Դոկտոր Ով

Վիքիպեդիայից՝ ազատ հանրագիտարանից
Դոկտոր Ով
Doctor Who logo 1963-1967path.svg
Ժանր գիտական ֆանտաստիկա հեռուստատեսութ՛ունում, action fiction, գիտական ֆանտաստիկա և արկածային ֆիլմ
Գլխավոր
դերերում
Sylvester McCoy, Samuel Anderson, Pearl Mackie, Penelope Wilton, Jenna Coleman, Alex Kingston, Արթուր Դարվիլ, Քարեն Գիլան, John Barrowman, Catherine Tate, Freema Agyeman, Noel Clarke, Բիլի Փայփեր, Elisabeth Sladen, Kate O'Mara, Jon Pertwee, Թոմ Բեյքեր, William Hartnell, Տէյվիտ Թէնընթ, Պատրիկ Տրոտոն, Peter Capaldi, Jacqueline Hill, Colin Baker, Peter Davison, Paul McGann, William Russell, Քրիստոֆեր Էքստոն, Մետ Սմիթ, Carole Ann Ford, Peter Halliday, Sarah Sutton, Roy Skelton, Geoffrey Beevers, Katy Manning, Caroline John, Bonnie Langford, Nicholas Courtney, Deborah Watling, Frazer Hines, Լալա Ուորդ, Էրիկ Ռոբերտս, Roger Delgado, Richard Hurndall, Nicola Bryant, Peter Purves, John Leeson, John Scott Martin, Anthony Ainley, David Banks, Michael Sheard, Louise Jameson, Sophie Aldred, Anneke Wills, Peter Pratt, Mark Strickson, Janet Fielding և Ջոն Հըրթ
Երաժշտություն Murray Gold
Երկիր Flag of the United Kingdom.svg Միացյալ Թագավորություն
Հեռուստաալիք BBC One
Եթերաշրջանների քանակ 26, 10 և 36
Սերիաների քանակ 826±1 և 798
Ընկերություն BBC

Դոկտոր Ով (անգլ.՝ Doctor Who, հայ․՝ Դոկտոր Ով), բրիտանական գիտաֆանտաստիկ սերիալ, որը ստեղծվել է BBC-ի կողմից 1963 թվականին։ Այն պատմում է Դոկտորի՝ տիեզերքի և ժամանակի մեջ ճանապարհորդող մարդանման Ժամանակի Լորդի, արկածների մասին։ Նա ուսումնասիրում է տիեզերքը իր ԹԱՐԴԻՍ-ի՝ ժամանակի մեքենայի, մեջ, որը ավելի մեծ է ներսից քան թվում է։ Այն ունի կապույտ բրիտանական ոստիկանական հեռախոսախցիկի տեսք։ Նա ճանապարհորդում է ընկերների հետ, փրկում մարդկանց և ամբողջ աշխարհը։ Այս սերիալը կարևոր մաս է բրիտանական փոփ-մշակույթի մեջ։[1][2] Սկզբնապես այն ցուցադրվել էր 1963-1989 թվականներին։ 1996 թվականին ֆիլմի միջոցով տեղի ունեցավ անհաջող փորձ այն վերսկսելու: 2005 թվականին Ռասել Թի Դեյվիսը այն վերսկսեց և դարձավ սերիալի հիմնական սցենարիստը մինչև 2010: 21-րդ դարի առաջին եթերաշրջանում Դոկտորի դերը խաղաց Քրիստոֆեր Էքլսթոնը:[3] «Դոկտոր Ով»-ից բացի կան նաև ուրիշ սերալներ որոնք տեղի են ունենում նույն աշխարհում և ստեղծվել են «Դոկտոր Ով»-ի մեծ հաջոցության պատճառով: Դրանք են՝ Torchwood (2006-2011), The Sarah Jane Adventures (2007-2011), K-9 (2009-2010) և K-9 And Company (1981) սերիալի միակ սերիան:Դոկտորը, ինչպես ասվեց, Ժամանակի Լորդ է, և այդ պատճառով մահանալու փոխարեն նա կարող է կատարել վերածնունդ կամ ռեգեներացիա: Այդ պատճառով մենք մինչև օրս ունեցել ենք 13 դերասան ովքեր խաղացել են Դոկտորին:

