Զինաիդա Վոլկոնսկայա
| Զինաիդա Վոլկոնսկայա | |
|---|---|
.jpg) | |
| Ծնվել է | դեկտեմբերի 3 (14), 1789[1][2] կամ դեկտեմբերի 3 (14), 1792[3][4] |
| Ծննդավայր | Դրեզդեն, Սրբազան Հռոմեական կայսրություն[1][2] կամ Թուրին, Սարդինիայի թագավորություն, Իտալիա[3][5] |
| Մահացել է | փետրվարի 5, 1862[1][3][6][…] |
| Մահվան վայր | Հռոմ, Պապական մարզ[3][1][5][…] |
| Քաղաքացիություն |  Ռուսական կայսրություն |
| Մասնագիտություն | ֆրեյլինա, գրական սալոնի տեր, օպերային երգչուհի, կոմպոզիտոր, բանաստեղծուհի, գրող և երգչուհի |
| Ամուսին | Nikita Volkonsky?[3] |
| Ծնողներ | հայր՝ Aleksandr Beloselsky-Belozersky?, մայր՝ Varvara Tatishcheva? |
 Zinaida Volkonskaya Վիքիպահեստում | |
Արքայադուստր Զինաիդա Ալեքսանդրովնա Վոլկոնսկայա (Зинаида Александровна Волконская; դեկտեմբերի 3 (14), 1789[1][2] կամ դեկտեմբերի 3 (14), 1792[3][4], Դրեզդեն, Սրբազան Հռոմեական կայսրություն[1][2] և Թուրին, Սարդինիայի թագավորություն, Իտալիա[3][5] - փետրվարի 5, 1862[1][3][6][…], Հռոմ, Պապական մարզ[3][1][5][…]), ռուս գրող, բանաստեղծուհի, երգիչ, երգահան, սալոնիստ և ֆրեյլինա, XIX դարի ռուսական մշակութային կյանքում կարևոր գործիչ։ Որպես սիրողական օպերային երգչուհի հանդես է եկել Փարիզում և Լոնդոնում։
Կենսագրություն
[խմբագրել | խմբագրել կոդը]Ծնվել է Թուրինում ռուս դեսպան, իշխան Ալեքսանդր Բելոսելսկի-Բելոզյորսկու ընտանիքում, որը հայրական կողմով սերում էր Բելոզյորսկ քաղաքի միջնադարյան տիրակալներից։ Մայրը Տատիշչևի տոհմից էր, Ռյուրիկովիչների ազգակցուհի։
1808 թվականին Պրուսիայի Լուիզա թագուհու պալատական ֆրեյլինաներից էր և մտերիմ էր Ռուսաստանի կայսր Ալեքսանդր I-ին, որը դարձել է նրա ցմահ նամակագրական ընկերն ու գուցե սիրեկանը։ Բամբասանքներից խուսափելու համար 1810 թվականին ամուսնացել է Ալեքսանդրի ադյուտանտ իշխան Նիկիտա Վոլկոնսկու հետ։ Նրանք աչքի են ընկել Վիեննայի և Վերոնայի վեհաժողովներում։
1817 թվականին տեղափոխվել է Ռուսաստան, իսկ 1822 թվականին՝ Մոսկվա։ 1820-ական թվականներին հյուսիսի «Կորիննան» Մոսկվայի Տվերսկայա փողոցի մի առանձնատան մեջ ուներ գրական և երաժշտական սրահ։ Ադամ Միցկևիչը, Եվգենի Բարատինսկին, Դմիտրի Վենեվիտինովը և Ալեքսանդր Պուշկինը հաճախ էին հյուրընկալվում նրա տանը։ Պուշկինը նրան բանաստեղծորեն անվանել է «Երաժշտության և գեղեցկության թագուհի»։
Ալեքսանդր I-ի մահից հետո նրա ամուսնու եղբայրը՝ Սերգեյ Վոլկոնսկին, կազմակերպել է դեկաբրիստների ապստաբությունը նրա իրավահաջորդ Նիկոլայ I-ի դեմ։ Դեկաբրիստներին աքսորել են Սիբիր, և նրանց կանայք որոշել են հետևել ամուսիններին։ Զինաիդան հրաժեշտի երեկույթ է կազմակերպել այս կանանց համար՝ հարուցելով թագավորի դժգոհությունը։ Նրան սկսել են կասկածել գաղտնի կաթոլիկություն ընդունելու և հավանաբար Հիսուսի միաբանության գործակալ լինելու մեջ։
Այս ճնշումները ստիպել են Զինաիդային 1829 թվականին տեղափոխվել Հռոմ։ Նրան ուղեկցել են որդին և որդու դաստիարակ Ստեփան Շևիրևը։ Հռոմում բնակվել է մի շարք առանձնատներում, այդ թվում՝ Պալացցո Պոլիում, Վոլկոնսկայայի վիլլայում և այլուր։ Նրա սրահի մշտական այցելուների թվում էին Կառլ Բրյուլովը, Ալեքսանդր Իվանովը, Բերտել Տորվալդսենը, Վինչենցո Կամուչինին, Ստենդալը և Վալտեր Սքոթը։ Նիկոլայ Գոգոլն իր «Մեռած հոգիների» մեծ մասը գրել է նրա վիլլայում։
Արքայադուստր Վոլկոնսկայան մահացել է թոքաբորբից (հավանաբար այն բանից հետո, երբ իր տաք վերարկուն փողոցում տվել է մի տարեց կնոջ) և թաղվել է Santi Vincenzo e Anastasio a Trevi գերեզմանոցում։ Մարիա Ֆեյրուեդերի կողմից գրված նրա անգլերեն կենսագրությունը՝ «Ուխտագնաց արքայադուստր. Արքայադուստր Զինաիդա Վոլկոնսկու կյանքը»[7] հրատարակվել է 1998 թվականին։
Անգլերեն թարգմանություններ
[խմբագրել | խմբագրել կոդը]- The Dream: A Letter, (story), from An Anthology of Russian Women's Writing, 1777-1992, Oxford, 1994. 0-19-871505-6
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Большая российская энциклопедия (ռուս.) — М.: Большая российская энциклопедия, 2004.
- ↑ 2,0 2,1 2,2 2,3 2,4 Geni(բազմ․) — 2006.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 Смиренский Б. В. Волконская (ռուս.) // Краткая литературная энциклопедия — М.: Советская энциклопедия, 1962. — Т. 1.
- ↑ 4,0 4,1 Биография.ру (ռուս.) — 2006.
- ↑ 5,0 5,1 5,2 5,3 5,4 5,5 Enciclopedia di Roma (իտալ.)
- ↑ 6,0 6,1 6,2 Répertoire International des Sources Musicales — 1952.
- ↑ Google Books
Արտաքին հղումներ
[խմբագրել | խմբագրել կոդը]- Aleksandrovna Volkonskaia papers Արխիվացված 2018-06-06 Wayback Machine at Houghton Library, Harvard University
 | Վիքիպահեստն ունի նյութեր, որոնք վերաբերում են «Զինաիդա Վոլկոնսկայա» հոդվածին։ |
| ||||||||||||||||
