Բերդագրակ

Ավան
Բերդագրակ
Վարչական տարածք	Թուրքիա
Վիլայեթ	Էրզրումի վիլայեթԷրզրումի վիլայեթ
Գավառակ	Կիսկիմի գավառակ
Այլ անվանումներ	Բարդրեկ, Բերդագարակ, Բերդգրեկ, Բերդեգրեկ, Պետեգրեկ, Փետեկրեկ, Փերթեքրեք, Փերտեգրեկ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Փոստային ինդեքսներ	08820
Բերդագրակ (Թուրքիա)

Բերդագրակ, ավան (գյուղաքաղաք, գյուղ) Արևմտյան Հայաստանում, Էրզրումի վիլայեթի Կիսկիմի գավառակում։ Գտնվում էր Ճորոխ գետի ձախ ափին։

Պատմություն

Նախկինում մտել է Մեծ Հայքի Տայք աշխարհի Արսյացփոր գավառի Բերդագրակ գավառակի մեջ և հանդիսացել է վերջինիս կենտրոնը։ Հին հայաբնակ պատմական բնակավայր էր, որին հիշատակում էին որպես գյուղ, ավան և գյուղաքաղաք։

Հայ բնակչությունը XVIII դարում բռնի մուսուլմանացվել էր, սակայն մինչև XX դարի սկզբները նրանց հետնորդները պահպանում էին հայկական անուններն ու սովորույթները։

Բնակչություն

XX դարի սկզբին ուներ թուրք, լազ և հայ բնակչություն։ Հայերը կազմում էին 39 տուն բնակիչ

Տնտեսություն

Բնակչության հիմնական զբաղմունքը անասնապահություն, մեղվաբուծություն և այգեգործությունն էր։

Պատմամշակութային կառույցներ

Բերդագրակի հայկական եկեղեցին վերածվել էր մզկիթի։ Ավանում գտնվում էր Բերդագրակ բերդի ավերակները և ընդարձակ գերեզմանոց։

Կրթություն

Գյուղում գործում էր դպրոց։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 419)։