Դեղին Քրիստոս (նկար)

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Դեղին Քրիստոս
Gauguin Il Cristo giallo.jpg
տեսակգեղանկար
նկարիչՊոլ Գոգեն
տարի1889
բարձրություն91,1 սանտիմետր
լայնություն73,4 սանտիմետր
ստեղծման վայրՊոնտ-Ավեն
ուղղությունսիմվոլիզմ և կլուազոնիզմ
ժանրհոգևոր արվեստ և կենցաղային ժանր
նյություղաներկ
գտնվում էՕլբրայթ-Նոքս պատկերասրահ
հավաքածուՕլբրայթ-Նոքս պատկերասրահ[1]
հիմնական թեմաՀիսուսի խաչելություն
կայք
Le Christ jaune (Paul Gauguin) Վիքիպահեստում

«Դեղին Քրիստոս» (ֆր.՝ Le Christ jaune), ֆրանսիացի պոստիմպրեսիոնիստ, սինթետիզմի, պրիմիտիվիզմի հիմնադիր և նախակարապետ Պոլ Գոգենի նկարը: Այս ստեղծագործությունը հեղինակը վրձնել է 1889 թվականին: Յուղաներկով կտավի չափերն են 91,1 × 74,3 սմ: «Դեղին Քրիստոս» ստեղծագործությունն այսօր պահպանվում և ցուցադրվում է Օլբրայթ-Նոքս պատկերասրահում (Բուֆֆալո, Նյու Յորք նահանգ, ԱՄՆ):

Ստեղծման պատմություն[խմբագրել | խմբագրել կոդը]

Պոլ Գոգենն առաջին անգամ Պոնտ Ավեն այցելեց 1886 թվականին: Նկարչի ստեղծագործության Բրետանական ժամանակահատվածը, որտեղից կատարել է այցելություններ դեպի Առլ՝ Վինսենթ վան Գոգին, բնութագրվում է մի քանի կրոնական թեմաների ստեղծմամբ, այդ թվում և «Դեղին Քրիստոս» ստեղծագործությունը: ֆրանսիացի գրող Օկտավ Միրբոն այս կտավն անվանել է «կաթոլիկ պատարագի, հնդկական մեդիտացիայի, գոթական հերյուրանքի և նուրբ սիմվոլիզմի բարբարոսական սուր խառնուրդ»[2]:

Նկարագիր[խմբագրել | խմբագրել կոդը]

«Դեղին Քրիստոս» ստեղծագործության մեջ ցավահար Հիսուս Քրիստոսը պատկերված է երեք բրետոնացի գյուղացի կանանց շրջապատւմ: Վերջիններս հագել են ազգային ավանդական հանդերձանք, որոնք բնորոշ են 19-րդ դարի վերջին: Խաչված Քրիստոսի հետին պլանում Պոլ Գոգենը նկարել է տիպիկ ֆրանսիական գյուղական բնապատկեր: Հանգստությունը, որը տարածվում է երկնքում, կանանց խոնարհ, խաղաղ նստելաձևերը, հագեցած դեղին «արևային» լանդշաֆտը, աշնանային կարմիր տերևներով ծառերը, գյուղացին, ով հեռվում զբաղված է իր գործով, կարծես կապ չունեն խաչի վրա տեղի ունեցած ողբերգության հետ: Վերոնշյալները կտրուկ կերպով հակադրության մեջ են գտնվում Հիսուս Քրիստոսի հետ, որի դեմքին արտացոլված է չարչարանքի այն մակարդակը, որը սահմանակցում է ապատիայի, անտարբերության հետ:

Անսահման չարչարանքը, որն արտացոլված է Հիսուս Քրիստոսի դեմքին, հակադրության մեջ է գտնվում մարդկանց անհոգ վիճակի հետ:

Ծանոթագրություններ[խմբագրել | խմբագրել կոդը]

Գրականությոն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]