Նախադրյալ[խմբագրել | խմբագրել կոդը]

«Դոկտոր Ով» սերիալը պատմում է Գալիֆրեյ մոլորակից Ժամանակի Լորդի մասին, ով փախչել է Գալիֆրեյից գողացած ԹԱՐԴԻՍի մեջ: ԹԱՐԴԻՍը ժամանակի մեքենա է, որը կարող է ստանալ յուրաքանչյուր իրի տեսք: Սակայն Դոկտորի ԹԱՐԴԻՍը մնացել է հին բրիտանական ոստիկանական հեռախոսախցիկի տեսքում: Դոկտորը սովորաբար ճանապարհորդում է ուղեկիցների հետ և հազվադեպ է մենակ: Նա չի օգտագործում զենքեր, այլ հակառակը՝ օգտագործում է անվնաս գործիքներ: Դոկտորը իր կյանքի ընթացքում հավաքել է շատ թշնամիներ, որոնցից ամենահաճախ հայտնվածներից են Դալեկները, Սայբրմենները և Մաստեր/Միսսին, ով նույնպես Ժամանակի Լորդ/Լեդի է: Մաստերը նույնպես տարբեր անգամներ ռեգեներացիա է կատարել և իր վերջին ռեգեներացիայի ժամանակ նա դարձավ կին:

Պատմություն[խմբագրել | խմբագրել կոդը]

«Դոկտոր Ով»-ն առաջին անգամ ցույց տվեցին 1963 թվականի նոյեմբերի 23-ին 17։16։20 GMT:[4][5] Այն 80 վայրկյան ուշացրեցին ամերիկյան նախագահ Ջոն Ֆ. Քենեդիի սպանության հայտարարման պատճառով։ Սիդնի Նյումանը հիմնականում պատասխանատու էր սերիալի զարգացման համար։ Սերիալի սկզբնական ֆորմատը գրել էին Նյումանը, Դոնալդ Ուիլսոնը, Ս․Է․Ուեբբերը, Էնթոնի Քոբըրնը, Դեյվիդ Ուայթեյքերը և պրոդյուսեր Վերիթի Լամբերտը, ով մեծ ներդրում է ունեցել «Դոկտոր Ով»-ի ստեղծման մեջ։[6] Այն սկզբնապես ընտանեկան, ուսումնական սերիալ էր[7], որը օգտագործում էր ժամանակի մեջ ճանապարհորդումը, որպես միջոց տիեզերքը ուսումնասիրելու և պատմական իրադարձություններ սովորելու համար։ 1963 թվականի հուլիսի 31-ին Ուայթեյքերը առաջադրանք տվեց Թերի Նեյշնին «Մուտանտներ» վերնագրով սերիայի սցենար գրել։ Սկզբնապես գրված էր, որ Դալեկները և Թալերը այլմոլորակայինների նեյտրոնային բոմբի զոհերն էին, բայց Նեյշնը հետագայում փոխեց սցենարը և դալեկներին դարձրեց չարագործներ: Երբ սցենարը ներկայացրին Նյումանին և Ուիլսոնին, այն միանգամից մերժվեց, որովհետև «Դոկտոր Ով»-ն թույլատրված չէր օգտագործել վախենալի հրեշներ։ Առաջին սերիան ցուցադրված էր և BBC-ն ուզում էր, որպեսզի հաջորդը լիներ մեծ հաջողություն, բայց «Մուտանտներ»-ից միակ պատրաստ սցենարն էր և նրանք այն չօգտագործելու ընտրություն չունեին։ Նեյշոնի սցենարը դարձավ «Դոկտոր Ով»-ի երկրորդ պատմվածքը և վերանվանվեց «Մուտանտներ»-ից «Դալեկներ»։ Դալեկները մինչև օրս «Դոկտոր Ով»-ի ամենահանրաճանաչ այլմոլորակայիններն են։[8] «Դոկտոր Ով»-ն ընթացավ 26 եթերաշրջան, մինչև 1989 թվականը, երբ վատ դիտումների քանակի պատճառով այն վերացրին։ 1996 թվականին դուրս եկավ «Դոկտոր Ով» - հեռուստաֆիլմ, որը հեռարձակվեց Fox ալիքով։ Այն շատ հաջողակ էր Բրիտանիայում (9.1 միլլիոն դիտում), բայց ոչ Ա․Մ․Ն․-ում։ Այդ պատճառով այն չհաջորդվեց սերիալով։[9] Բացի սերիալից կան նաև լիցենզավորված նովելներ և աուդիո-սերիաներ, որոնք շարունակվեցին «Դոկտոր Ով»-ի վերացումից հետո։ 2003 թվականի սեպտեմբերին հայտարարվեց «Դոկտոր Ով»-ի վերադարձը: Ղեկավար պրոդյուսերներն էին Ռասել Թի Դեյվիսը և Ջուլի Գարդները։

