Խոսպ

Վիքիպեդիայից՝ ազատ հանրագիտարանից
Jump to navigation Jump to search
Գյուղ
Խոսպ
Վարչական տարածքԱրևմտյան Հայաստան
ՎիլայեթՎանի վիլայեթ
ԳավառՀայոց ձորի գավառ
Պաշտոնական լեզուՀայերեն
Բնակչություն223 մարդ (1909)
Ազգային կազմՀայեր (մինչև Մեծ եղեռնը)
Կրոնական կազմՔրիստոնյա (մինչև Մեծ եղեռնը)
Ժամային գոտիUTC+3

Խոսպ, գյուղ Արևմտյան Հայաստանում, Վանի վիլայեթի Հայոց ձորի գավառում։

Անվանում[խմբագրել | խմբագրել կոդը]

Հիշատակվում է նաև Խոսբ, Խոսփ և Խուսփ անվանաձևերով: Ներկայիս անվանումը Սաքալար է:

Տեղադրություն[խմբագրել | խմբագրել կոդը]

Հայոց ձոր գավառի կենտրանական գյուղերից է: Հիրճ և Վերին Մժնկերտ գյուղերի միջակայքում: Գտնվում է Անգղ գետի ձախ ափից 4 կմ հարավ: Ծովի մակերևույթից միջին բարձրությունը 1850-1860 մ է:[1]

Պատմություն[խմբագրել | խմբագրել կոդը]

Գյուղում և հարակից տարածքներում գտնված հուշարձանների մնացորդներից կարելի է ենթադրել, որ այն գողություն է ունեց էլ միջնադարից: Գրավոր հիշատակություններում գյուղը հիշատակվում է սկսած 19-րդ դարի կեսերից: Բոլոր այդ հիշատակություններում նկարագրվում է գյուղի կողոպված լինելը. 1. 1877 թվականի մայիսի 28


Aquote1.png

 ...Խոսբ գիւղն բոլորովին կողոպտելովաւերակ կը դարձունեն:
Ռէս (տանուտէր) Ադամն ալ կուզեն սպաննել...[2]

Aquote2.png


2. 1878 թվականի նոյեմբերի 5


Aquote1.png

 Խավշտանցի քիւրդեր Խոսպայ գիւղէն 20 եզ յափշտակեցին:[3]

Aquote2.png


Խոսպեցիների բնաջնջման ծրագիրը իշխանությունները վստահել էին քուրդ հայտնի ավազակներ Լազգոյին և Ջանկոյին, որոնք 1915 թվականի ապրիլի 7-ին գյուղում սպանեցին 50 տղամարդու, որոնց մեջ էին տեր Մարտիրոսը, ռես Ազիզը, նախկին ռեզ Սարգիսը և այլք:[4][5] Համաձայն խոսպեցի Կարապետ Դավթյանի, որը ուշագրավ տեղեկատվություն է տրամադրում, 1915 թվականի ապրիլի 2-ին պժնկերտցի քուրդ Մճոն խոսպեցի հայերին զգուշացրել էր սպասվելիք կոտորածի մասին, սակայն հակառակ այս իրողությանը՝ ապրիլի 7-ին տեղի ունեցած այս արհավիրքին խոսպեցիները պատրաստ չէին:

Այլ տեղեկատվություն[խմբագրել | խմբագրել կոդը]

1909 թվականին ուներ 43 տուն (223 շունչ) հայ բնակիչ։ Զբաղվում էին երկրագործությամբ և նասնապահությամբ։

Գյուղը ուներ եկեղեցի (Ս. Սարգիս), իսկ մոտ 2 կմ հեռավորության վրա գտնվում էր Ս. Աստվածածին անունով փոքրիկ, առանց գմբեթի վանքը, որի շուրջը կային խաչքարեր։ Բնակիչները բռնությամբ տեղահանվել են 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։

Ծանոթագրություններ[խմբագրել | խմբագրել կոդը]

  1. Սամվել Կարապետյան, Հայկական ճարտարապետությունն ուսումնասիրող հիմնադրամ, «Հայոց ձոր, Հայաստանի պատմություն գրքաշար, հատոր Ա», Երևան 2015 թվական:
  2. Գանձեր Վասպուրականի, հ Ա, էջ 2, Տեր-Մկրտիչեան Ե.
  3. Գանձեր Վասպուրականի, հ Ա, էջ 3, Տեր-Մկրտիչեան Ե.
  4. Վշտապատում, էջ 59
  5. Հայոց ցեղասպանությունը Օսմանյան Թուրքիայում, հ 1, էջ 162

Աղբյուրներ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]