Շերլոկ (հեռուստասերիալ)

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Շերլոկ (այլ կիրառումներ)
Շերլոկ
Sherlock
Sherlock1.jpg
Ժանր դետեկտիվ
դրամա
Գլխավոր
դերերում
Բենեդիկտ Քամբերբեչ
Մարտին Ֆրիմեն
Երաժշտություն Դեվիդ Արնոլդ
Մայքլ Փրայս
Երկիր Մեծ Բրիտանիա Մեծ Բրիտանիա
Լեզու Անգլերեն
Հեռուստաալիք BBC One
Եթերաշրջանների քանակ 3
Սերիաների քանակ 9 (Սերիաների ցանկ)
Պրոդյուսեր Մարկ Գատիս
Սյու Վերչյու
Սթիվեն Մոֆֆաթ
Ռեժիսոր Փոլ ՄքԳուիգան
Յուրոս Լին
Թոբի Հեյնս
Քոլմ ՄքՔարտի
Նիք Հուրան
Ջերեմի Լավրինգ
Էկրաններին է Հուլիսի 22, 2010-ից
Սերիայի տևողություն 90 րոպե
Կապակցված հիմնված է Արթուր Կոնան Դոյլի Շերլոկ Հոլմս գրքի վրա
Կարգավիճակ Ընթացիկ
IMDb

Շերլոկ (անգլ.՝ Sherlock), անգլիական Hartswood Films ընկերության հեռուստանովել՝ նկարահանված BBC Wales-ի համար։ Սյուժեն հիմնված է սըր Արթուր Կոնան Դոյլի՝ հետախույզ Շերլոք Հոլմսին նվիրված ստեղծագործությունների վրա, բայց գործողությունները տեղի են ունենում մեր օրերում։ 2009 թվականին պատվիրվեց չցուցադրված, փորձնական էպիզոդ, իսկ 2010 թվականի հուլիսին և օգոստոսին BBC One և BBC HD հեռուսատաալիքներով ցուցադրվեցին առաջին եթերաշրջանի երեք իննսունրոպեանոց էպիզոդներ։ Երկրորդ եթերաշրջանը ցուցադրվեց 2012 թվականի հունվարին, իսկ երրորդը՝ 2014 թվականին՝ 2013 թվականին դեկտեմբերի 25-ին BBC One հեռուստաալիքով մինի-սերիաների ցուցադրումով։ 2014 թվականի հունվարի 8-ին Սթիվեն Մոֆֆաթը հաստատեց, որ հեռուստանովելը երկարաձգված է չորրորդ և հինգերորդ եթերաշրջանով,[1] և հույս հայտնեց, որ նոր էպիզոդները հնարավոր կլինի ավելի արագ պատրաստել, քան ավանդական դարձած 2 տարիները։[2]

Հեռուստանովելի հեղինակներն են Մարկ Գեթիսը և Սթիվեն Մոֆֆատը, որոնք հայտնի են «Բժիշկ Ով» և «Ջեքիլ» հեռուստանովելներով, իսկ Շերլոք Հոլմսի և դոկտոր Ջոն Վաթսոնի դերերը կատարում են համապատասխանաբար Բենեդիկտ Քամբերբեչը և Մարտին Ֆրիմենը։ Նկարահանումները տեղի են ունենում հիմնականում Լոնդոնում և Քարդիֆում։ Երեք եթերաշրջանների արդյունքներով հեռուստանովելը ստացել է դրական արձագանքներ, և ներկայացված է եղել մի քանի մրցանակների։ 2011 թվականին «Շերլոքը» դարձավ հեռուստատեսային BAFTA մրցանակակիր՝ «Լավագույն դրամատիկական հեռուստանովել» անվանակարգում։[3]

Համառոտ ակնարկ[խմբագրել | խմբագրել կոդը]

Հեռուստանովելը Արթուր Կոնան Դոյլի՝ խուզարկու Շերլոկ Հոլմսի և նրա գործընկեր Ջոն Վաթսոնի մասին պատմող ստեղծագործությունների ազատ ադապտացիա է։ Գործողությունները 19-րդ դարից տեղափոխված են 21-րդ դար․ խորհրդատու խուզարկու Շերլոկ Հոլմսը բնակարանի կենակից փնտրելիս ընկերոջ օգնությամբ ծանոթանում է Ջոն Վաթսոնի հետ, որը Աֆղանստանից վերադարձած ռազմական բժիշկ է։ Շերլոկն անմիջապես տպավորում է Վաթսոնին՝ պատմում է վերջինիս իր իսկ մասին․ այն մասին, որ ծառայել է Աֆղանստանում, և որ ոտքի ցավը փսիխոմատիկ բնույթ ունի։ Նրանք բնակություն են հաստատում Բեյքեր-սթրիթ համար 221 տանը՝ ծեր տանտիկին Հադսոնի մոտ։ Շերլոկը և Ջոնը միասին օգնում են Սքոթլանդ-Յարդին բարդ գործերը բացահայտելու գործում՝ օգտագործելով դիտման, վերլուծության, բացառման մեթոդները, ինչպես նաև ժամանակակից տեխնոլոգիաներ, ինպիսիք են համացանցն ու բջջային հեռախոսները։

Դերերում[խմբագրել | խմբագրել կոդը]

Եթերաշրջաններ[խմբագրել | խմբագրել կոդը]

Եթերաշրջան Սերիա Թողարկում DVD
Պրեմիերա Ավարտ Տարածաշրջան 2 Տարածաշրջան 1
1 3 25 Հուլիս 2010 8 Օգոստոս 2010 30 Օգոստոս 2010 9 Նոյեմբեր 2010
2 3 1 Հունվար 2012 15 Հունվար 2012 23 Հունվար 2012 22 Մայիս 2012
3 3 1 Հունվար 2014 12 Հունվար 2014 20 Հունվար 2014 11 Փետրվար 2014[4]

Ծանոթագրություններ[խմբագրել | խմբագրել կոդը]

  1. Paul Jones (8 января 2014)։ «Sherlock: We’ve plotted out the whole of series 4 and 5 reveals Steven Moffat» (անգլերեն)։ Radio Times։ Վերցված է 2014 թ․ հունվարի 9 
  2. Paul Jones (9 января 2014)։ «Sherlock season 4 could come sooner than expected: «We’re working on dates» says producer» (անգլերեն)։ Radio Times։ Վերցված է 2014 թ․ հունվարի 13 
  3. «Television Awards Winners in 2011» (անգլերեն)։ BAFTA։ Վերցված է 2012 թ․ հունվարի 23 
  4. Sherlock – Release Date is Announced for 'Season 3 on DVD and Blu-ray Disc, TVShowsOnDVD.com, 22 November 2013.