ավարտել է ՖԻՄԱ և «Ղարաբաղ» թիմերում։

1971-1972 թվականներին խաղացել է ԽՍՀՄ հավաքականում։ 1972 թվականի Մյունխենի օլիմպիական խաղերի բրոնզե մեդալակիր։

Մարզել է Բեյրութի ՀՄԸՄ-ն, Հայաստանի Երիտասարդական հավաքականը, «Սպարտակ» և «Բանանց» ակումբները։

2005 թվականից «Բանանց» ակումբի փոխնախագահն է։

Ճարտարապետության և շինարարության Հայաստանի ազգային համալսարանի ֆիզիկական կուլտուրայի և սպորտի ամբիոնի վարիչ։

2009 թվականին ՀՀ Նախագահի հրամանագրով նշանակվել է ՀՀ Հանրային խորհրդի անդամ։

Պարգևներ և կոչումներ

• Հայաստանի Հանրապետության ֆիզիկական կուլտուրայի և սպորտի վաստակավոր գործիչ (2011)։
• «Հայրենիքին մատուցած ծառայությունների համար» 1-ին աստիճանի մեդալ (2013)։

Վախճանվել է 2015 թվականի հոկտեմբերի 4-ին՝ ծանր և երկարատև հիվանդությունից հետո։

Նվաճումներ

Որպես ֆուտբոլիստ

Արարատ

• ԽՍՀՄ չեմպիոն՝ 1973
• ԽՍՀՄ գավաթակիր՝ 1973, 1975:

ԽՍՀՄ օլիմպիական հավաքական

• Օլիմպիական խաղերի բրոնզե մեդալակիր՝ 1972:

Որպես մարզիչ

Ղարաբաղ

• ԽՍՀՄ առաջնության երկրորդ խմբի բրոնզե մեդալակիր՝ 1978:

Բանանց

• ՀՀ առաջնության բարձրագույն խմբի բրոնզե մեդալակիր՝ 2001:
• ՀՀ առաջնության բարձրագույն խմբի արծաթե մեդալակիր՝ 2003:
• ՀՀ գավաթի եզրափակիչի մասնակից՝ 2003, 2004:
• ՀՀ սուպերգավաթի եզրափակիչի մասնակից՝ 2005: