Jump to content

Ալիսան հայելիների աշխարհում

Վիքիպեդիայից՝ ազատ հանրագիտարանից
Ալիսան հայելիների աշխարհում
անգլ.՝ Alice Through the Looking Glass
Երկիր ԱՄՆ
Ժանրֆենթեզի ֆիլմ, գրական ստեղծագործության էկրանավորում և ֆիլմ-հեքիաթ
ՀիմքԱլիսը Հայելու աշխարհում[1]
Թվականմայիսի 26, 2016[2][3], մայիսի 27, 2016[4], մայիսի 27, 2016[5] և հունիսի 2, 2016[6]
Լեզուանգլերեն
ՌեժիսորՋեյմս Բոբին[7]
ՊրոդյուսերԹիմ Բարթոն[1], Ջո Ռոթ[8], Սյուզան Թոդ[8] և Ջենիֆեր Թոդ[8]
Սցենարի հեղինակԼինդա Վուլվերտոն[8]
ԴերակատարներՄիա Վասիկովսկա[4], Ջոնի Դեփ[9][1], Հելենա Բոնեմ Քարթեր[1], Սաշա Բարոն Քոհեն[1], Էն Հեթուեյ[1], Էդ Սփելիրս[1], Ռիս Իվանս[1], Մեթ Լուկաս[1], Լինդսի Դունկան[1], Լեո Բիլ[1], Ջերալդին Ջեյմս[1], Էնդրյու Սքոթ[1], Ռիչարդ Արմիտաժ[1], Հեթի Մորահան[1], Լուիս Էշբորն Սերքիս[1], Ջոաննա Բոբին[1], Ամելիա Քրաուչ[1], Լեյլա դե Մեսա[1], Սիմոնա Քիրբի[1], Ջո Հերսթ[1], Շիվան Ռեդմոնդ[1], Օլիվեր Հոքս[1], Ֆրեդերիկ Վարդեր[1], Eve Hedderwick Turner?[1], Թոմ Գոդվին[1], Դենիել Հոֆման-Ջիլ[1], Jamie Baughan?[1], Մեթ Ուիլման[1], Siobhán McSweeney?[1], Ռիչարդ Սիմս[1], Նեյլ Էդմոնդ[1], Բիլ Թոմաս[1] և Քրեյգ Մաթեր[1]
ՕպերատորՍտյուարտ Դրայբյորգ[1]
ԵրաժշտությունԴենի Էլֆման[1]
ՄոնտաժԷնդրյու Վայսբլում[1]
Պատմվածքի վայրԼոնդոն
ԿինոընկերությունWalt Disney Pictures[1], Roth Films[1], Team Todd[1] և Tim Burton Productions[1]
Տևողություն113 րոպե[10]
Բյուջե170 000 000 $[11]
Շահույթ77 041 381 $[12], 299 457 024 $[12] և 4 238 576 €[5]
Պաշտոնական կայքէջ
 Alice Through the Looking Glass (2016 film) Վիքիպահեստում

«Ալիսան հայելիների աշխարհում» (անգլ.՝ Alice Through the Looking Glass), ռեժիսոր Ջեյմս Բոբինի, սցենարիստ Լինդա Վուլվերթոնի և պրոդյուսեր Թիմ Բարթոնի ամերիկյան ֆենտեզի արկածային ֆիլմ, որը նկարահանվել է Լուիս Քերոլի համանուն վեպի հիման վրա։ «Ալիսան հրաշքների աշխարհում» ֆիլմի շարունակությունն է։ Դերերը կատարել են Միա Վասիկովսկան, Էնդրյու Սքոթը, Ջոնի Դեփը, Հելենա Բոնեմ Քարթերը, Էն Հեթուեյը և Սաշա Բարոն Կոենը։ Պրեմիերան Ռուսաստանում կայացել է 2016 թվականի մայիսի 26-ին, ԱՄՆ-ում՝ 2016 թվականի մայիսի 27-ին[13]։ Ֆիլմը նվիրված է Ալան Ռիքմանի հիշատակին, որում նա խաղացել է իր վերջին՝ Աբսոլեմա թիթեռի դերը[14]։

Սյուժե

[խմբագրել | խմբագրել կոդը]

Ահարկու փոթորիկ։ «Հրաշք» անունով մի նավ, որի նավապետն է Ալիսա Քինգսլին, հեռանում է ծովահեններից։ Խաբեբայական ճանապարհով Ալիսան ստիպում է թշնամական նավերին ծանծաղուտ ընկնել, և հրամայում է ուղղություն վերցնել դեպի Լոնդոն։ Տուն վերադառնալով՝ նա Ջեյմս Հարկորտից իմանում է լորդ Էսկոտի՝ Հեմիշի հոր մահվան մասին, որն ուզում էր ամուսնանալ Ալիսայի հետ։

Այդ նույն երեկոյան նրանք ժամանում են պարահանդես, և Ալիսան իմանում է, որ իր մայրը՝ Հելենը վաճառել է իր նախկին ամուսնու՝ Չարլզի ընկերության 10%-ը։ Ալիսան կշտամբում է իր մորը նրա անխոհեմ արարքի համար և պատմում մորը այն բանի մասին, որ միշտ ուզում էր ճանապարհորդել իր սեփական նավով։ Նա փախչում է պարտեզ, որտեղ հանդիպում է իր հին ընկեր, նախկինում՝ թրթուր, իսկ ներկայումս՝ Աբսոլեմա թիթեռին։ Ալիսան անցնում է հայելու միջով և հայտնվում Հրաշքների աշխարհում։

Նա ընկնում է երկնքից և հայտնվում Սպիտակ թագուհու և իր ընկերների դղյակի առջև, ովքեր, ինչպես պարզվում է, սպասում էին նրան։ Նրանք պատմում են նրան, որ Գլխարկագործը, զբոսնելով Տումտում անտառի թավուտներում, գտել է իր առաջին թղթե գլխարկը, որը նա ժամանակին նվիրել էր իր հորը՝ Զանիկ Ցելինդրին, և տարիներ շարունակ մտածում էր, որ հայրը այն նետել է։ Այժմ Թարրանտ Ցելինդրը հուսհատված մտածում է, որ իր հարազատները մինչ օրս կենդանի են, և ուզում է գտնել նրանց։

Ալիսան ուղևորվում է նրա մոտ և ասում, որ նրա ընտանիքը մահացած է և այն անհնար է վերադարձնել։ Սակայն Գլխարկագործը վռնդում է նրան և ասում, որ իրական Ալիսան կհավատար իրեն։ Սպիտակ թագուհին և սպիտակ նապաստակը հիշեցնում են մի ինչ-որ Խրոնոսֆերայի և դեպի անցյալ ճանապարհորդությունների մասին։ Միրանան պնդում է, որ Գլխարկագործի ընտանիքին հնարավոր էր փրկել մահից։ Հնամենի ժամացույցի միջոցով Ալիսան անցնում է մի ուրիշ աշխարհ և հայտնվում Ժամանակի դղյակում։ Հայտնվելով այնտեղ, նա նկատում է տարօրինակ փոքրիկ արարածներ, այնուհետև հենց՝ Ժամանակին։

Ժամանակը ոչ միայն ուշադիր հետևում է երկրի բոլոր բնակիչներին, այլ նաև որոշում, թե ում կյանքի ժամկետն է սպառվում։ Նա «Ստորերկրյա հանգուցյալ քաղաքացիների» դահլիճում կախում է փակված ժամացույցներ, որոնք ցույց են տալիս յուրաքանչյուր բնակչի կյանքի ժամկետը։ Ժամանակը նկատում է Ալիսային և հարցնում, թե ինչի համար է նա ժամանել իր դղյակ։ Ալիսան խնդրում է նրանից Խրոնոսֆերան, որպեսզի փրկի Գլխարկագործին, բայց ժամանակը մերժում է Ալիսայի խնդրանքը։ Խրոնոսֆերան պետք էր նաև Կարմիր Թագուհուն, ով ուզում է վռեժ առնել իր կրտսեր քրոջից։ Դղյակից հեռանալով, Ալիսան գողանում է Խրոնոսֆերան և հեռանում, իսկ Իրացիբետան հրամայում է Ժամանակին փնտրել ու հետ բերել նրան Խրոնոսֆերան։

Ճանապարհորդելով Ժամանակի օվկիանոսով՝ Ալիսան հայտնվում է Մրամորեալյան քույրերի թագադրման օրը, որտեղ նկատում է երիտասարդ Գլխարկագործին։ Արարողության ժամանակ, Գլխակագործը ամբողջ դահլիճին ստիպում է ծիծաղել Իրացիբետայով և վերջինիս մեծ գլխով, և ի պատասխան այդ ծաղրանքին Իրացիբետան խոստանում է, որ նրանք բոլորը պատասխան կտան դրա համար։ Իրացիբետայի հայրը զրկում է նրան գահ բարձրանալու իրավունքից, վերջինիս մահից հետո։ Զանիկ Ցելինդրը ասում է իր որդին, որ միշտ ստիպում է իրեն ամաչել բոլորի առջև, և Թարրանտը հեռանում է։ Ալիսան ուզում է կանգնեցնել նրան, նախազգուշացնելով, որ նա (այսինքն Թարրրանտը) ապագայում կարող է կորցնել իր հարազատներին, ոչինչ չանելով նրանց փրկության համար, բայց միևնույն է Գլխարկագործը հեռանում է։

Դղյակում Միրանան ներողություն է խնդրում Գլխարկագործի ընտանիքից և հիշեցնում այն օրը, երբ երեկոյան ժամը վեցին Իրացիբետան փախչելով դղյակից ընկել և գլուխը հարվածել է հրապարակում գտնվող արձանին, և այդ օրվանից քույրերի միջև վեճեր են առաջանում։ Ալիսան ուղևորվում է հենց այդ օրը, կանխելու համար Իրացիբետայի հարվածը ժամացույցին։ Ալիսան հանդիպում է փոքրիկ Գլխարկագործին, և նա նրան հրավիրում է իրենց տուն, նրա համար գլխարկ կարելու համար։ Թղթե գլխարկը, որը Թարրանտն էր գործել, հորը դուր չեկավ և նա այն դեն նետեց։ Ալիսան շտապում է դեպի այն վայրը, որտեղ որ պետք է հայտնվեր Իրացիբետան։

Մինչդեռ դղյակում Միրանան, չնայած մոր արգելքի, վերցնում է թխվածքի մնացորդներն ու վազում իր սենյակ գաղտնի ուտելու դրանք։ Մի քանի փշրանքներ ընկնում են գետնին, և նա հավաքում է դրանք և լցնում իր քրոջ անկողնու տակ։ Նրանք վիճում են, և Միրանան ամբողջովին հերքում է իր մեղքը, իսկ Իրացիբետան պատիժ է ստանում և փախչում տնից։ Ալիսան փորձում է նախազգուշացնել նրան իր ճակատագրական հարվածի մասին, բայց միևնույն է Իրացիբետան սայթաքում է և ընկնում, հարվածելով գլուխը արձանին, ինչի արդյունքում նրա գլուխը սաստիկ ուռչում է։

Ժամանակը փորձում է պարզել Գլխարկագործից, Սոնիից և Նապաստակից Ալիսայի գտնվելու վայրը, բայց նրանք միայն ծաղրում են նրան։ Ժամանակը գտնում է Ալիսային հետ է պահանջում իր Խրոնոսֆերան, բայց նա անցնում է հայելու միջով և հայտնվում հոգեբուժական հիվանդանոցում, որտեղ նրա մայրը ասում է, որ արել է դա միայն բարի նպատակներով։ Ալիսան փախչում և հայտնվում է այն Սարսափելի օրը, որտեղ հասկանում է, որ Գլխարկագործի ընտանիքը իսկապես կենդանի է։ Ուղղակի Իրացիբետան նրանց գերի է վերցրել։

