Ելենա Ֆանայլովա

Վիքիպեդիայից՝ ազատ հանրագիտարանից
Ելենա Ֆանայլովա
Ծնվել էդեկտեմբերի 19, 1962(1962-12-19) (61 տարեկան)
ԾննդավայրՎորոնեժ, ԽՍՀՄ
Մասնագիտությունլեզվաբան, բանաստեղծուհի, թարգմանչուհի, գրող և լրագրող
Լեզուռուսերեն
Քաղաքացիություն ԽՍՀՄ և  Ռուսաստան
ԿրթությունՎորոնեժի պետական համալսարան և Վորոնեժի պետական բժշկական համալսարան
Պարգևներ

Ելենա Նիկոլաևնա Ֆանայլովա (ռուս.՝ Еле́на Никола́евна Фана́йлова, դեկտեմբերի 19, 1962(1962-12-19), Վորոնեժ, ԽՍՀՄ), խորհրդային և ռուս բանաստեղծուհի, թարգմանիչ, լրագրող։

Կենսագրություն և ստեղծագործություն[խմբագրել | խմբագրել կոդը]

Ելենա Ֆանայլովան ծնվել է 1962 թվականին, Վորոնեժում։ Ավարտել է Վորոնեժի բժշկական ինստիտուտը և Վորոնեժի պետական համալսարանի ռոմանո-գերմանական բանասիրության լեզվաբանության բաժինը։ Աշխատել է մարզային հիվանդանոցում որպես բժիշկ, Վորոնեժի պետական համալսարանի լրագրության ֆակուլտետում` որպես դասախոս և մարզային հեռուստատեսությունում` որպես խմբագիր։ 1995 թվականից աշխատում է «Ազատություն» ռադիոկայանի թղթակից, 1990-ականների վերջերից բնակվում և աշխատում է Մոսկվայում։ Աշխատել է «Մարդը իրավունք ունի» ծրագրում, վարում է «Մոսկվայից հեռու` մշակույթ, նախկին Խորհրդային կայսրության քաղաքները և մարդիկ» ծրագիրը։ «Ազատությունն ակումբներում» ծրագրի հեղինակն է։

Բանաստեղծությունները և ակնարկները հրապարակվել են «Знамя», «Новое литературное обозрение», «Критическая масса», «Сеанс», «Иностранная литература», «Митином журнале» և այլ ամսագրերում։ Հրատարակել է նաև թարգմանություններ ուկրաիներենից (Սերգեյ Ժադանի բանաստեղծությունները) և գերմաներենից (Բրիգիտա Օլեշինսկու բանաստեղծությունները)։ Հանդիսանում է OpenSpace.ru պորտալի սյունակագիր։ Անդրեյ Բելիի մրցանակի (1999), «Մոսկովյան հաշիվ» մրցանակի (2003), «Знамя» ամսագրի մրցանակի (2008) դափնեկիր է։ ԱՄՆ-ում հրատարակված Ֆանայլովայի «The Russian Version» (2009) գիրքը, որը թարգմանել են Ստեֆանի Սանդլերը և Եվգենիա Տուրովսկայան, արժանացել է Ռոչեստերի համալսարանի մրցանակի, որպես տարվա լավագույն թարգմանված գիրք[1]։ Արժանացել է Բրոդսկու հիմնադրամի կրթաթոշակի - 2013[2]։ Ֆանայլովայի բանաստեղծությունների հիման վրա ռեժիսոր Էդուարդ Բոյակովը ներկայացումներ է բեմադրել «Պրակտիկա» (Մոսկվա) և «Սցենա-Մոլոտ» թատրոններում (Պերմ

Աշխատություններ[խմբագրել | խմբագրել կոդը]

  • Путешествие. — СПб.: Северо-Запад; Митин журнал, 1994.
  • С особым цинизмом. — М.: Новое литературное обозрение, 2000.
  • Трансильвания беспокоит. — М.: О. Г. И., 2002.
  • Русская версия. — М.: Emergency Exit, 2005. (Книга + CD)
  • Чёрные костюмы. — М.: Новое издательство, 2008. (Новая серия).
  • Лена и люди. М.: Новое издательство, 2011.

Ծանոթագրություններ[խմբագրել | խմբագրել կոդը]

  1. Америка оценила поэзию Елены Фанайловой Արխիվացված 2010-05-31 Wayback Machine // Радио «Свобода», 15.03.2010.
  2. «Стипендиаты Фонда Бродского — 2013». Արխիվացված է օրիգինալից 2013 թ․ սեպտեմբերի 27-ին. Վերցված է 2021 թ․ փետրվարի 14-ին.

Արտաքին հղումներ[խմբագրել | խմբագրել կոդը]