«Դոկտոր Ով»-ն վերջապես վերադարձավ 2005 թվականի մարտի 23ին «Ռոուզ» սերիայով և շարունակվում է մինչև օրս։[10] 2010 թվականին Սթիվեն Մոֆֆատը փոխարինեց Դեյվիսին։ 2016 թվականին նա հայտարարեց որ 2018 թվականին նրան կփոխարինի Քրիս Չիբնոլը։

Սերիաներ[խմբագրել | խմբագրել կոդը]

Առաջին 26 եթերաշրջանների ընթացքում պատմվածքները բաժանվում էին 4-6 սերիաների, որոնք ցուցադրվում էին մի քանի շաբաթվա ընթացքում։ Կային բացառություններ, օրինակ՝ «The Daleks' master plan» պատմվածքը, որը բաղկացած է 12 սերիայից, «Mission to the Unknown», «The War Games», «The Trial of a Time Lord»:

Ֆորմատը փոխվեց 2005-ին։ Ամեն եթերաշրջանը ընդգրկում է 13 45-րոպեանոց սերիա, որոնք կապված են ինչ-որ առանցքի հետ, որը սովորաբար լուծվում է եթերաշրջանի ֆինալում։

1993, 2005 և 2007 թվականներին ստեղծվել էին 48-րոպեանոց սերիաներ Children In Need բարեգործության համար։ 2008 թվականին ուրիշ մինի-սերիա էր ստեղծվել The Proms-ի համար։ 1993 թվականին ստեղծվեց Dimensions in Time երկու-մասանոց սերիան։ 2011 թվականին ստեղծվեց երկու-մասանոց մինի-սերիա Comic Relief բարեգործության համար։

2013 թվականին «Դոկտոր Ով»-ի 50 տարեդարձի սերիան ցուցադրվեց կինոթատրոններում ամբողջ աշխարհով մեկ։

Կորած սերիաներ[խմբագրել | խմբագրել կոդը]

1964-1973 թվականների միջև BBC-ի արխիվներից մեծ քանակությամբ կասետներ կա՛մ ջնջվել էին, կա՛մ կործանվել։ Դրանցից շատ էին «Դոկտոր Ով»-ի սերիաները, մեծամասնությամբ՝ առաջին և երկրորդ Դոկտորների սերիաները։ Առաջին վեց տարվա 253 սերիաներից 97-ը չեն գտնվում BBC-ի արխիվներում։

Որոշ սերիաներ վերադարձվել են BBC-ին այլ երկրներից, որոնք գնել էին պատճեններ հեռարձակման համար կամ մարդկանցից, ովքեր ձեռք էին բերել պատճեններ տարբեր ձևերով։ Բոլոր կորած սերիաների աուդիոները գոյություն ունեն:

Գոյություն ունեն նաև կադրից դուրս նկարներ՝ նկարված նկարիչ Ջոն Քյուրայի կողմից։ Սերիալը սիրողները օգտագործել են սրանք սերիաների վերակառուցումներում։ BBC-ն սրանք թույլատրել է այն պայմանով, որ չվաճառվեն անձնական շահույթի համար։

Ամենապահանջված կորած սերիաներից մեկն է Վիլիամ Հարտնելի վերջին սերիայի վերջին մասը, որի վերջում առաջին Դոկտորը փոխակերպվում է երկրորդին։

Հերոսներ[խմբագրել | խմբագրել կոդը]