Ալիսան վերադառնում է իր Հրաշքների աշխարհ գալու օրը, սակայն գտնում է Գլխարկագործին գրեթե մահացած և ասում է նրան, որ նրա հարազատները կենդանի են և նրանց հնարավոր է գտնել։ Գլխարկագործը վերակենդանանում է և Ալիսայի հետ միասին ուղևորվում Կարմիր թագուհու մոտ, գտնելու համար իր ընտանիքը։ Արդյունքում նրանց գտնում են փոքրացված վիճակում և մրջյունների համար նախատեսված փոքրիկ տնակում։ Իրացիբետան խլում է Խրոնոսֆերան Ալիսայից, մինչ այդ ձերբակալելով Ժամանակին, և տանում իր հետ Միրանային այն օրը, երբ նրա քույրը չկարողացավ խոստովանել իր մեղքը, չնայած նրան, որ Ժամանակը զգուշացրեց Իրացիբետային, որ եթե նա հանդիպի իր նախատիպին մանուկ տարիքում, ամբողջ աշխարհը կփլուզվի։

Այնուամենայնիվ նույնիսկ անցյալում Միրանան չի կարողանում ճշմարտությունն ասել, և Իրացիբետան ներխուժում է սենյակ, որտեղ հանդիպում է իր նախատիպի հետ։ Ամեն ինչ սկսում է քարանալ։ Գլխարկագործն ու Ալիսան վերցնում են Սպիտակ Թագուհուն և ճամփորդում Ժամանակի Օվկիանոսով, տեղափոխվելով ներկա, և ուղևորվում են Ժամանակի դղյակ։ Շուրջբոլորը քարանում է, և Ժամանակը փորձում է օգնել Ալիսային ժամանակին տեղ հասցնել Խրոնոսֆերան, բայց նա նույնպես քարանում է։ Խրոնոսֆերայի և ժամանակի միջև վերականգնվում է կապը, և ամեն ինչ իր տեղն է վերադառնում։ Միրանան ներողություն է խնդրում Իրացիբետայից և նրանք վերջապես հաշտվում են։

Ալիսան ներողություն է խնդրում Ժամանակից և տալիս է նրան իր հոր ժամացույցը, որը վաղուց չի աշխատում, բայց նա պահում էր այն որպես հիշատակ։ Գլխարկագործի ընտանիքը վերադառնում է նախկին կյանքին, և Զանիկ Ցելինդրը իր խոսքերի համար ներողություն է խնդրում Թարրանտից։ Ալիսան հեռանում է Հրաշքների աշխարհից, բայց Գլխարկագործը ասում է նրան, որ նրանք դեռ կհանդիպեն։ Էսկոտների տուն վերադառնալով նա խնդրում է միսս Քինգսլիին ստորագրել փաստաթղթերը, ասելով, որ նավը՝ իր երազանքն է, իսկ մայրը մի հատ։ Հեմիշ Էսկոտը ծաղրում է նրանց, իսկ Հելենը ասում է, որ ուրախ է, որ իր աղջիկը չի ամուսնացել նրա հետ, և պատռում է պայամնագիրը, հայտնելով, որ նրանք Ալիսայի հետ կապրեն այնպես, ինչպես որ կցանականան։ Ալիսան բացում է իր սեփական «Քինգսլի» ընկերությունը և շարունակում իր ճամփորդությունները իր մոր հետ միասին։

Դերերում

[խմբագրել | խմբագրել կոդը]

Հնչյունավորում

[խմբագրել | խմբագրել կոդը]

Արտադրություն

[խմբագրել | խմբագրել կոդը]
Ֆիլմի նկարահանման ժամանակ օգտագործվել են՝ Գլոստերի նավանորոգարանների նավերը (2014 թվական, օգոստոս)

2012 թվականի դեկտեմբերիբ 7-ին «Variety» լրագրում հայտնվեց ինֆորմացիա՝ «Ալիսան հրաշքների աշխարհում» ֆիլմի մշակման մասին[16]։ 2013 թվականի մայիսի 31-ին «Disney» ստուդիան առաջարկեց Ջեյմս Բոբինին դառնալ «Alice in Wonderland: Into the Looking Glass» ֆիլմի ռեժիսոր[17]։

