Քրիստոֆեր Էքլստոն

Վիքիպեդիայից՝ ազատ հանրագիտարանից
Jump to navigation Jump to search
Քրիստոֆեր Էքլստոն
Christopher Eccleston London.jpg
Ծնվել էփետրվարի 16, 1964(1964-02-16)[1][2] (55 տարեկան)
ԾննդավայրLangworthy, Greater Manchester, Միացյալ Թագավորություն
ԿրթությունԽոսքի և դրամայի կենտրոնական դպրոց[3] և University of Salford
ՔաղաքացիությունFlag of the United Kingdom.svg Միացյալ Թագավորություն
Մասնագիտությունդերասան, հեռուստատեսային դերասան, կինոդերասան, ճանապարհորդ հետազոտող, բնավորության դերասան և թատրոնի դերասան
christophereccleston.com

Քրիստոֆեր Էքլստոն (անգլ.՝ Christopher Eccleston, ծնվել է 1964 թվականի փետրվարի 16-ին` Սոլֆորդում, Լանկաշիր (այժմյան Մեծ Մանչեսթերը) Անգլիա), ամերիկյան թատրոնի, կինոյի և հեռուստատեսության դերասան: Իր դերերով հայտնի է այնպիսի ֆիլմերում, ինչպիսին են « Ոչ խոր գերեզման», «Էլիզաբեթ», «28 օր անց» և «Կոբրայի թռիչքը»: 2005 թվականին «Բժիշկ ով» հեռուստասերիալում դարձել է բժշկի կերպարի իններորդ մարմնավորողը, որտեղ նրա աչքի ընկնող «ֆանտաստիկա» (անգլ.՝ Fantastic!) ֆրազան շատ հայտնի է դարձել: Էքլստոնը նաև խաղացել է անտեսանելի-մարդ Կլոդի դերը «Հերոսները» արկածային հեռուստասերիալի մեջ:

Վաղ կյանք[խմբագրել | խմբագրել կոդը]

Քրիստոֆերը ծնվել է 1964 թվականի փետրվարի 16-ին Սոլֆորդ քաղաքում, Մեծ Մանչեսթեր , Հյուսիսային Անգլիա, աշխատավորների ընտանիքում: Նա իրենց ընտանիքում երեք եղբայրներից ամենափոքրն է[4]: Սովորել է Սոլֆորդյան տեխնիկական քոլեջում[5]: Քրիստոֆերն ունի երկու զույգ եղբայր, ովքեր իրենից ութ տարով մեծ են: Նրանցից մեկը` Ալենը, իր հետ միասին նկարահանվել է «Սիրտ» («Heart») ֆիլմում[6][7]։ Մանկուց երազել է խաղալ Մանչեսթեր Յունայթեդ ֆուտբոլային ակումբում: Սակայն հասկանալով, որ իր կոչումը դերասանական վարպետությունն է, և որ նա ավելի լավ դերասան կլինի քան թե ֆուտբոլիստ, սկսեց իրականացնել իր գաղափարը: Քրիստոֆերը սովորել է Ճարտասանակն արվեստի և դրամայի Կենտրոնական դպրոցում (Central School of Speech and Drama, Լոնդոն)[8]։ Մասնակցություն է ունեցել Շեքսպիրի, Մոլիերի, Չեխովի դասական պիեսներում: Իր դեբյուտի ավարտից հետո «Bristol Old Vic’s production of A Streetcar Named Desire»-ում, մի քանի տարի եղել է գործազուրկ և աշխատել սուպերմարկետներում ու փորձել աշխատել որպես մոդել-նկարիչ:

Կարիերա[խմբագրել | խմբագրել կոդը]

1991—2005[խմբագրել | խմբագրել կոդը]

Առաջին ֆիլմը Քրիստոֆեր Էքլստոնի մասնակցությամբ դուրս է եկել 1991 թվականին` «Թող ստանա իրենը»: Ֆիլմի հերոսը Դարեք Բենթլին է, որը էպիլեպտիկ է և խելառ, իսկ հենց ֆիլմը հիմնված է իրական դեպքերի վրա: Ավելի ուշ նա նկարահանվել է հեռուստատեսային «Հրթիռային մեթոդ» սերիալում (1993-1994), և չնայած, որ իր կերպարը` քննիչ Դեյվիդ Բիլբորոն մահանում է առաջին եթերաշրջանի սկզբում, նրան նկատել են և հիշել որպես դերասանի: Փոքր-ինչ ուշ նա նկարահանվել է Դեննի Բոյլի քիչ բյուջե ունեցող Ոչ խոր գերեզման («Shallow Grave») ֆիլմում, Էվան ՄաքԳրեգորի հետ միասին: Նույն տարում նա ստանում է իր առաջին մրցանակը` British Academy Television Awards-ը, Նիկի Հաթչիսոնի դերի համար, որը իրեն հայտնի է դարձրել նաև Բի-Բի-Սի-2 հեռուստաալիքի «Մեր հյուսիսային ընկերները» («Our Friends in the North») շոուում: Սթիվեն Բակստերի դերը «Երկրորդ գալուստ» մինի-սերիալում, նրան հնարավորություն տվեց BAFTA TV Award-ում ունենալ «Լավագույն դերասան» կոչումը, սակայն շուտով այդ կոչումը տրվեց Բիլ Նային, որը հետագայում փորչել է տանել 9-րդ Բժշկի դերը[9]։ Նրա ֆիլմի գործընկերները եղել են այնպիսի հոլիվուդյան դերասանուհիներ, ինչպիսիք են Ռենե Զելվեգերը` «Ռուբինի գինը»(«A Price Above Rubies») ֆիլմում և Քեմերոն Դիասը Անտեսանելի կրկես(«The Invisible Circus») ֆիլմում:

Անձնական կյանք[խմբագրել | խմբագրել կոդը]

Քրիստոֆերը շատ գաղտնապահ է, դերասանի անձնական կյանքից շատ քիչ բան է հայտնի: Չնայած որ իր մայրը կրոնավոր է եղել, ինքը` Էքլստոնը աթեիստ է[10][11]։ Նա Մանչեսթեր Յունայթեդի հավատարիմ երկրպագուն է,[12] ամեն տարի մասնակցում է մարաթոնյան մարցավազքին, զբաղվում է բարեգործությամբ (Mencap и British Red Cross)[13]։ Քրիստոֆեր Էքլստոնը ամուսնացած է, 2012 թվականի փետրվարին ծնվել է նրա առաջնեկը` Ալբերտը[14][15]։

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]