Դոկտոր[խմբագրել | խմբագրել կոդը]

Սկզբում Դոկտորը գաղտնիք էր հանդիսատեսի համար։ Մենք միայն գիտեինք, որ նա տարօրինակ, շատ խելացի այլմոլորակային ճանապարհորդող է: Մի քիչ զայրացկոտ և աղետաբեր Դոկտորը արագորեն փափկացավ և ավելի կարեկցող դարձավ ժամանակի ընթացքում։ Նաև նրա մասին իմացանք, որ նա, Ժամանակի պատերազմից հետո, փախել է Գալիֆրեյից (նրա հայրենի մոլորակից), գողանալով Թարդիսը (ժամանակի մեքենան)։

Տեսքի փոփոխություններ[խմբագրել | խմբագրել կոդը]

Պրոդյուսերները ներկայացրեցին ռեգեներացիայի հասկացությունը դերասանի փոփոխության հնարավորության համար։ Նրանք առաջին անգամ սա արեցին Վիլիամ Հարտնելի վատառողջության պատճառով, բայց «ռեգեներացիա» տերմինը ներկայացրեց 3րդ Դոկտորը։ Առաջին Դոկտորը այն անվանեց «Նորոգում», իսկ երկրորդը՝ «Տեսքի Փոփոխություն»։

The Deadly Assassin և Mawdryn Undead սերիաների մեջ ասվել էր որ Ժամանակի Լորդը կարող է կատարել ռեգեներացիա միայն 12 անգամ։ The Time of the Doctor սերիայի մեջ Դոկտորը ստացավ ռեգեներացիաների նոր շրջան։

Դոկտորի դերասան Մարմնավորում Ժամանակ
Վիլիամ Հարտնել Առաջին Դոկտոր 1963-1966
Պատրիկ Տրաուտոն Երկրորդ Դոկտոր 1966-1969
Ջոն Փերթուի Երրորդ Դոկտոր 1970-1974
Թոմ Բեյքեր Չորրորդ Դոկտոր 1974-1981
Փիթեր Դեյվիսոն Հինգերորդ Դոկտոր 1982-1984
Քոլին Բեյքեր Վեցերորդ Դոկտոր 1984-1986
Սիլվեստեր Մաքքոյ Յոթերորդ Դոկտոր 1987-1989
Փոլ Մաքգան Ութերորդ Դոկտոր 1996
Քրիստոֆեր Էքլստոն Իններորդ Դոկտոր 2005
Դեյվիդ Թենանթ Տասներորդ Դոկտոր 2005-2010
Մեթ Սմիթ Տասնմեկերորդ Դոկտոր 2010-2013
Փիթեր Քափալդի Տասներկուերորդ Դոկտոր 2014-ներկա

Ընկերակիցներ[խմբագրել | խմբագրել կոդը]

Սերիալի ամենսկզբից Դոկտորը միշտ ընկերակից է ունեցել, ով իր հետ ճանապարհորդում է։ Դոկտորի ամենաառաջին ընկերակիցները՝ ում մենք տեսել ենք էկրանի վրա, եղել են իր թոռնուհի Սյուզան Ֆորմանը (Քերոլ Էն Ֆորդ) և նրա ուսուցիչներ Բարբարա Ռայթը (Ջեքլին Հիլ) և Իան Չեսթերթոնը(Վիլիամ Ռասել): Հանդիսատեսը սովորում է Դոկտորի մասին ընկերակիցների միջոցով: Կլասիկ ժամանակաշրջանի ամենահայտնի ընկերակիցներից են Ռոմանան (Մերի Թեմ և Լալա Ուորդ), Սառա Ջեին Սմիթը (Էլիզաբեթ Սլեիդն) և Ջո Գրանթը (Քեիթի Մենինգ): Դոկտորը հաճախ է նոր ընկերակիցներ գտնում և կորցնում: Երբեմն նրանք վերադառնում են տուն, երբեմն՝ մահանում։ Ընկերակիցները սովորաբար մարդիկ են կամ մարդանման այլմոլորակայիններ:

Հակառակորդներ[խմբագրել | խմբագրել կոդը]

Դալեկներ[խմբագրել | խմբագրել կոդը]