2013 թվականի հուլիսին հայտնի դարձավ, որ Ջոնի Դեփը կշարունակի Գլխարկագործի դերը[18]։ Այդ նույն տարվա նոյեմբերին հայտնվեց ինֆորմացիա, որ Միա Վասիկովսկայան Ալիսայի դերի համար արդեն պայմանագիր է ստորագրել[19]։

Նոյեմբերի 22-ին հայտարարվեց, որ ֆիլմի թրեյլերը կհայտնվի էկրաններին 2016 թվականի մայիսի 27-ին և որ ռեժիսորը կլինի՝ Ջեյմս Բոբինը[19]. 2014 թվականի հունվարի 21-ին ֆիլմը վերանվանվեց՝ «Alice in Wonderland: Through the Looking Glass»[20]: 2014 թվականի հունվարի 21-ին Սաշա Բարոն Կոենը միացավ ֆիլմի դերասանական կազմին։ Նա կդերակատարի գլխավոր հերոսներից մեկին՝ Ժամանակին[21]։ 2014 թվականի մարտին հաստատվեց, որ Հելենա Բոնեմ Քարթերը շարունակելու է Կարմիր Թագուհու դերը[22]։ 2014 թվականի մայիսին Րիս Իվանսը լրացրեց ֆիլմի դերասանների շարքը։ Նա կդերակատարի Խենթ Գլխարկագործի հորը՝ Զանիկ Ցելինդրին[23]։

Նկարահանումներ

[խմբագրել | խմբագրել կոդը]

Հիմնական նկարահանումները սկսվել են 2014 թվականի օգոստոսի 4-ին Shepperton Studios ստուդիայում[24]։ Այդ նույն տարվա օգոստոսին, նկարահանումներն անցնում էին Գլոստեր քաղաքի նավանորոգարաններում, և արդյունքում ֆիլմի համար օգտագործվել են՝ «Kathleen and May», «Irene», «Excelsior» և «Earl of Pembroke» 4 պատմական նավերը։ «Earl of Pembroke» նավը հատուկ ֆիլմի համար վերանվանվեց «The Wonder»[25][26][27][28][29]: Հիմնական նկարահանումներն ավարտվել են 2014 թվականի հոկտեմբերի 31-ին[30]։ Համակցված կինոնկարահանումների արտադրությունն ու ֆիլմի ձևակերպությունն ավարտվել է 2015 թվականի հունվարի 26-ին։

Պրեմիերա

[խմբագրել | խմբագրել կոդը]

Ֆիլմի պրեմիերան Լոնդոնում կայացավ 2016 թվականի մայիսի 10-ին, իսկ մայիսի 27-ին ֆիլմը հայտնվեց ԱՄՆ-ի կինոթատրոնների էկրաններին[31][32]։

Երաժշտություն

[խմբագրել | խմբագրել կոդը]

Ֆիլմի սաունդթրեքը, գրված՝ Դենի Էլֆմանի կողմից, թողարկվել է վաճառքի, ֆիլմի համաշխարհային պրեմիերայի օրը։

Բոլոր երգերի հեղինակն է՝ Դենի Էլֆման։

# Անվանում Տևողություն
1. «Alice»   6:35
2. «Saving the Ship»   3:40
3. «Watching Time»   5:10
4. «Looking Glass»   3:30
5. «To the Rescue»   0:56
6. «Hatter House»   3:47
7. «The Red Queen»   2:29
8. «The Chronosphere»   4:15
9. «Warning Hightopps»   2:23
10. «Tea Time Forever»   1:45
11. «Oceans of Time»   1:15
12. «Hat Heartbreak»   2:27
13. «Asylum Escape»   4:06
14. «Hatter's Deathbed»   3:22
15. «Finding the Family»   2:04
16. «Time Is Up»   4:24
17. «World's End»   1:50
18. «Truth»   4:09
19. «Goodbye Alice»   2:13
20. «Kingsleigh & Kingsleigh»   1:19
21. «Seconds Song»   0:11
22. «Friends United»   1:06
23. «Time's Castle»   1:49
24. «The Seconds»   1:55
25. «Clock Shop»   0:50
26. «They're Alive»   2:23
27. «Story of Time»   3:03
28. «Just Like Fire» (Փինկ) 3:35
76:53

