Էնդրյու Սքոթ

Վիքիպեդիայից՝ ազատ հանրագիտարանից
Jump to navigation Jump to search
Էնդրյու Սքոթ
անգլ.՝ Andrew Scott
Pride 07 (15272510975).jpg
Ծնվել էհոկտեմբերի 21, 1976(1976-10-21)[1][2] (43 տարեկան)
ԾննդավայրԴուբլին, Իռլանդիա[1]
ԿրթությունGonzaga College?
ՔաղաքացիությունFlag of Ireland.svg Իռլանդիա
Մասնագիտությունթատրոնի դերասան, կինոդերասան, դերասան և հեռուստատեսային դերասան
Պարգևներ և մրցանակներԼոուրենս Օլիվյեի պարգև և British Independent Film Awards?

Էնդրյու Սքոթ (անգլ.՝ Andrew Scott, հոկտեմբերի 21, 1976(1976-10-21)[1][2], Դուբլին, Իռլանդիա[1]), թատրոնի, կինոյի և հեռուստատեսության իռլանդացի դերասան, առավել հայտնի է Մորիարտիի՝ «Շերլոք» հեռուստասերիալում կատարած դերի շնորհիվ։

Ընտանիք[խմբագրել | խմբագրել կոդը]

Էնդրյուն ծնվել է Դուբլինում՝ Օմայից եկած գաղթյալների՝ Ջիմա և Նորա Սքոթների ընտանիքում։ Նրա հայրը զբաղվածության գործակալության աշխատակից է, մայրը՝ միջին դպրոցում արվեստների ուսուցչուհի։ Սքոթը երկու քույր ունի․ ավագը Սառան է, իսկ կրտսերը՝ Հանան։ Ավագն աշխատում է որպես սպորտային մարզիչ, կրտսերը գնում է իր եղբոր քայլերով և սկսում է դերասանուհու կարիերան։ Էնդրյուն ավարտել է Դուբլինի տղաների համար նախատեսված Gonzaga College միջին դպրոցը։ Դերասանական կարիերայի պատճառով չի ավարտել Թրինիթի քոլեջը, որը Դուբլինի համալսարանի կազմում է։ Էնդրյուն բաց գեյ է: 2013 թվականի նոյեմբերի 15-ին հարցազրույցներից մեկի ժամանակ կատարել է քամինգ աութ[3]։

Արվեստ[խմբագրել | խմբագրել կոդը]

Սովորել է Թրինիթի քոլեջում, որպեսզի հետո վերադառնար Դուբլինի հանրահայտ «Abbey Theatre», որտեղ ստացել է հիացական արձագանքներ՝ գլխավոր դերերի խաղաշրջանի համար։ Նրա կինոդեբյուտը, 19 տարեկան հասակում, «Կորեա» ֆիլմում գլխավոր դերն էր։

Սթիվեն Սփիլբերգի «Փրկել շարքային Ռայանին» մարմնավորած դերից հետո, նա աշխատել է կինո և թատերական դերասան Քարել Ռայզի հետ՝ «Երկար օրը դառնում է գիշեր» դասական ամերիկյան պիեսի վրա, որի համար 21 տարեկանում ստացել է «Կյանքի ոգի» անկախ մրցանակը՝ «Երկրորդ պլանի լավագույն դերասան» անվանակարգում։

Դրանից հետո, Էվան ՄաքԳրեգորի հետ միասին խաղացել է «Նորա» ֆիլմում, Հենրի Ջեյմսի «Ամերիկացին» ֆիլմում խաղացել է Դայան Ռիգի և Մեթյու Մոդայնի հետ միասին, ապա առաջին անգամ Բրայան Քոքսի հետ միասին հանդես է եկել Քոնոր Մաքֆերսոնի «Դուբլինի երգը» ներկայացման մեջ՝ լոնդոնյան «Royal Court Theatre»-ում։ Ապա նա մասնակցել է «Երկարատևություն» դրամայում, որը նվաճել է BAFTA մրցանակ։ Խաղացել է նաև «Զենքի եղբայրներ» սերիալում, որը մի շարք մրցանակների է արժանացել։

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
1995 ֆ Կորեա Korea Իմոն Դոյլ
1998 ֆ Փրկել շարքային Ռայանին Saving Private Ryan
2000 ֆ Երկարատևություն Longitude Ջոն Քեմփբել
2000 ֆ Նորա Nora Մայքլ Բոդկին
2001 ֆ Զենքի եղբայրներ Band of Brothers
2012 ֆ Անջատում Blackout / դետեկտիվ Բևեն
2012 ֆ Քաղաքը The Town}}
2013 ֆ Լոք Locke Դոնալ
2013 ֆ Ամուրին The Stag Դևին
2013 ֆ Ժառանգություն Legacy Վիկտոր Կոզլով
2014 ֆ Ջիմիի սրահ Jimmy’s Hall հայր Շեյմուս
2014 ֆ Հպարտություն Pride Գեթին
2015 ֆ Վիկտոր Ֆրանկեշտեյն Victor Frankenstein Ռոդերիկ Տուրպին
2015 ֆ 007: Սպեկտր Spectre Մաքս Դենբի
2016 ֆ Ալիսան հայելիների աշխարհում Alice Through the Looking Glass բժիշկ Էդիսոն Բենեթ
2016 ֆ Դատարկ թագ․ վարդերի պատերազմ The Hollow Crown Լյուդովիկոս XI

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]