Գյունտեր Ֆորգ
Գյունտեր Ֆորգ գերմ.՝ Günther Förg | |
|---|---|
 | |
| Ծնվել է | դեկտեմբերի 5, 1952[1][2][3][…] |
| Ծննդավայր | Ֆյուսեն, Արևելյան Ալգոյ, Շվաբիա, Բավարիա, Գերմանիա[4] |
| Վախճանվել է | դեկտեմբերի 5, 2013[1][2][3][…] (61 տարեկան) |
| Մահվան վայր | Colombier, Milvignes, Նևշատել, Շվեյցարիա[5][6] |
| Քաղաքացիություն |  Գերմանիա |
| Կրթություն | Մյունխենի գեղարվեստի ակադեմիա |
| Մասնագիտություն | նկարիչ, քանդակագործ, լուսանկարիչ, համալսարանի դասախոս, նկարիչ-փորագրող, նկարազարդող, ինստալյացիոն արտիստ, գծանկարիչ, ջրանկարիչ և արվեստագետ |
| Պարգևներ |  |
 Günther Förg Վիքիպահեստում | |
Գյունտեր Ֆորգ (գերմ.՝ Günther Förg, դեկտեմբերի 5, 1952[1][2][3][…], Ֆյուսեն, Արևելյան Ալգոյ, Շվաբիա, Բավարիա, Գերմանիա[4] - դեկտեմբերի 5, 2013[1][2][3][…], Colombier, Milvignes, Նևշատել, Շվեյցարիա[5][6]), գերմանացի մինիմալիստ, նկարիչ, լուսանկարիչ և քանդակագործ։ Ֆորգի աբստրակտ ոճը կրել է ամերիկյան աբստրակտ գեղանկարչության ազդեցությունը[7][8]։
Կենսագրություն
[խմբագրել | խմբագրել կոդը]Ֆորգը ծնվել է Ֆյուսեն քաղաքում։ Նրա հայրը՝ Մայքլը, աշխատել է մաքսատանը[9]։ 1973 թվականից մինչև 1979 թվականը Գյունտեր Ֆորգը սովորել է Մյունխենի գեղարվեստի ակադեմիայում։ 1992-1999 թվականներին դասավանդել է Կարլսրուեի գեշտալտ պետական բարձրագույն դպրոցում։ 1999 թվականից եղել է պրոֆեսոր Մյունխենում։ 1993 թվականին ամուսնացել է Իկա Հուբերի հետ[9]։
Ստեղծագործություն
[խմբագրել | խմբագրել կոդը]Գյունտեր Ֆորգը գերմանացի նկարիչների հետպատերազմյան սերնդի ներկայացուցիչներից էր, որոնց համար մոդեռնիզմը կապված էր ֆաշիզմի սարսափների հետ։ Գյունտեր Ֆորգն իր կարիերան սկսել է գեղանկարչությամբ և վերադարձել դրան։ Վերջին տարիներին նա կենտրոնացել է նկարների շարք ստեղծելու վրա։ 1990-ականներին նա աշխատել է լայնածավալ նկարչության վրա, ներառյալ քանդակներ՝ շերտերի և վանդակապատերի տեսքով։ Նրա վերջին նկարները հաճախ ներառում են միևնույն գույնի կարճ վրձնահարվածների խմբերը, որոնք տեղադրված են միմյանց կողքին, որի միջոցով գույնը տատանվում է կտավի մակերևույթի վրա։ Վերջին շրջանի նկարչությունն ավելի շատ նման է բնանկրի, կարծես դրանից հանված է գույնի և լույսի զգացողությունը։ 1970-ականներից ի վեր Ֆորգը եղել է ազդեցիկ գործիչ եվրոպական արվեստի բնագավառում։ Նրա կտավներն ու այլ աշխատանքներ, որոնք ներառել են տարբեր առարկաներ և նյութեր, հաճախ հատել են գեղանկարչության, լուսանկարչության և քանդակի միջև ընկած սահմանները։ Նրանք նաև միտումնավոր կերպով վերացրել են հեռուստադիտողի և արվեստի միջև եղած սահմանները։
Ֆորգի աշխատանքները գտնվում են մշտական հավաքածուներում այնպիսի հեղինակավոր թանգարաններում, ինչպիսիք են Թեյթը, Լուիզիանան և Սան Ֆրանցիսկոյի ժամանակակից արվեստի թանգարանը։ Նրա աշխատանքներից պահվում են նաև այլ թանգարաններում, այդ թվում՝ Ժամանակակից պինակոտեկ (Մյունխեն), Համբուրգյան կայարան (Բեռլին), Բոնի գեղարվեստի թանգարան, Արվեստների և մեդիատեխնոլոգիաների կենտրոն (Կարլսրուե), Լյուդվիգ թանգարան (Քյոլն), Կանադայի ազգային պատկերասրահ (Օտտավա), Ամստերդամի քաղաքային թանգարան, Ժամանակակից արվեստի թանգարան (Նյու Յորք), Սան Ֆրանցիսկոյի ժամանակակից արվեստի թանգարան։
Պատկերասրահ
[խմբագրել | խմբագրել կոդը]-
Դարպաս (1994), Ռոտերդամ -
Կոթող (1994), Ռոտերդամ -
Անվերնագիր (2000), Ֆրայբուրգ իմ Բրայսգաու
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Günther Förg (նիդերլ.)
- ↑ 3,0 3,1 3,2 3,3 3,4 Günther Förg — 2006.
- ↑ 4,0 4,1 4,2 Արվեստների և մեդիատեխնոլոգիաների կենտրոն — 1997.
- ↑ 5,0 5,1 5,2 http://en.artmediaagency.com/78487/gunther-forg-1952-2013/
- ↑ 6,0 6,1 6,2 Günther Förg, German Artist Who Made Modernism His Theme, Dies at 61 / J. Kahn — Manhattan: New York Times Company, A. G. Sulzberger, 1851. — ISSN 0362-4331; 1553-8095; 1542-667X
- ↑ Günther Förg, 1987–2011, 12 November 2011 – 28 January 2012 Galerie Max Hetzler, Berlin.
- ↑ «Günther Förg ✝ : Und hinter tausend Farbbahnen keine Geschichte - Nachrichten Kultur - Kunst und Architektur - DIE WELT». Welt.de. Վերցված է 2013 թ․ դեկտեմբերի 7-ին.
- ↑ 9,0 9,1 Bruce Weber (18 December 2013), Günther Förg, German Artist Who Made Modernism His Theme, Dies at 61 New York Times.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Գյունտեր Ֆորգ» հոդվածին։ |
| ||||||||||||||||