Քննադատություն

[խմբագրել | խմբագրել կոդը]

Ֆիլմը կինոքննադատների կողմից, հիմնականում բացասական արձագանքներ ստացավ։ Rotten Tomatoes կայքի խմբագիրը, ֆիլմին տվեց 30%, 215 կայքերի տված գնահատականների հիման վրա, 10 միավորից տալով 4,6 միջին գնահատական։

Alice Through the Looking Glass: Original Motion Picture Soundtrack
()
Դենի Էլֆմանի ստուդիական ալբոմ
Թողարկված2016 թվականի մայիսի 27
Ձայնագրված2016 թվականին
ԺանրՓոփ ռոք
նվագախմբային երաժշտություն
Տևողություն76:53
ԼեզուԱնգլերեն
ԼեյբլWalt Disney Records
ՊրոդյուսերԴենի Էլֆման
Դենի Էլֆմանի ալբոմների ժամանակագրություն
Goosebumps (Original Motion Picture Soundtrack) (2015) Alice Through the Looking Glass
(2016) 		Before I Wake (2016)

Ծանոթագրություններ

[խմբագրել | խմբագրել կոդը]
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 1,22 1,23 1,24 1,25 1,26 1,27 1,28 1,29 1,30 1,31 1,32 1,33 1,34 1,35 1,36 1,37 1,38 1,39 1,40 Alice Through the Looking Glass Press Kit — The Walt Disney Company.
  2. ↑ Kinopolis (գերմ.) — 1905.
  3. ↑ Internet Movie Database — 1990.
  4. ↑ 4,0 4,1 Bahr L. 'Alice in Wonderland 2' and 'The Jungle Book' snag release dates // Entertainment Weekly — NYC: Meredith Corporation, 2013. — ISSN 1049-0434; 2169-3188
  5. ↑ 5,0 5,1 Base de datos de películas calificadas
  6. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  7. ↑ Graser M., Kroll J. James Bobin in Early Talks to Direct ‘Alice in Wonderland’ Sequel (EXCLUSIVE) // Variety — New York, Los Angeles, CA: Variety Media, Penske Media Corp., 2013. — ISSN 0042-2738
  8. ↑ 8,0 8,1 8,2 8,3 Graser M., Kroll J. Disney mad for ‘Alice in Wonderland’ sequel // Variety — New York, Los Angeles, CA: Variety Media, Penske Media Corp., 2012. — ISSN 0042-2738
  9. ↑ Finke N. Johnny Depp Finalizing ‘Alice In Wonderland 2’ // Deadline Hollywood — 2013.
  10. ↑ https://www.amctheatres.com/movies/alice-through-the-looking-glass
  11. ↑ http://www.boxofficemojo.com/movies/?id=alice2.htm
  12. ↑ 12,0 12,1 https://www.boxofficemojo.com/movies/?id=alice2.htm
  13. ↑ James Bobin; Johnny Depp, Anne Hathaway, Helena Bonham Carter, Sacha Baron Cohen (2016 թ․ մայիսի 27). «Alice Through the Looking Glass». Վերցված է 2016 թ․ ապրիլի 14-ին.{{cite web}}: CS1 սպաս․ բազմաթիվ անուններ: authors list (link)
  14. ↑ Loughrey, Clarisse (2016 թ․ հունվարի 14). «Alan Rickman movies: Late actor has two more films out this year». The Independent (անգլերեն). Վերցված է 2016 թ․ հունվարի 15-ին.
  15. ↑ 15,00 15,01 15,02 15,03 15,04 15,05 15,06 15,07 15,08 15,09 15,10 «Alice in Wonderland 2 Cast Announced as Production Begins Today». Collider.com. 2014 թ․ օգոստոսի 4. Վերցված է 2014 թ․ օգոստոսի 4-ին.
  16. ↑ Graser, Marc (2012 թ․ դեկտեմբերի 7). «Disney mad for 'Alice in Wonderland' sequel». Variety.
  17. ↑ «James Bobin in Early Talks to Direct 'Alice in Wonderland' Sequel (EXCLUSIVE)». Variety. Վերցված է 2014 թ․ հոկտեմբերի 4-ին.
