Գտնվում է Բրետան թերակղզում, որը կազմում է համանուն պատմական շրջանի մեծամասնությունը։ Տարածությունը 35, 3 հազար կմ2 է, բնակչությունը՝ 3, 3 միլիոն (1968), գլխավոր քաղաքը՝ Ռեն։ Բրետանի տարածքը մտնում է Իլ և Վիլեն, Կոտ դյու Նոր, Ֆինիստեր, Մորբիան, Ատլանտյան Լուար դեպարտամենտների կազմի մեջ։ Առաջին 4 դեպարտամենտները կազմում են Բրետանի պաշտոնական տնտեսության շրջանը։ Զբաղվում են անասնապահությամբ, հացահատիկի, կարտոֆիլի, խոտաբույսերի մշակությամբ, այգեգործությամբ, ձկնորսությամբ։ Արդյունաբերությունը (նավաշինություն, ձկնամթերքի, գյուղատնտեսության մթերքների վերամշակում) կենտրոնացած է ծովափնյա քաղաքների նավահանգիստներում, Ռենում՝ ավտոմոբիլաշինություն։ Բրետանն իր անունն ստացել է 5-6-րդ դարերում այդտեղ բնակություն հաստատած բրիտների անունից։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 564)։
Ֆրանսիա
