Ալեքսանդր Իվանով

Ալեքսանդր Իվանով; ռուս.՝ Алекса́ндр Андре́евич Ива́нов
Ծնվել է	հուլիսի 16 (28), 1806
Ծննդավայր	Սանկտ Պետերբուրգ, Ռուսական կայսրություն
Վախճանվել է	հուլիսի 3 (15), 1858 (51 տարեկան)
Մահվան վայր	Սանկտ Պետերբուրգ, Ռուսական կայսրություն
Քաղաքացիություն	Ռուսական կայսրություն
Կրթություն	Սանկտ Պետերբուրգի գեղարվեստի ակադեմիա
Մասնագիտություն	նկարիչ
Ոճ	նեոդասականություն
Ժանր	պատմական գեղանկարչություն
Թեմաներ	գեղանկարչություն
Ուշագրավ աշխատանքներ	Քրիստոսի հայտնությունը Մարիա Մագթաղենացուն Հարությունից հետո
Աշակերտներ	Ivan Shapovalov?
Պարգևներ
Հայր	Անդրեյ Իվանովիչ Իվանով
	Alexandr Andreevich Ivanov Վիքիպահեստում

Ալեքսանդր Անդրեևիչ Իվանով (ռուս.՝ Александр Андреевич Иванов, հուլիսի 16 (28), 1806^[1], Սանկտ Պետերբուրգ, Ռուսական կայսրություն^[2]^[1] - հուլիսի 3 (15), 1858^[1], Սանկտ Պետերբուրգ, Ռուսական կայսրություն^[2]^[1]), ռուս նկարիչ։

1817-1828 թվականներին սովորել է Պետերբուրգի գեղարվեստի ակադեմիայում։ 1830 թվականին որպես նկարիչներին խրախուսող ընկերության թոշակառու մեկնել է Իտալիա։ 1831-1858 թվականներին ապրել է Հռոմում։ Ալեքսանդր Անդրեևիչ Իվանովը երկար տարիներ աշխատել է «Քրիստոսի հայտնությունը ժողովրդին» (1837-1857 թվականներին Տրետյակովյան պատկերասրահում) ծրագրային նկարի վրա, ուր ձգտել է վերաիմաստավորել հասարակական կյանքի, արվեստի և բարոյականության արմատական հարցեր։ Խորապես վերապրելով սոցիալական անարդարությունն ու ճնշումը, նկարի հիմք է ընտրել ժողովրդի ազատագրման թեման, մարդկանց բարոյական վերածնունդը։ Կոմպոզիցիայի բարդ հյուսվածքում միավորել է իրադրությունը յուրովի ըմբռնող տարբեր դասերի ներկայացուցիչների, վերստեղծել ոգեշնչվածությամբ և տիպականությամբ աչքի ընկնող մարդկային կերպարներ։ Նկարի վրա աշխատելու ընթացքում կատարել է ինքնուրույն արժեք ունեցող հարյուրավոր բարձրարվեստ էտյուդներ ու գծանկարներ։ Նրա բնանկարները խտացնում են բնության ներդաշնակությունը, ձևերի պարզությունն ու արտահայտչականությունը («Ճյուղը», 1840-ական թվականներին, Տրետյակովյան պատկերասրահ, «Մերկ տղան», Ռուսական թանգարան, Լենինգրադ)։ 1840-ական թվականների վերջերից մինչև 1857 թվականը ստեղծված, հատուկ շինության համար նախատեսված որմնանկարների էսքիզներում Իվանովը նորովի է մեկնաբանել աստվածաշնչյան թեմաները։ Ազատասիրության և ստեղծագործական երևակայության ուժի տեսակետից «Աստվածաշնչյան էսքիզներ» շարքը բացառիկ տեղ է գրավում 19 դարի ռուսական արվեստում։ Ազատագրական գաղափարներով, ռեալիզմի և ժողովրդայնության համարձակ նվաճումներով հարուստ Իվանովի ստեղծագործությունը հսկայական ազդեցություն է ունեցել 19 դարի ռուսական արվեստի վրա։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Большая российская энциклопедия (ռուս.) — М.: Большая российская энциклопедия, 2004.
↑ ^2,0 ^2,1 ^2,2 ^2,3 ^2,4 ^2,5 Иванов Александр Андреевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

Վիքիպահեստն ունի նյութեր, որոնք վերաբերում են «Ալեքսանդր Իվանով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 421)։

[_1d94d8dfdf372c00-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Большая российская энциклопедия (ռուս.) — М.: Большая российская энциклопедия, 2004.

[_f8265224b8bf3100-2] 2,0 ^2,1 ^2,2 ^2,3 ^2,4 ^2,5 Иванов Александр Андреевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[1]

[2]