  18. ↑ Bahr, Lindsay (2013 թ․ հուլիսի 12). «Johnny Depp Finalizing 'Alice In Wonderland 2′». Deadline Hollywood. Վերցված է 2013 թ․ հուլիսի 18-ին.
  19. ↑ 19,0 19,1 Finke, Nikki (2013 թ․ նոյեմբերի 22). «'Alice in Wonderland 2' and 'The Jungle Book' snag release dates». Entertainment Weekly. Արխիվացված է օրիգինալից 2013 թ․ նոյեմբերի 23-ին. Վերցված է 2013 թ․ նոյեմբերի 23-ին.
  20. ↑ «Alice In Wonderland 2 Now Titled Through The Looking Glass, Sacha Baron Cohen In Talks». CinemaBlend.com. 2014 թ․ հունվարի 21. Վերցված է 2014 թ․ օգոստոսի 4-ին.
  21. ↑ «Sacha Baron Cohen Eyes 'Wonderland' Sequel 'Through the Looking Glass' (EXCLUSIVE)». Variety. 2014 թ․ հունվարի 21. Վերցված է 2014 թ․ օգոստոսի 4-ին.
  22. ↑ «Helena Bonham Carter's Red Queen Heads Through the Looking Glass». ComingSoon.net. 2014 թ․ մարտի 12. Արխիվացված է օրիգինալից 2014 թ․ հոկտեմբերի 6-ին. Վերցված է 2014 թ․ օգոստոսի 4-ին.
  23. ↑ «Rhys Ifans to Join Johnny Depp in Disney's 'Alice in Wonderland' Sequel (Exclusive)». TheWrap. 2014 թ․ մայիսի 29. Վերցված է 2014 թ․ օգոստոսի 4-ին.
  24. ↑ «Disney's Alice in Wonderland: Through the Looking Glass Starts Filming!». ComingSoon.net. 2014 թ․ օգոստոսի 4. Արխիվացված է օրիգինալից 2014 թ․ նոյեմբերի 7-ին. Վերցված է 2014 թ․ օգոստոսի 4-ին.
  25. ↑ «Ship to feature in new Johnny Depp film arrives in Gloucester Docks». Gloucester Citizen. 2014 թ․ օգոստոսի 12. Արխիվացված է օրիգինալից 2014 թ․ օգոստոսի 16-ին. Վերցված է 2014 թ․ օգոստոսի 16-ին.
  26. ↑ «Gloucester Docks boaters unhappy with Hollywood movie filming». BBC. Վերցված է 2014 թ․ օգոստոսի 16-ին.
  27. ↑ «Tall ships arrive in Gloucester Docks ahead of Hollywood movie filming». BBC. Վերցված է 2014 թ․ օգոստոսի 16-ին.
  28. ↑ «Tall ship The Wonder arrives at Gloucester Docks for Alice in Wonderland sequel, Through the Looking Glass, starring Johnny Depp». SouthWest Business. Վերցված է 2014 թ․ օգոստոսի 16-ին.
  29. ↑ «Gloucester Docks transformed for Alice film». BBC. Վերցված է 2014 թ․ օգոստոսի 20-ին.
  30. ↑ «On the Set for 11/3/14: Keanu Reeves Starts Daughter of God, Magic Mike XXL & Ant-Man Wrap». ssninsider.com. Վերցված է 2014 թ․ դեկտեմբերի 4-ին.
  31. ↑ AWN Staff Editor (2016 թ․ օգոստոսի 9). «Disney's 'Alice Through the Looking Glass' Journeys Home October 18». Animation World Network. Վերցված է 2016 թ․ սեպտեմբերի 9-ին. {{cite web}}: |author= has generic name (օգնություն)
  32. ↑ Tom Stockman (2016 թ․ օգոստոսի 5). «ALICE THROUGH THE LOOKING GLASS on Digital HD, Blu-ray and Disney Movies Anywhere October 18th». We Are Movie Geeks. Վերցված է 2016 թ․ սեպտեմբերի 9-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ալիսան հայելիների աշխարհում» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ալիսան_հայելիների_աշխարհում&oldid=9947380» էջից