Դալեկների ռասան առաջին անգամ հայտնվել է «Դոկտոր Ով»-ի երկրորդ սերիայում: Դալեկը Դոկտորի ամենահին հակառակորդներից մեկն է: Դալեկները Սկարո մոլորակից գիտնական Դավրոսի կողմից մուտացիայի բերված և մեխանիկական զրահի մեջ փակված Քալեդներն են: Նրանց հիմնական թուլությունը իրենց աչքն է: Դալեկին հնարավոր է կուրացնել, որի պատճառով այն կսկսի խելագարվել: Նրանց կյանքի հիմնական իմաստը Դալեկներից բացի բոլոր արարածներին ոչնչացնելն է: Դալեկների ստեղծողը սցենարիստ Թերի Նեյշնն է և BBC-ի դիզայներ Ռեյմոնդ Քյուսիքը:

Սայբրմեն[խմբագրել | խմբագրել կոդը]

Սայբրմենները սկզբնապես Մոնդաս մոլորակից օրգանական և մարդանման ռասա էին, բայց նրանք սկսեցին մարմնի մասերը հերթով արհեստական մասերով փոխարինել: Դրա հետևանքով նրանք դարձան սառնասիրտ կիբօրգներ: 2006 թվականի եթերաշրջանը ներկայացրեց Սայբրմենների լրիվ նոր վարիացիա: Այս Սայբրմենները ստեղծվել էին զուգահեռ իրականությունում խելագար գյուտարար Ջոն Լյումիքի կողմից:

Մաստեր[խմբագրել | խմբագրել կոդը]

Մաստերը Դոկտորի ոխերիմ թշնամին է: Նա ռենեգատ ժամանակի լորդ է, ով ուզում է ամբողջ տիեզերքին իրեն ենթարկել: Հերոսը առաջին անգամ հայտնվել է 1971 թվականին: Քանի որ Մաստերը ժամանակի լորդ է, և Դոկտորի նման նույնպես կարող է վերածնվել, նրան նույնպես մի քանի դերասան են խաղացել: Նրանցից են Ռոջեր Դելգադոն, Ջոֆրի Բիվերզը, Էնթոնի Էինլին, Էրիկ Ռոբերթսը, Դերեկ Ջեքոբին, Ջոն Սիմը, Միշել Գոմեզը:

Երաժշտություն[խմբագրել | խմբագրել կոդը]

Սաունդթրեք[խմբագրել | խմբագրել կոդը]

«Դոկտոր Ով»-ինը ամենաառաջին էլեկտրոնային երաժշտություններից էր հեռուստատեսությունում և 5 դար անց այն դեռ ամենաճանաչելի երաժշտություններից մեկն է: Օրիգինալի հեղինակը Ռոն Գրեիներն էր:

Լոգոյի պատմությունը[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «The end of Olde Englande: A lament for Blighty»։ The Economist։ 14 September 2006։ Վերցված է 18 September 2006 
    «ICONS. A Portrait of England»։ Վերցված է 10 November 2007 
  2. Moran Caitlin (30 June 2007)։ «Doctor Who is simply masterful»։ The Times (London)։ Վերցված է 1 July 2007։ «[Doctor Who] is as thrilling and as loved as Jolene, or bread and cheese, or honeysuckle, or Friday. It's quintessential to being British.» 
  3. Gurudata Andrew։ «Rage Against the Machine»։ Enlightenment (147) 
  4. Howe, Stammers, Walker (1994), p. 54
  5. «An Unearthly Child»։ BBC։ 16 August 2012 
  6. Howe, Stammers, Walker (1994), pp. 157–230 ("Production Diary")
  7. Howe, Stammers, Walker (1992), p. 3.
  8. Steve Tribe, James Goss Dr Who: The Dalek Handbook In episode 35 of Season 2 the mysterman known as Micah Anderson came out many say he's a myth, but in this episode he comes out. BBC Books Random House 2011 ISBN 978-1-84990-232-8 Pg9
  9. Doctor Who Magazine Eighth Doctor Special, Panini Comics 2003
  10. «Doctor Who is Saturday night hit»։ BBC։ Վերցված է 24 October 2013